هل باع السيسي مصر للسعودية!!!!!

تمتليء مواقع التواصل الجتماعي والقنوات التلفزيونيه هذه الفترة بالمنظرين الذين يسعون لدق اسفين في العلاقات السعوديه المصريه
بادعاء ان السيسي قام ببيع جزيرتي تيران وصنافير مقابل بضعه مليارات
لذلك زجب التوضيح من محدثكم ((ايمن رشدي))


لمن يرغب في معرفة حقيقة جزيرتي تيران وصنافير اللتان سيقام عليهما جسر الملك سلمان في مدخل خليج العقبة ، يقرأ ما كتبه ايمن رشدي عنهما 👇🏻👇🏻

أنا اشتغلت 4 شهور على جزيرة تيران و حافظها شبر شبر
الجزيرتين دول ماهم الا جبلين في وسط البحر لا يوجد عليهم اي حياة او حتى شجرة واحدة و طبيعتهم صخرية
لا يوجد بهم الا نقطة شرطة تابعة للأمن المركزي و الحياة فيها كانت صعبة جدا و في نقطة تانية فوق جبل تابعة للقوات متعددة الجنسيات بيوصلولها بطائرة هوليوكبتر فقط
أهمية الجزر دي فقط أنها في مدخل خليج العقبة
و الجزر دي أصلها سعودية و كنت و انا قاعد هناك كان بيني و بين السعودية نص ساعة و بيني و بين مصر ساعة و نص
الجزر دي الملك فيصل اهداها للملك فاروق لوضع حماية عليها من القوات البحرية المصرية في مواجهة اسرائيل علشان دي الطريق الوحيد لميناء ايلات
و اسرائيل كانت احتلتهم فعلا في 1967 و رجعت تاني لمصر سنة 1979
بعد اعلان انشاء الكوبري اللي هيربط بين مصر و السعودية طبعا أكثر حد هيضر من الكوبري ده هي اسرائيل علشان هيأثر على صادرتها النفطية من ميناء ايلات
فالكوبري في الحالة دي هيكون تحت التهديد و لازم حمايته
مصر وفقا لأتفاقية كامب ديفيد دورها كان على الجزيرة دي هي نقطة الامن المركزي اللي انا اشتغلت فيها و كان معانا 20 بندقية الي
طبعا الكلام ده ميحميش الكوبري من اي هجوم
السعودية مفيش بينها و بين اسرائيل أي معاهدات
يعني لو عملت على الجزر دي قواعد صواريخ بكرة الصبح محدش هيقولها ثلث الثلاثة كام
الهدف دلوقتي هو حماية الكوبري اللي هتكون حجم التجارة الدولية عليه 200 مليار دولار سنويا و هيفتح ابواب خير على مصر اكتر من السعودية
و الناس اللي عمالة تقول الدولة العثمانية و 1906 و حدود مصر و الكلام الفاضي ده
ده بقى عرض لتاريخ مصر من سنة 1800
خريطة مصر سنة 1800 كانت سيناء كلها تابعة للجزيرة العربية ما عدا الجزء الشمالي حتى غزة و الحدود الجنوبية مع السودان حتى و حلايب و شلاتين و الصحراء الغربية كانت ثلث مساحتها فقط

محمد علي حكم مصر عام 1805 و قرر انه يحارب ال*****ين في الجزيرة العربية علشان كانوا عاملين مشاكل للدولة العثمانية
و بدا الحرب عليهم عام 1812 حتى 1815 و ضم جزء كبير جدا لمصر من الجزيرة العربية حتى مكة و المدينة كانوا تحت الولاية المصرية
ده غير انه توغل في جنوب مصر حتى أثيوبيا و منابع النيل
خرجت قوات محمد علي من ارض الحجاز عام 1840 و تم ضمها بعد ذلك للدولة العثمانية بتركيا
تم تأسيس المملكة العربية السعودية عام 1932 و تم رسم حدودها من جديد وفقا للشكل الحالي
عام 1950 و لأن السعودية لم يكن لديها قوات بحرية قوية بما فيه الكفاية قام الملك فيصل بوضع جزيرتي تيران و صنافير تحت الحماية المصرية مع رفع اعلام مصر عليهما لحمايتهم من اسرائيل التي كانت تسعى للسيطرة عليهم لتأمين دخولها لخليج العقبة حتى تم الاستيلاء عليهم عام 1967 و تم استرجاعهم في عام 1979
محدش بقى يجي يعمل عليك ناصح و يقول لك اصل سنة 1906 كانت جزيرتي تيران و صنافير مصرية و ده الاصل علشان اصل الأصل هما سعوديتين تابعين للجزيرة العربية
جبت لكم خرائط المنطقة من سنة 1900 حتى 1955 من مكتبة الكونجرس في واشنطن, المكتبة دي تحديدا بتضم اكبر موسوعة للخرائط القديمة.
https://www.loc.gov/resource/g7420.ct003769/
ده لينك لخريطة رسمية سنة 1900, الخريطة بتحدد حدود مصر بالاحمر و حدود الدولة العثمانية بالاصفر, بالامكان تكبير حجم الخريطه و هنشوف جزر تيران و صنافير بالاصفر
https://www.loc.gov/item/2009580104/
دي خريطة تانيه من سنة 1922, بتوضح حدود مصر بلون اخضر فاتح و طبعا الجزر مرسومه بلون مختلف
https://www.loc.gov/item/2001620692/
الخريطة دي لسنة 1947 و دي منشوره بأسم خريطة الدول العربية ما عدا مصر و ظاهر فيها جزيره تيران باللون الابيض نفس اللون اللي مرسوم به اراضي الدول العربية
https://www.loc.gov/item/2013593015/
الخريطه الاخيره دي لسنة 1955, و المفاجأه ان الخريطة دي فيها خط بيفصل حدود مصر و السعودية و اللي بيظهر بشكل قاطع ان الجزر دي تابعه لحدود السعودية (شكرا للأستاذة داليا السيد التي حصلت على الخرائط)
طبعا وفقا لاتفاقية كامب ديفيد مصر متقدرش تحط قوات عسكرية و قواعد صواريخ علشان تحمي الكوبري لكن السعودية مفيش اي اتفاقيات بينها و بين إسرائيل ، و علشان كدة الوضع الحالي يتطلب اعادة ترسيم الحدود البحرية مرة أخرى بعد 67 سنة لحماية الكوبري اللي هيكون صداع في رأس اسرائيل و المصلحة الكبرى هتكون لمصر في هذا الموضوع مع حجم تجارة غير مسبوق و مصر هتكون بوابة أفريقيا لآسيا غير أنه هيكون وسيلة ضغط جديدة على أسرائيل و هو ما يحزن عملائها في مصر .

أيمن رشد