من أشعار الدكتور مانع سعيد العتيبة

يــــا بــــو خـلـيـفـة مسـتـصـيـبـي = امــصــوب قـلـبــي او مــجــروح
شـكـوايـه مـــن فـرقــا الحبـيـبـي = ابـكــي عـلـيــه اودايــــم انــــوح
ويـــن الــــدوا ويــــن الطـبـيـبـي = ويــن الــذي ســـري لـــه ابـــوح
عـوقــي انــــا عــــوق عـجـيـبـي = سـوى وشـم فـي خـافـي الــروح
مــن الــي هــدب عيـنـه سبـيـبـي = امـغـطـيـات اعــيـــون لــوضـــح
او من العنبري او من كل طيبـي = والـــورد مـــن خـديـنـه ايــفــوح
والــعــود مـــــوزون او لـبـيـبــي = والـيـدل فــوق امتـونـه اطـــروح
لــي مــن مـشـى واشــق جـيـبـي = مثـل المهـا فــي وســط لـسـروح
اولـي مــن زعــل اشـعـل لعيـبـي = اولي من رضي انعش لي الروح
اولــي مــن نـطـق نطـقـه رتيـبـي = مــا يــاك مـلـقـوف او مـفـضـوح
لــــولا الـحـيــا يــــاذا الـنـجـيـبـي = ان كــان صــوب الـخـل بـــاروح

نور القمـر مـن نـوره = خلـي لــي مــن ظـهـر
متباهي فـي الصـوره = كـل مـن شافـه ابتهـر
يسلب فكره اوشعوره = بـاعـيـونـه والـثــمــر
يا نـاس لـي ذا طـوره = خـلانــي فـــي خــطــر

لـــــف قـلــبــي لـــــف راداري = او بـيـن الــي فــي البـعـد كـلـه
يلـقـطـه لـــو دونـــه ابـحــاري = او لـو اجبـال الشـام حـدن لــه
او يكشف الي به من أسراري = او كم من الرويـات يطـرن لـه
يـا محمـد لـي سـرى الـسـاري = والـتـقــى خــــل مـــــع خــلـــه
بــت فــي لـيـعـات واشـــواري = او مـوق عينـي دمعهـا ايهـلـه
من وليف فـي الهـوى ايـداري = مــــا تـعــمــد يــاتـــي ابــزلـــه
لـــه جـبـيـن شــــع بــانــواري = والــشــعــر مــتــحــدر فـــلـــه
او لـه عـيـون نـعـس اتـمـاري = والـهـدب مــن فوقـهـا امظـلـه
او مبسم يحوي مـن أسـراري = لـولــو الـطــواش مــــا شــلــه
او من رحيق الورد وازهـاري = ريـجــه المـعـسـول جـــد بـلــه
والــصــدر يــزهــو بـلـثـمـاري = شــــوب رمــــان نــهــود لــــه
والجـسـم مهـضـوم لخـصـاري = عـــود مـــوز نـــاد فـــي حـلــه
لـه مثـل مـن وحــش لـبـراري = زاهــي فـــي حـسـنـه او دلـــه
مــا يطـفـي حـرتــي او نـــاري = او يـبــري الاسـقــام والـعـلــه
غـيـر وصـلـه سـيــد لـخـيـاري = تــذكــره الـخـفــرات واتـجـلــه

روح المحـبـوب واتعبـنـا = واقفرت من عقبه الديره
فـي هواهـم قلبـي امعنـا = ممتحن ويجاسي الحيـره
ارقـبـه والشـوفـه احـنــا = طيـب الاسنـاع والسيـره
بالهجـر والبـعـد مشجـنـا = منيتـي مالـي أنــا غـيـره
لــــه دلال او دل اوفــنــا = لو له محيا طلعته اتنيره
فـي هـوانـا شـيـد او بـنـا = مـنـزل تسـهـر نواطـيـره
خذنـي ابلحـسـان واتئـنـا = واعطنـي للحـب تاشيـره
صابنـي مـا صـاب لمعنـا = والهـوى زمـت نوافـيـره

يــا خــل روف ابـحـالـي = وارحـــم قـلــب عـطـيـب
يـا الــي شغـلـت البـالـي = يــــا بـوطـبــع عـجــيــب
الـعـيــن بــــك اتـخـالــي = اوعن خاطري ما لتغيب
لـيـتـك تـكــون اجـبـالـي = يــــا خــلــي والـحـبـيــب
يــــا طـيـبـيــن الـفــالــي = انـتــه الـعـوقـي طـبـيـب
يـا المبتغـى يــا الغـالـي = فيـك الرجـا مــا ايخـيـب

عـجـيـب طـبـعـه حبـيـبـي = يهـوى الجـفـا والـصـدود
كــل مــن زقـرتـه تمـنـع = واخلـف جميـع الـوعـود
جـنـة نـسـى مـــا بـدالــه = كــل احلـفـات او عـهــود
يــــوم بــيــرض عـلــيــه = ذاك الـمـنـى والـسـعــود
لانـــه ســالــب فــــوادي = او وسط الحشا له وجود
مــحـــلاه ذاك الـمـعـنــق = والنـحـر او يــا الـخــدود
او يـامــا حـــلاة الثـنـايـا = او ذيـك العـيـون الـسـود
والـنـهــديــن الــزمــايــم = لــي فــي صــدره قـعــود
والـشـعـر الــــي تــحــدر = فـــوق الـردايــف بــنــود
يـالـيـت يـرحــم ويـــاوي = حــلــو الـلـمــا والــعــود
لانــــه عــنــدي حـبـيـبـي = يـسـوي جـمـيـع الـخــود
يـعــل الـبـلـد لـــي يـتـبـه = تسـقـى المـطـر بـالــزود

يـا علـي ونيـت مـن عــوق جديـمـي = ونـة المطعـون فــي قـاصـي حـشـاه
ويـن لـي مثلـك أنـا القولـي فهيمـي = يسعـف المنصـاب مـن عــوق بــلاه
سالبـنـي راعــي الـنـهـد الزمـيـمـي = افــزر لـــي مـــن تـمـشـي بـاخـيـلاه
والعيـان السـود لــي فيـهـا أهيـمـي = صوبتنـي مـن ورى رضـف الغشـاه
وان تبسـم اظهـر اللـولـو النظيـمـي = مـن قــراح الـمـاي ارواه او سـقـاه
والخصر هايف او منحوف البريمي = والجـسـم سبـحـان ربــي لــي بـنــاه
ما حلاتـه لـي مشـى فـوق الأديمـي = مشـيـة الــي مــا تعـيـل فــي خـطـاه
لـو دعالـي ميـت او عظمـه رميمـي = نـش مـن قبـره او ردت لــه الحـيـاه
وان نزل فـي دار محيـل اوهشيمـي = امطـرت لـمـزون لـيـن اروت ثــراه
وانــدرت صـحــراه جـنــات نعـيـمـي = بيـن عشـب خضـر اوغــدر اومـيـاه
يـا علـي خـلـي انــا شكـلـه عديـمـي = خـشـف ريــم تـايــه وســـط الـفــلاه
ساكـن مـا بيـن ريضـان او زميمـي = او منزلـه فـي وسـط قلبـي جـد بنـاه
بالشفـاقـة انـتـظـر شـوفــه نـديـمـي = فــي مـكـان لا حـسـود او لا وشـــاه
اشهد اني صـرت فـي حبـه غريمـي = ماليـه عـن وصــل محبـوبـي عــزاه

يـا حمـد لـو شفـت مـا أنـا شايـف = انـكـان مــا شـمــت بـــي عـذالــي
شوف محبوبي غدالي بالصدايـف = شاغل فكـري او دايـم فـي خيالـي
خشف ريم فـر مـن بيـن الولايـف = متعب صيدع او تبعه في المفالـي
فاق في حسنه على كل الوصايف = وانـفـرد بالـزيـن كـلـه والجمـالـي
لـه يـديـل فــوق متنيـنـه ضفـايـف = والمعنـق مثلـمـا عـنـق الغـزالـي
والوجن تاضـي كمـا ورد قطايـف = والحواجب عطف شرواة الهلالي
والثنـايـا حـــب رمـــان صـفـايـف = والشفايـا تسقـي الخمـر الحلالـي
له عيون من هدبهـا الهـا لحايـف = كــم جـريـح صويتـهـا مــا تـبـالـي
والـصـدر زمـنـه انـهـود وقـايــف = لـي يزيـن باللالـي او كــل غـالـي
عود بان لي تبـدا اوخصـر هايـف = مـا يغـذا الا علـى مــاي الـزلالـي
لي سقاني من هوى حبه غرايـف = اشهد ان البعد عن شوفه محالـي

حــي ابـسـلام شـلــه = الهـاتـف الــي يـانــي
مـن سـيـد فــي حـلـه = لـي لــه مـحـل بـانـي
لـي زاهـي فــي دلــه = هــو قـايـد الغـزلانـي
حاز الحسن لـه كلـه = جمـلـه بــلا ميـزانـي
او نفسـي انـا معتلـه = مــن حبـهـم خـلانــي
متـويـع اوبــي عـلـه = والشوفـهـم ولهـانـي
والجفن وش لي طله = مستارق او شهراني
ما الفرقـا فـي مملـه = والـنـاظـره شفـقـانـي
لانـــه بـــدر الأهـلــه = لـي ترقبـه العربـانـي
لي من ظهر في حله = ابــعــوده الـرويـانــي
يا بو ارموش امظله = والطرف لي نعساني
خــل الـدلـع ذا خـلــه = وارحـم غريـم حانـي

يــــا خــــط التـلـيـفـون = لـــي تـنـقــل الاخــبــار
دق الجـرس بالهـونـي = عـنـد الـعــرب لـخـيـار
كــــم رقــــم ولــونـــي = افـــرهـــن واخـــتـــار
لــي ردوا او كلمـونـي = ابـمـنـطــوق الــوقـــار
او قالوا هلا يا عيوني = او بــا مرحـبـا بـالـيـار
كـل اغرضـن بيهـونـي = او بـتـوقــف الافــكــار
او لي هم ما جاوبوني = امسـيـت انـــا مـحـتـار
ارمونـي او صوبـونـي = وســط الحـشـا بالـنـار
مـحـلا ذيــك العـيـونـي = لـــي تـنـظــره يـحـتــار
خلـي عجـيـب اللـونـي = يـشـبـه بــــدر لـقـمــار
له فـي الحـلاة افنونـي = اوله في الهوى ابحار
تـرف الصبـا واللونـي = ســـوى بـــي الأنـكــار
لــو عنـهـم عـاذلـونـي = واتـبـرعـوا بــاشــوار
مالـي عـن المزيـونـي = امـصـابــره وانــظـــار
مـا ارد انـا مـن دونـي = الا ابـوصـل او مـــزار

يــوم نـــورك يـــا قـمــر هـلــي = واسـفـر الديـجـور لـــي جـانــي
بــت فــي رويــات يـطـرن لـــي = مـــا انــــام الـلـيــل سـهـرانــي
مــن هــوى المحـبـوب معتـلـي = اشــتـــكـــي واردد الــحـــانـــي
كالـبـدر لــي مــن ظـهـر خـلــي = يـاضــي ابـنــوره او يـغـشـانـي
كـــامـــل بــالــزيــن والـــدلـــي = مـا خلـج فـي الكـون لــه ثـانـي
فـــي الـبــراري ريـــم امـفـلــي = يــدعـــي الـقـنـيــص تـعـبــانــي
صـابـنــي ابــرمــش امـضــلــي = فـــي وســـط لـفــواد وافـنـانــي
يـا هلـي لــي صابـنـي او حـلـي = الـسـبـب مـــن لـحــظ لـعـيـانـي
هــــو مــلــك لــفــواد بـالـكـلـي = او في الهوى عن غيره ألهاني
بــــو خـلـيـفـه ثــيــب مـعـتـلــي = يـــا رفـيــع الـقــدر والـشـانــي
طـالــبــك الـمـشـكـلـي حـــلـــي = يــوم يـيـتـك قـاصــد او عـانــي

ليـش يـا المحبـوب دايـم فـي صـدودي = لا جـــــواب مـــنـــك او رد الـتـحــيــه
يــا الـدلـع يـانــور عـيـنـي يالـعـنـودي = مـا تـروف ابحـال لــي نفـسـه شجـيـه
لـــو تنـاسـيـت الـمــودة والــوعــودي = يــا إمعـلـق لـفـواد نفـسـي لــك فـديـه
أنـشـد الـطــراش عـنـكـم والـوفــودي = وانـشـد النسـمـات لــي هـبـت عـذيــه
لا اتـصــدق بيـنـنـا قـــول الـحـسـودي = لـي سـعـى بـالـدس واقــوال الوشـيـه
او تستوي كاللام عن وصلي شرودي = مـثــل وحـــش نـافــر وســـط الـفـلـيـه
مـن ثمـان اسنـيـن لــو بتـقـول زودي = نـار حـبـك فــي الحـشـا تشـعـل لظـيـه
شوقي لك شوق الخلوى ام القعـودي = لــي تـبـات اللـيـل تـلـعـي واضـحـويـه
فــز لــك قلـبـي كـمـا طـيــر جـــرودي = مطـلـع ربــد الحـبـارى ابـصـيـد حـيــه
علـتـي مــا فـادهــا كـــي او كـمــودي = او عـن تصاويـر الدخاتـر هـي خفـيـه
جيش حبك في الحشا سـوى حشـودي = او عسكـر ابلـفـواد ورمـانـي ضحـيـه
وان سمحت ارضـاك وإلحبـي تعـودي = وألـتـقــي اويــــاك فـــــي دار خـلــيــه
ذالـك يـوم العـيـد عـنـدي والسـعـودي = يــوم عيـنـي تنـظـرك راضـــي عـلـيـه

البـارحـه يــوم الـمـلا اسـكـون = امسـيـت فــي رويــات وافـكـار
كـل مــا غفـيـت أفــز مشـجـون = مـثـل الــذي بـــه مـــس او زار
يالـيـن بـــان الـصـبـح بـالـلـون = والـلـيـل قـفــى واقـبــل إنـهــار
من بو اسهيـل الفتنـي اضعـون = عيـلات لـي مـن طــال مـشـوار
يـانـي نـظــم جـيــل او مـفـنـون = امـن القوافـي او نـوع لشـعـار
ياني او قريته او بان مضمـون = او ذيــك المعـانـي فـيـه لـغـزار
يـــا مـرحـبـا بالـجـيـل مـلـيــون = او بـالـي تعـنـا صـوبـنـا او زار
او عـد مـا تغنـى طـيـر بلـحـون = واعــداد غـيـم يسـكـب امـطــار
واعــــــداد طـــافـــوا يــلــبــون = بـالـبـيــت والــفـــو لـــــه زوار
يالعـم تشـكـي الـحـال ممـحـون = مــن بوجبـيـن إيـشــع بـانــوار
طحت ابهواه او صـرت مفتـون = او تميت فـي الضيجـات محتـار
انـتـه خبـيـر او عـنـدك افـنــون = او لك في الدهر ميزات واخبار
عزيـتـنـي او بـاثـيـب بـالـعــون = يـالـعـم بـالـفـزعـات واشــــوار
الـحــال لـــك والـمــال بـيـهـون = او عنك أبـد مـا عنـدي إضخـار
مـرفـوق مــا بـــارد مـــن دون = لا جلـك يلـو بيصيـر لــي صــار
وانا ابهـوى الخفـرات مرهـون = مثلك امجاسـي ريـح واعصـار
يالعـم حالـي صــار فــي هــون = مـن زود حـب فـي الحشـا ثــار
الـحـب لــي بــي يــرث إجـنـون = وانـواع مـن لـمـراض لخـطـار
او كله السبـب مدعـوج لعيـون = فـارض عليـه اقيـود واحـصـار
او حاكم عليه او فيه مسجـون = قـابـل يـلـو فــي الـحـكـم جـبــار
يــوم أزقــره ايـوايــب ابـعــون = او يـــوم اتـبـعـه ايـتــم مـذيــار
هـذا الدلـع لــي فـيـه لــه لــون = الـغــر تـاضــي طلـعـتـه الـــدار
مــهــمــا بــايــيـــه بــالــهـــون = او بـاتــم لـجــل الـخــل صـبــار
مــا اطـيـع فـيـه إلــي يـعـذلـون = او لــمـــحـــبـــوب عـــــــــــذار

يـــا حـبـيـب الـقـلـب حـيـابـك = يـا الضنـا يـا سيـد لحشـامـي
عـــد مـــا خـطـيـت بإكـتـابـك = او عـد مـا تسعـي بلجـدامـي
انـت يـا الـي الـروح تحيابـك = يـا عجيـد إخشـوف لريـامـي
كم سهرت الليل فـي اويابـك = لــي لفـانـي طـيـف لـحـلامـي
تهت في الشطات في إطلابك = يـا المـحـب او زادت آلامــي
إمجاسـي الليعـات باسبـابـك = اوفـي حشايـه حبـك الطامـي
صابنـي فـي الـيـوف نشـابـك = او حـط فيـه عـوق لغـرامـي
هالقلـب خذتـه مـن أسـلابـك = عامـلـه بـاشـروع لسـلامـي
أسقني رشفـه مـن إرضابـك = تشـفـي الـعــلات واسـقـامـي
أنتـعـش مــن بـنـت أطـيـابـك = او يرتوي بك قلبي الضامـي
يعـل سـعـد الـحـظ لــي يـابـك = ايحطك إليه دوم في اولامـي
حطنـي يـا خـل فـي احسـابـك = لـــو بـعــد أيـــام واعـوامــي
يا العوض لـي بـا إتغانـا بـك = لا اتـسـمـع قــــول ظــلامــي
خـاضـع واقــف عـلـى بـابـك = إصفح اوسامـح عـن آثامـي

مـــــن ايــقـــاوم هـالـعـيــون الله دره = لــي إتصيـبـه بالـهـدب يــازم ينـوحـي
يشتـكـي شـكـوى صـويـب بالـمـضـره = يرضـف الونـات مـن كثـر الجروحـي
لـو غـريـج عـاجـز عــن وصــل بــره = ضاع بين الموج لـو شاطـر سبوحـي
خـذنـي إبـذيـك العـيـون الـسـود مــره = او لاخطاني راعي الرمـش الذبوحـي
مـــن صـوابــي فـــي الـقـلــب حــــره = حــرة منـهـا الـصـخـر لازم يـمـوحـي
والـشـفـايـا لـــــي تـزيـنـهــا إبــفـــره = لـي تبسـم صاحـب الوجـه الصبوحـي
والـثـنـايـا كـالـبــرد لــــو نـــــوع دره = والخـدود ابـروق مــزن لــي تلـوحـي
والـمـعـنـق سـولـعــي فـــــي مــيـــره = فـي مفالـيـه الـزهـر عـطـره يفـوحـي
فـي مشيـتـه هـايـف الخصـريـن يــره = لي مشى إيتوح اجدمه بالهون توحي
لـي جلـس بيـن الغـوانـي مــا يـضـره = كالـبـدر لــي كـامـل نــوره وضـوحـي
مــن نظـرتـه فــز قلـبـي مــن مـقــره = مـثـل طـيـر خـافـق إبـكــل الجـنـوحـي
بـالـلـطـافـه مـاخــزنــي والــمــســره = خشف ريـم فـي طباعـه لـي مزوحـي
لــي مـواظـب بـالـوصـال المسـتـمـره = سيـدي لـي فـي غرامـه لـي نصوحـي
سـاطـي فــي وســط قلـبـي مسـتـقـره = هـو حياتـي لـي بهـا أحيـا او روحــي

يـــا حبـيـبـي يـالـعـنـودي = يامنـى النفـس او دوايـه
يكفـنـي هــذا الـصـدودي = والـوصـل غـايـة منـايـه
او تستوي عني شرودي = او تـسـبـب فـــي فـنـايــه
ليـن زادت بـي ايـهـودي = يــا حيـاتـي يـــا شـفـايـه
وان غقت ناس ارقـودي = مــا اغـفـي مــن وزايــه
يــا مـنـايـه والـسـعـودي = لا تشـمـت بـــي عـدايــه
خـابـرنــك لـــــي ودودي = مــا تصدقـهـا الـوشـايـه
اوف لـي كـل الـوعـودي = لا تـخـفـي بــــه غــلايــه
عـارفـنـك يـــا جـحــودي = الـدلــع عـنــدك هـوايــه
خـل وصلـك لـي يـعـودي = واهتـمـامـك والـرعـايـه
او بالسؤال إليه تجـودي = قـاصـد بــه مــن جـدايـه
حبـي لـك مالـه حــدودي = صــادق مـاهـب دعـايــه
ماخذن في الـزود زودي = خــالــد مــالـــه نـهــايــه

» لليل والذكرى : د . مانع سعيد العتيبه
» ((من أشعار علي بن أبي طلب رضي الله عنه
» (( من أشعار فاروق جويده ))
» دعاء القوة والثقة: اللهم لا مانع لما أعطيت
» دعاء القوة والثقة: اللهم لا مانع لما أعطيت