((( الحب خط احمر ))) قصه منقوله

الحلقه الاولى
فصاحت تارا بأعلى صوتها احبك احبك يا جاك ولن اتحمل العيش بدونك…………………..
يانور يا نور يا بنتى حرام عليكى بأه عايزه انام ارحمينا بأه من الروايات الى انتى عايشه فيها دى واطفى النور عندى كليه بكره الصبح.
نور:حاااااااضر انا سايبالك الاوضه كلها هروح اقعد فى البلكونه احسن .
نورهان :والله خير ما فعلتى .
نور:هو انا يعنى معرفش حتى اقرأ اى حاجه كده فى هدوء يابااااااى,ربنا يسامحها اهى ضيعت منى رقم الصفحه كمان
اه فصاحت تارا بأعلى صوتها احبك احبك يا جاك ولن اتحمل العيش بدونك……………………….
يا نور يا نور اتصلى بباكى كده شوفيه اتأخر ليه
نور : لا بأه ده انتو متفقين عليا وخصوصا ف البارت ده
ماما نور:ياله يا بنتى قومى يادى الروايات
نور: حاااااااااضر وادى الروايه قفلتها علشان ترتاحوا,فين التليفون اتصل اممممممممم اهوه
نور:الو ايوه يا بابا اأتأخرت كده ليه قلقلنا عليك
الاب: انا ف الطريق اهوه عايزين حاجه قبل ما اجى
نور: لا يا حبيبى شيلاك لعوزه هههههههههه
الاب: ماشى يا لمضه سلام
نور: سلام
نور:ماما ماما بابا ف الطريق اهوه ,انا داخله انام عايزه حاجه بأه
الام: لايا حبيبتى تصبحى على خير اصحيكى الساعه كام؟
نور:امممممممم على 9 كده يا دوب اقوم اجهز وانزل على الكليه
الام :ماشى
.................................................. .................................................. ...................................

وجاء الصباح ,الساعه الثامنه
يا بنات يا بنات قوموا ياله تعبتونى يوووووه ما كل ده من السهر مش قولت ميه مره بطلوا سهر علشان تقوموا بدرى كده زى الناس بس ازاى ؟
يا نور يا نور قومى الكليه يابنتى حرام عليكى دى اخر سنه عايزه تجيبى تقدير وحش يعنى
نور:لا اله الا الله ليه كده بس يا ماما كل يوم تقومينى على الجمله دى يا ماما غيرى بأه لتتحقق بجد ,وبعدين الساعه لسه 8 وانا قولتلك 9 بس خلاص بعد الكلام ده انا نازله احسن
الام :ياله روحى حضرى الفطار وعقبال ما اصحى اخواتك
الام:يا نورهان يا يا نجلا قوموا يا بنات ياله .
.................................................. .................................................. ...................................

نقف بالاحداث شويه
نور: فتاه ف منتهى الجمال والادب ف سنه رابعه كليه تجاره انجلش الاولى على الدفعه كل سنه ,ملهاش ف الصحوبيه والكلام كده ولا حتى بتحب وهى كمان بتقول استحاله ارتبط بواحد ابدا مع انها بتقرأ روايات رومانسيه وهى انسانه حساسه جدا
نورهان :اصغر من نور بسنتين ف سنه تانيه حاسبات ومعلومات بس ايه روشه جدا جدا ودماغها ناشفه ومرتبطه مع واحد زميلها اسمه كريم بس هو اعقل منها وبيحبها بجد
نروح بأه لنجلا
نجلا : دى بأه الدلوعه حبيبه باباها ف تالته ثانوى اقرب صديقه لها نور علشان بتنصحها براحه وبتاخدها على مهلها عكس نورهان الى دايما تهاجمها
جلال الاب :رجل اعمال مشهور وبيحب بناته جدا جدا
نبيله الام: مديره ف الشركه بتاعه زوجها
وباقى الاحداث مع باقى القصه
…………………………………………………………………………………………………………………………………… …………
وقاموا البنات وفطروا مع بعض ونزلوا
نور ف الكليه
نور: يا صبااااح الفل على مونى حبيبه هارتى من جوه
منى: لا يا شيخه خدنى ف الكلام واضحكى عليا انتى هتستعبطى يا بت انتى بأه تلطعينى ف الكافيه ومتجيش
نور : يا سلام وانتى ياعنى كنتى لواحدك ما انتى كان معاكى الشله كلها وانا قولتلك مش هاجى لو على ده اجه
انا مش ناقصه اشتغالات يا ستى وقولنا ميه مره مليش ف الصحوبيه والقرف ده
منى :ايه ايه خلاص يا بنتى بس الواد شكله واقع اخر حاجه وبيحبك بجد حرام يا قاسيه
نور: خلاص يا منبع الحنان اعطفى عليه انتى طالما عامله نفسك كريمه مختار كده
منى : هههههههه ماشى يا شاويش
نور: المهم الدكتور اجه ولا مش هيجى زى امبارح واوله واوله
منى :والله يا اوختى الدكتور شكله كده بيودع هههههه الواد رامى بيقولى سمع انه تعب اوى , ياله من الى بيعمله فينا
نور: حرام عليكى يا شيخه ربنا يشفيه يارب
…………………………………………………………………………………………………………………………………… ………
نورهان :وفيها ايه يعنى يا كريم ده ابن خالتى وانا متربيه معاه يعنى اخوات اخواااااات يا ناس
وبعدين دى خروجه كلنا مع بعض انا ونور ونجلا وهايدى اخته وسهر كمان
كريم:قولت لأ يعنى لأ عايزين تخرجوا ماشى يا ستى معنديش مانع بس انتو مع بعض وبس كده بنات
انما هو معاكو لأ انسى خااااالص
نورهان : يا كريم يا كريم متنشفش دماغك بأه اقولهم ايه بس
كريم : قولى اى حاجه يعنى انتى هتغلبى
نورهان : ماشى يا كريم مش خارجه خالص علشان ترتاح
…………………………………………………………………………………………………………………………………… …………
ساره :نجلا نجلا
نجلا : ايوه يا ساره ف حاجه مالك
ساره :انتى كنتى فين انا قلبت عليكى المدرسه ايه كنتى مختفيه فين؟.
نجلا : ابدا يا ستى كنتى بكلم سهر بنت خالتى اصل احنا خارجين النهارده كلنا مع بعض وكنا بنتفق يعنى
ساره ايوه يا عم يعنى مفيش مذاكره النهارده يا بختك
نجلا : بطل فقر يا بنتى اعوذ بالله
ساره : يا بت انا مش بقر انا بحسد بس هههههههههه
نجلا :ههههههه ماشى هبقى اكلمك بكره انا هروح انا بأه
…………………………………………………………………………………………………………………………

الحلقه الثانيه
وعند نور ف الكليه
احمد: صباح الخير
منى :صباح النور يا احمد
نور:صباح الخير
احمد :ايه اخباركوا عاملين ايه؟
منى :الحمد لله شغال انت ايه الاخبار؟
احمد :وانا الحمد لله ,اومال محدش شاف منال اصل انا اخدت منها كشكول المحاضرات بتاعها والحمد لله مفهمتش حاجه من خطها فقولت اجبهولها احسن
منى :هههههههههه ,مش كتر خيرها اديتك الكشكول
احمد : يا ستى انا قولت حاجه , بس انا محتاج المحاضرات دى جدا وانتى خطك افظع منها برضه هههههه
منى : بأه كده ماشى طب ماتاخد كشكول نور دى خطها حلو اوى ولا ايه يا نور نوووووووووور ايه يا بنتى انتى فين ؟
نور: سورى كنت سرحانه كنتى بتقولى ايه
منى : بقولك ادى الكشكول لاحمد علشان يبيض المحاضرات
احمد : لو مش هتضايقى يعنى يا نور
نور: لا عادى اتفضل الكشكول اهوه
احمد : ماشى يا جماعه انا همشى انا بأه وشكرا يا نور على الكشكول ومش هتأخر عليكى بأذن الله
نور: ولا يهمك
نور: ليه كده يا منى تحرجينى وتخليه ياخد الكشكول انا مبسلفس حاجتى للولاد وانتى عارفه
منى : والله نسيت يا نور وبعدين احمد مؤدب وانسان محترم مش مستهله يعنى انك تزعلى
نور: انا مش زعلانه يا منى بس علشان ميتعودش على كده
منى : لا يا ستى مش هيتعود خلاص بأه ,وبعدين استنى استنى شوفى مين الى جاى علينا مش دى البت رنا
نور: اه باين
رنا : يااااااااه اكتر صحاب ندله ف العالم والله انتو معندكو دم بأه اغيب اسبوعين عن الكليه ولا حد فيكو يسأل عليا
نور: يا سلاااااااام منتى قافله التليفون بتاعك ومحدش بيرد عنكو ف البيت نعملك ايه يعنى
رنا:ماشى يا لمضه
منى : المهم كنتى فين بأه
رنا : هقولكو على كل حاجه بس تعالو نروح الكافتيريا
…………………………………………………………………………………………………………………………………… …….
احمد: والله يا بنى ده كشكولها بتاع المحاضرات انا هضحك عليك ليه
على: اصل انا مستغرب عمرها ما عملتها
احمد : بصراحه كده منى هى الى عرضت عليا ونور اضطرت تدهولى
على : قول كده بأه,انا نفسى تكلمنى بأه من ساعه ما قولت لمنى تقولها انى بحبها وهى مش بترضى تكلمنى غير من تحت درسها
احمد : ما انت عارف نور يا على ملهاش ف الصحوبيه بقالها معانا 3 سنين عمرها ما عملت علاقه مع ولد
على : بس انا بحبها
احمد : معلش يا على ادعى يمكن تتهبل وتحبك ههههههه
على : ماشى يا خفيف
…………………………………………………………………………………………………………………
منى : كنتى فين بأه يا هانم الاسبوعين دول
رنا : كنت ف اسماعيليه
منى : ليه
رنا :ابدا خالتى كانت تعبانه اوى وماما صممت انى اسافر معاها
منى : امممممم وبعدين
رنا : مفيش سافرت معها وكده
نور: وانتى معترضيش ليه على السفر علشان الكليه
رنا :واعترض ليه يا نونه
منى : اااااااه هى فيها نونه ده انتى راجعه من السفر مبسوطه بأه وكده ,احكى يا بت
رنا : هههههههههه ماشى يا ختى بس بكره بأه علشان انا لازم اروح دلوقتى علشان نازله مع اختى علشان تشترى التحف لبيتها
نور: شكلنا هننزل معاكى قريب هههههه
منى : اه والله على رأيك يا نونه ههههههه
نور: خلاص وانا كمان هروح متيجى معايا يا منى نمشى على البحر شويه
منى : ماشى تعالى
نور : ياله سلام يا رونى
رنا : سلام يا نونه
نور : اقطع دراعى مكنش البت دى واقعه لشوشتها ومش راضيه تقول
منى : يا بنتى على مين بكره هنعرف منها
نور : على رأيك
منى : وانت يا جميل مفيش حاجه كده ولا كده
نور : ده على اساس ان لو فى حاجه مش هتعرفيها ,وبعدين مين قال انى عايزه احب انا مش ناقصه وجع دماغ انا عايزه افضل كده حره واحقق اهدافى انا حاطه ف دماغى حاجات معينه وان شاء الله هحققها
منى : يا نور يا حبيبتى كل الحاجات دى ممكن تعمليها بجانب ان يكون ليكى حد بيحبك وانتى بتحبيه ساعتها هتنجحى اكتر واكتر
نور : مش عايزه يا منى انا حاكمه قلبى وعقلى كويس واستحاله هحب
منى : اومال الروايات الى انتى بتقرأيها والقصص الرومانسيه الى انتى بتكتبيها والشعر وده كله يبقى ايه
نور : مش شرط يا منى وبعدين قفلى على الموضوع ده بأه لحسن اتخنقت
منى : خلاص ,مش كفايه مشى على البحر بأه
نور : خايفه تتعاكسى ولا ايه يا مزه هههههه
منى :طبعا يا بنتى حرام عليا اعمل فتنه هههههه
نور :ماشى يا حنينه
منى : طب ياله نركب
نور : ياله
…………………………………………………………………………………………………………………………………… ………..
و ف البيت عند نور
نور : يا مساء الخير على احلى ام ف الدنيا
الام: مساء الخير يا حبيبتى اتأخرتى ليه
نور : ابدا كنا بنتمشى على البحر شويه انا ومنى
الام :ماشى يا حبيبتى ادخلى غيرى هدومك وشوفى نورهان مالها جايه مبوزه من الكليه معرفش ف ايه
نور راحت على الاوضه بتاعتها
نور : ايه مالك مبوزه ليه
نورهان : مفيش حاجه
نور : لأ ف حاجه اتخانتقتى مع كريم ؟
نورهان : اه حاجه زى كده
نور : ليه
نورهان : ابدت مش عايزنى اخرج معاكوا علشان مصطفى
نور ؟: وهو ماله اصلا ليكون فاك نفسه خطيبك وله كلمه عليكى ايه العبط ده
نورهان : والله يا بنتى انا اتخنقت افهمه وهو مفيش مش عايز يفهم خلاص بأه مش خارجه
نور : براحتك بس لازم تخلى لنفسك شخصيه شويه
نورهان : …………
نور : انا هقوم انام شويه صحينى كمان ساعتين
نورهان : ماشى
……………………………………………………………………………………………………..
وعلى السفينه وساعه الغروب
عمر : بحبك اوووووى يا نور
نور : وانا بموت فيك انا مش مصدقه نفسى ان انا جمبك وف حضنك حاسه انى بحلم
عمر : لا يا حبيبتى احنا مع بعض دلوقتى وعلطول ان شاء الله على الرغم من دماغك الناشفه دى بس انا قدرت عليكى
نور ………….:
وعمر حضنها اوى و………….
يتبع

الحلقه الثالثه
نور صحت من النوم وهى قلبها بيدق اوى وبتترعش ومش عارفه تتنطق وكانت جمبها نورهان لسه كانت جايه تصحيها وقالتها
نورهان : مالك يا نور انتى كنتى بتحلمى ولا ايه
نور : ها اه اظاهر كده بس ده كان كابوس مش حلم كابوس
نورهان : طب متحكيلى يا نور
نور:لا اصل مش فاكره
نورهان : طيب ماشى قومى اجهزى ياله علشان مصطفى وهايدى وسمر ف الطريق
نور : ماشى
نور ف اللحظه دى كانت بتفكر ف الحلم ومش متخيله ابدا انها ممكن تحب حد كده واضايقت اووى من الحلم وقامت من السرير وقالت اعوذ بالله من الشيطان الرجيم
مصطفى : نور جهزت ولا لسه
نورهان : خلاص جايه اهه
مصطفى : وانتى بأه مش جايه ليه
نورهان : اصل حاسه انى تعبانه وكمان ورايا شويه حاجات هعملها
مصطفى : ماشى بس خليكى فاكراها
نورهان : معلش بأه المره الجايه
نور دخلت عليهم الصالون
نور : ازيك يا مصطفى اخبارك ايه؟
مصطفى : الحمد لله وانتى ايه اخبارك ؟
نور : الحمد لله
نور : ازيك يا هايدى انتى وسمر
هايدى : الحمد لله يا نونه وحشاااانى يا بنتى
نور : انتى اكتر والله عامله ايه يا سمر ف المدرسه
سمر : الحمد لله يا نور
نور : طب ياله بأه علشان منتأخرش على السينما ,ياله يا نجلا
نجلا من بعيد
نجلا : حاااااااضر هجيب الشنطه واجى علطول
ونزلو كلهم وركبوا ف عربيه مصطفى وراحو السينما وبعد كده راحوا على البحر وقعدوا على الصخور وقعدوا يتصورا ويضحكوا جاااامد وف اخر اليوم ومصطفى مروحهم على البيت
مصطفى : ها انبسطوا النهارده
نجلا : طبعا ده كان يوم تحفه والله ياريت نكررها
نور : الاخت الى ف الثانويه العامه
نجلا : يعنى يا مصطفى خليها ف الصيف
وكلهم قاعدوا يضحكوا وبعد كده وصلوا تحت البيت
نور :مرسى يا مصطفى بجد اليوم حلو اوووى
مصطفى : على ايه بس يا نور انا كل يوم تحت امركو
نور : ربنا يخليك يارب ياله سلام
مصطفى : سلام
ونور ونجلا طلعوا البيت ونور جريت على السرير ونامت علطول بهدومها مكنتش قادره من التعب
نورهان : نووووور ياباااااااى نامت بسرعه كده
وخرجت من الاوضه وطفت النور عليها
…………………………………………………………………………..
عمر كان نايم جمب نور وبيبص عليها اوى وبيضحك وهى فتحت عيونها وضحكتله بكسوف
عمر : صباح الخير يا حبيبتى
نور : صباح الخير يا حبيبى انت صاحى من بدرى
عمر : اه وقاعد بتفرج عليكى وانتى نايمه
نور :انا بحبك اووووى يا عمر
عمر فضل ساكت شويه ونور باصه عليه علشان مردش
نور : ايه يا عمر روحت فين
عمر : ههههههه
نور :ممكن افهم بتضحك على اليه
عمر : عليكى اصل انتى اتكسفتى فجأه وكان شكلك حلو اوى فقولت اسيبك شويه
نور : بأه كده ماشى طب انا قايمه
عمر قعد يضحك عليها وشدها من ايدها و…………………………..
……………………………………………………………………………..
وصحيت نور من النوم وهى مش قادره وقاعده تتكلم نفسها وتقول ايه ده ايه الحلم ده ونفس الشخص ليه انا معرفش الشخص ده اصلا ايه ده ياربى وقلبها كان بيدق اوى وقاعده تفكر ف الحلم الى اتكرر مرتين بنفس الشخص وراحت البلكونه ووقفت فيها وقعدت تفكر وتستمتع بالهوا الى داخلها وبيحرك ف خصل شعرها وقعدت على الكرسى ورااااااااحت ف النوم
يتبع

الحلقه الرابعه
نور نامت على الكرسى ورااااحت ف النوم على الاخر وابتدت تحلم بعمر تانى وهو كان قاعد ف كافيه وقاعد ف كافيه ومشغول اوى وحاطط سماعات وبيسمع ميوزك
وهى كانت قاعده تتفرج عليه ومبسوطه اوى
وصحيت نور من الحلم وهى مذهوله اووى ودخلت اخدت شاور ولبست ونزلت راحت على البحر لانها كانت مخنوقه اوى وقعدت ف كافيه على البحر علطول وخدت معاها مذاكراتها بدات تكتب عن الاحلام وكده لغايت ما فجأه شافت قدامها الشخص الى ف احلامها بطل احلامها قاعد بيكتب وحاطط سماعات فعلا ,نور خلاص كان قلبها هيقف مش قادره بتتنفس بسرعه جدا ومش قادره تتحرك من مكانها وقامت تجرى تقف على الصخور وهى مش مصدقه نفسها وقاعده تقول لنفسها
بس ازاى ازاى ده هو هو نفس الشخص الى انا بحلم بيه هو بالظبط لالالالالالالا انا اكيد دلوقتى بحلم يارب انا عايزه افوق .
وف نفس الوقت الشخص ده كان مراقبها لانها كانت ملفته للنظر اووى وشكلها باين انها محتاره ومش طبيعيه
وفجأه ونور واقفه على الضخور اغمى عليها من الصدمه
والشخص ده جرى عليها وقعد يفوق فيها وهى ف الضياع
وفضل يفوقها وابتدت تفتح عيونها براحه
نور: اااه يا دماغى انت مين
الشخص : انا اسمى عمر وكنت قاعد وفجأه لقيتك اغمى عليكى
نور: ايه اسمك عمر ؟ بجد لالالالالالالالا قول بجد اسمك ايه بليز
عمر : والله انا اسمى عمر فيها ايه دى
نور : ولا حاجه ولا حاجه
وقامت خدت كتبها و حاجتها وجرت
وفضل عمر مذهول اوى من الى عملته وقام وراح قعد ف الكافيه تانى وهو بيفكر ف الى حصل وكان مستغرب اوى
وف نفس الوقت نور كانت ماشيه بتترعش واتصلت بمنى واول ما منى سمعت صوتها جتلها علطول
منى : ايه يا نور ف ايه مالك يا حبيبتى
نوروهى بتترعش :مش عارفه يا منى انا مبقتش عارفه حاجه
منى : طب احكيلى كده واهدى خاااالص
وفضلت نور تحكى كل حاجه لمنى ومنى كانت مستغربه
منى : يمكن كان بيتهيألك يا نور ما انتى عارفه ف حاجه اسمها دياجافو
نور : لالالالالا يا منى طب اسألى نورهان انا كنت بقوم من احلامى عامله ازاى يعنى انا شوفته وعارفاه من قبل ما اشوفه
منى :مش عارفه يا نور بس قوليلى انتى شكرتى الراجل علشان فوقك ولا
نور : انا قومت جريت من الصدمه مكنتش حاسه بحاجه خالص
منى :ايه قله الذوق دى يا نور كان لازم تقوليله مرسى على الاقل مش تمشى كده كان ممكن بعد الشر يجرالك حاجه
نور : خلاص بأه يا منى دلوقتى الى حصل حصل
منى : خلاص يا حبيبتى روحى دلوقتى وريحى شويه وانا هبقى اكلمك علشان نروح الكليه بكره
نور : ماشى يا منى ياله سلام
منى : سلام
نور روحت البيت وكانت حاسه انها تعبانه اوى وماماتها جت عليها
الام : مالك يا نورشكلك تعبانه
نور : اه تعبانه شويه يا ماما هدخل انام شويه هبقى كويسه
الام : ماشى يا حبيبتى بس اتغدى الاول
نور : لا يا ماما لما اصحى مش قادره دلوقتى
الام : ماشى يا حبيبتى
ودخلت نور وقعدت على السرير وقعدت تفكر ف الى حصل وناااااااااامت
يتبع

الحلقه الخامسه
نور ف الوقت ده كانت بتحلم بعمر والمره دى كان قاعد ف كافيه قدام البحر برده ف نفس المكان تانى وقاعد بيرسم قدام البحر نور قربت منه لقيته بيرسم بنت ولما قربت اكتر اكتشفت ان البنت دى هى نفسها ,اتلفت لها وبصلها وضحك وابتدت تبعد عنه وتجرى تجررررررررررى
نورهان : نور نور قومى يا بنتى انتى بتحلمى ولا ايه
نور كانت بتترعش اوووى وقاعد تنهج كأنها كانت بتجرى بالظبط
نور: ها انا اه ف ايه يا نورهان واقفه كده ليه
نورهان : مالك بتنهجى كده ليه كابوس برده ؟
نور : اه الظاهر كده
نورهان : طب قومى اغسلى وشك علشان نتغدى مع بعض
نور : حاضر
وقامت نور وراحت الحمام وقعدت تغسل ف وشها جااامد وبصت للمرايه وتقول ف نقسها انا ايه الى بيحصلى ده يارب انا مش فاهمه حاجه الشخص طلعلى منين وكل حاجه بشوفها بتحقق معاه ليه بس ؟
وقررت انها بكره بعد الكليه هنروح الكافيه ده وتشوف ايه الى هيحصل علشان تتأكد من الى هيا بتحلم بيه
نور خرجت واتغدت ودخلت علشان تذاكر شويه
………………………………………………………………………
كريم : بأه كده يا نورهان ايه حركات العيال بتاعتك دى من امبارح وانتى مبترديش عليا ليه
نورهان : عادى كنت نايمه
كريم : يعنى ايه كنتى نايمه ولما صحيتى متصلتيش بيا ليه
نورهان : ممسكتش الموبايل امبارح
كريم : ف ايه يا نورهان علشان كل ده , انتى قالبه الدنيا علشان خروجه
نورهان : لأ مش قالبه الدنيا علشان خروجه بس انت بتصرفك ده يعنى مش بتثق فيا
كريم : مين الى قال ده يعنى , هو علشان انا بحبك وبغير عليكى يبقى كده انا مش بثق فيكى , ان انا مبحبش ان حد يبصلك غيرى يبقى كده انا مش بثق فيكى
نورهان : يا كريم الكلام ده لو انا خارجه معاه لوحدى وبعدين ما نور كانت موجوده برده يعنى مفيهاش حاجه
كريم : يا نورهان يا حبيبتى انا بحبك وبغير عليكى اوووى ولو ده مزعلك يبقى حاجه تانيه
نورهان : ……………..
كريم : مبتكلميش ليه
نورهان : هقول ايه بس يا كريم
كريم : قولى حاجه اى حاجه قولى بحبك قولى بأه
نوهان : ده على اساس انى بكلمك شفقه
كريم : طب انا غلبان والله معاكى ادينى حسنه لله بأه
نورهان : بحبببببببببببببببك
……………………………………………………...............
جاء صباح اليوم التانى ونور صحت وراحت الكليه وقابلت صحابها بس كان باين عليها الاجهاد اوى
منى : ف ايه يا نور مالك وشك باين عليه التعب اوى كده ليه
كل ده علشان موضوع امبارح ؟
نور: انا مبقتش فاهمه حاجه يا منى
منى : شيلى الموضوع ده بس من دماغك وانتى هتبقى كويسه
نور : هحاول يا منى هحاول
رنا : صباح الفل يا بنات
منى : صباح الفل عليكى
نور : صباح الخير
رنا : اسمعوا اخر الاخبار
نور : قولى يا رويتر
رنا : بيبو فرقع زيزى
منى ونور ماتوا من الضحك وابتدت نور تنسى الموضوع فعلا
نور : لا بجد
رنا : خلاص هكلم جد ,احمد طلب ايدى
نور : بجد يا رونى الف مبروووك بس احمد مين
منى : هههههههههههه يخرب عقلك يا نور , مين احمد ده يا بنتى احكى
رنا : ده ابن خالتى
منى : اه الى ف اسماعيليه؟
رنا : احم احم اه
نور : انا كنت شاكه اصلا بس تصدقى انك بت ولا بلاش يعنى متقوليش الا بعد لما يجى يطلب رجليكى
منى : هههههه بس بأه يا بت انتى كملى يا رنا
رنا : يا جماعه والله الموضوع كله حصل بسرعه جدا جدا
منى : طب قفلى ناو على الموضوع علشان احمد وعلى جاين علينا
ف الوقت ده نور كانت مضايقه اوى لان مكنتش بطيق على خالص ووشها انقلب على الاخر
احمد : صباح الخير عليكو
نور : صباح النور
منى : اهلا يا احمد
رنا : صباح النور
على : ازيك يا منى انتى ورنا ونور
منى : الحمد لله يا على انت ايه الاخبار
على : والله تعبان اوى هه الحمد لله
منى : ايه مالك سلامتك
على : لا مفيش تعب نفسى مش جسدى
نور ف الوقت ده حست ان الكلام عليها فضايقت اكتر
نور : طب عن اذنكو انا بأه علشان المحاضره هتبدأ
منى : استنى طيب هنيجى معاكى عن اذنكو
احمد : نور استنى الكشكول اهه شكرا اوى بجد مش عارف اقولك ايه
نور : لا العفو يا احمد دى حاجه بسيطه
ومشوا وعلى باصص على نور وسرحان فيها واحمد قاعد يندهله وده ف دنيا تانيه خالص
احمد : يا على
على : ايوه يا احمد
احمد : يا راجل ما لسه بدرى انا بنده عليك من زمان وانت ولا هنا
على : معلش كنت سرحان
احمد : منا عارف على فكره انت غلطت لما قولت الكلام ده نور خدت بالها ومشت
على : كلام ايه ؟
احمد : انا تعبى تعب نفسى مش جسدى دى حاجه تقولها قدامها الكل خد باله
على : وايه يعنى يارب تحس بيا بأه وتعبرنى علشان انا خلاص مش قادر
احمد : ربنا يشفيك يارب
وف نفس الوقت نور كانت ماشيه مبوزه اوى من الى حصل
منى : البوز اتفردت ليه ايه الى حصل ؟
نور : بأه مش عارفه يعنى
منى : لا عارفه كبرى ماغك بأه يا نور
نور : ماشى هكبرها بس تانى مره هكسر دماغه
منى : هههههه
ودخلوا حضروا المحاضره وبعد كده وخرجوا علشان يروحوا وكل واحده منهم ف طريق مختلف , بعد كده نور ركبت تاكسى علشان تروح وكانت الكافيه قربت وكانت متردده تنزل ولا لأ بعد صراع طويل اوى قررت انها تنزل مدعيه انها مش هتخسر حاجه,نزلت فعلا نور عند المكان وفضلت تأخر رجل وتقدم رجل لغايه ما وصلت الكافيه ودخلت وكانت الصدمه التانيه لنور انها لقيتهكان قاعد قدام البحر برده ف نفس المكان تانى وقاعد بيرسم قدام البحر ,نور مكنتش قادره تتنفس وحست انها دايخه اووى قامت قعدت على الكرسى وراحلها الجرسون
الجرسون : مالك يا انسه ف حاجه حضرتك تعبانه
نور: لا شكرا انا دايخه شويه معلش ممكن كوبايه ميه بس
الجرسون : حاضر
نور مكنتش قادره فعلا وبتقول ف نفسها بجد انا لو رحتله دلوقتى ولقيته بيرسمنى انا ممكن اطب ساكته يارب ثبتنى يارب انا هجنن خلاص وف الوقت ده الجرسون جبلها الميه وشربت وقامت تروحله وقربت لغايه وما وصلت لغايه عنده وفعلا لقيته بيرسمها ف الوقت ده هو حس بيها ولفلها واستغرب من تعبيرات وشها وضحك ,نور كانت مكسوفه وخايفه ومشاعرها مش قادره تحددها بالظبط نور اتمالكت نفسها وابتدت تكلم براحه
نور : انا اسفه انا اصل امبارح
عمر : ايه ؟
نور : انا اسفه امبارح مشكرتكش لانك انقذتنى
عمر : ولا يهمك بس انتى جيتى مخصوص علشان كده
نور ف الوقت ده اتلخبطت اوى ومبقتش عافه ترد تقول ايه
نور : لا عادى بس قولت بالمره ااشكرك
عمر : العفو
نور : ممكن اسألك سؤال
عمر : اتفضلى
نور : انت راسم صورتى ليه ورسمتها ازاى وانت مشفوتنيش غير مره وخمس دقايق
عمر : ………………………….
يتبع

الحلقه السادسه
نور فضلت باصه لعمر مستنيه منه الاجابه على سؤالها وباصه ف عيونه وحسيت انها شافت فيهم البحر وتاهت جواهم وسرحت اوووى لغايه ما كلامه قطع عليها تفكيرها
عمر : هقولك على حاجه بس تصدقينى ومتقوليش عليا مجنون ؟
نور : قول وانا هصدقك
عمر : انا اول مره شوفتك فيها بجد كنت حاسس انى اعرفك اوووى وان مش دى اول مره اشوفك فيها وكنت مستغرب اوى منك ومن توترك لغايه ما اغمى عليكى وسألتنى عن اسمى وانا مفهمتش حاجه ولغايه دلوقتى برده مش فاهم حاجه بس كنت عارفك ازاى معرفش علشان كده حبيبت ارسمك
نور ف الوقت ده مكنتش حاسه بنفسها كانت محتاره اوى ونفسها تقوله على الى بتحلمه يمكن يقدروا يوصلوا لتفسير للموضوع ده بس طبعا مينفعش تقول
نور: ساعات حاجات كتير بتحصل للانسان ملهاش تفسير ومن الاحسن انه ميفكرش فيها علشان ميتعبش وكمان ف حاجه اسمها دياجافو
عمر : يمكن
نور: بس انت رسمك حلو جدا على فكره انت كليه ايه ؟
عمر:انا خريج كليه تجاره انجليش بس القاهره
نور بلعت ريقها
نور : بجد ؟
عمر : اه والله انا متخرج بقالى سنتين وعندى شركه هى لسه مش كبيره اوى بس بأذن الله تكبر
نور : انا برده تجاره انجليش سنه رابعه
عمر : طب كويس يعنى ممكن نشتغل مع بعض لو تحبى
نور : ربنا يسهل , بس انت رسمك جميل اوووى مدخلتش ليه فنون جميله ؟
عمر : لالالالا انا بحبها كهوايه بس
عمر كان باصص لنور اوى وهى لاحظت كده وانكسفت اوى
نور : خلاص طيب انا همشى انا بأه وشكرا مره تانيه
عمر : تانى برده ماشى يا ستى العفو
نور: سلام
عمر : سلام بس ثوانى
عمر مكنش عارف هيقولها ايه بس مكنش عايز نور تمشى كان حاسس بحاجغ غريبه فقعد يفكر بسرعه ف حاجه علشان يخليها تستنى شويه او يقدر يشوفها تانى
عمر :مش عايزه صورتك ؟
نور : هو انا ينفع اخادها؟
عمر : اه طبعا بس مش النهارده اكيد علشان انا لسه مخلصتهاش
نور: اممممم ماشى يعنى امتى؟
عمر :ايه رأيك يوم الخميس؟
نور : ماشى خلاص ياله سلام
عمر : سلام
عمر كانت عيونه متعلقه بنور وسرح فيها وكان زعلان انها مشت وف نفس الوقت كانت قاعده تفكر ف الموضوع وتقول معقوله ممكن حاجه تحصل بين شخصين بالشكل ده وكانت محتاره اوى ونور روحت البيت ودخلت نامت على السرير وقعدت تفكر ف عمر والكلام الى قاله واحلامها وف الاخر موصلتش لحل برده فقامت واتغدت وبعد كده راحت تذاكر ف البلكونه والساعه جرت بيها وبقت 12 بليل ودخلت عليها نورهان
نورهان : ايه يا عم الموس مش كفايه كده الساعه 12 عنيكى يا بنتى
نور : بجد؟
نورهان : اه والله نازله دح من الساعه 6 ارحمى نفسك
نور : الله اكبر عليكى ايه يا بت انتى ده يا ام جيد انتى
نورهان : ماشى يا عم المهم تعالى نقعد مع بعض شويه بأه لحسن بجد انتى وحشانى اوى
نور : وانتى والله يا نورهان بس من ساعه سى كريم وانتى مبقتيش بتحكيلى حاجه وى الاول غير عن كريم
نورهان :لا والله يا نونه بس انا بحب اعرف كل حاجه عن الموضوع ده بالذات لانك العاقله الوحيده الى فينا
نور ف نفسها بتقول
كان زمان يا نورهان ده انا ف حيره وحاجات بتحصلى جنان على الاخر
نور : وانا موجوده علشان اسمعك علطول و ف اى وقت
نورهان : ربنا يخليكى ليا يارب
ونجلا دخلت عليهم
نجلا : الله الله بأنا قاعده اذاكر ومخنوقه وانتو قاعدين دودودو طب اندهولى افك معاكو
نورهان : بس احنا معناش فكه ههههههه
نجلا : لا والله طب مااااااااشى يا ماما يا ماما
نور: عاجبك كده ؟
نورهان جريت على نجلا هى ونور وقعدوا يزغزغوها وجروا على اوضتهم وقاعدوا يرموا بعضهم بالمخدات ويضحكوا اوى وكانوا مبسوطين اوى لغايه ما مامتهم دخلت عليهم
الام :يا جمالكو بنات تفرح بجد ايه العبط الى انتو فيه ده
نور : مالك بس يا بلبه
الام: هههههه ماشى يا ختى انتو قاعدين تلعبوا وتهزروا طب حد يجى معايا يحضر العشا
نور : بس كده انا اجى معاكى يا قمر
الام : ماشى يا ختى
وراحو على المطبخ وحضروا العشا واتعشوا وكانت الساعه بقت واحده بليل
الام : انا داخله انام يا بنات انا وابوكو بأه لحن انا هلكت خالص وورانا بكره شغل ادخلو نامو بأه علشان الكليات والمدرسه
نورهان ونجلا دخلو علشان يناموا ونور كانت لسه قاعده شويه ودخلت البكلونه ومسكت روايه وقعدت تقرأ فيها لغايه ما النوم غلبها واجى الصبح وصحت نور على صوت مامتها
الام : يا بنتى حرام عليكى حد ينام ف البلكونه وترجعى تقولى تعبانه
نور: معلش يا ماما امبارح مكنش جايلى نوم وبعد كده محستش بحاجه
الام : طب قومى ياله علشان تفطرى وتنزلى
نور :حاضر
نور فطرت ونزلت وراحت الكليه
نور : صباح الخير يا منى
منى : صباح النور مالك يا بنتى انتى اخاده برد ولا ايه ؟
نور : لا شكلى هدخل ف دور برد اصل انا نمت ف البلكونه امبارح من غير ما اخاد بالى
منى : الى شاغل عقلك يا قمر
نور : اتلهى على عنيكى
منى : ههههه ماشى بس مش تاخدى بالك طب تعالى نروح الصيدليه نجيب بنادول او اى حاجه علشان تلحقى البرد قبل ما يتمكن منك
نور : طيب ماشى تعالى
نور ومنى راحوا الصيدليه ودخلوا علشان يشتروا البرشام
نور: لو سمحت
واتلفت لها شخص نور عمرها ما كانت تتخيل انها تشوفه كان عمر
باصلها اوى ومكنش مصدق نفسه وضحك ضحك خفيفه وكانت ضحكته جميله اوى خلت نور تتسمر ف مكانها
عمر : ايه الصدفه دى
نور: ايه ؟ اه اه انت هنا ليه قصدى اصل انا جايه اجيب برشام
عمر : ليه سلامتك
نور : لا ابدا بس شكلى كده هاخد برد وكده هو الدكتور مش موجود
عمر : لا هو دخل يجيب دواء من فوق وقالى اقف مكانه وعقبال ما يجى هو صاحب بابا
نور : اه
عمر : على فكره انا معرفش اسمك لغايه دلوقتى
نور : ها ؟ اه انا اسمى نور
عمر : على فكره صدفه جميله اوى يا نور
نور : اه
منى قعدت تشد نور من ايديها وهمست ف ودنها
منى : انتى بتلعبى بديلك من ورايا يا بت انتى ولا ايه ؟
نور : اسكتى يا منى دلوقتى هحكيلك بس نخرج
عمر ف الوقت ده كان باصص لنور ومش قادر يشيل عيونه من عليها وفرحان اوى من جواه انه شافها وفضل باصصلها لغايه ما الدكتور اجى
الدكتور : ايوه حضرتك عايزه حاجه يا انسه ؟
نور : ها اه عايزه بنادول بتاع البرد لو سمحت
الدكتور : اتفضلى ,14 جنيه
نور : ماشى اتفضل
عمر : صدفه جميله يا نور ميعادنا الخميس
نور : اوكى ماشى سلام
نور طلعت وهى مش بتكلم لغايه ما منى
منى : وكمان يوم الخميس يخرب عقلك احكى احسنلك
وفضلت نور تحكى كل حاجه لمنى حتى منى كانت مستغربه من الى بيحصل كمان
منى : حاجه غريبه بس الواد مز برده
نور: وانا مالى موز ولا لأ
منى : مالك ازاى بس ده منزلش عينه من عليكى من ساعه ما روحتى واراهنك انه اخاد حكايه الصوره دى حجه انه يشوفك تانى
نور : يمكن بس دى هتبقى اخر مره هقابله فيها طبعا
منى : يمكن
نور : ايه ؟
منى : ولا حاجه ولا حاجه تعالى نرجع الكليه زمان المعيد اجى والمعيد ده رخم اينعم صغير بس رخم اوى وتحسى معندوش زوق
نور : الراجل زمانته مات من الى انتى قولتيه عليه
هههههه
منى : طب ياله
ودخلوا الكليه وكان فعلا المعيد دخل
نور : شوفتى انتى السبب ف التأخير ده افرض مرضاش بأه يدخلنا
منى :تعالى نجرب بأه وخلاص
ونور جت تتدخل ولسه هتتكلم علشان تفسر تأخيرها
المعيد : اتفضلى يا انسه بره انا الى ميحترمش السكشن بتاعى ميجيش احسن
نور : بس انا ……
المعيد : لا بس ولا غيره مش معنى انك بتطلعى الاولى دايما يبقى متعمليش احترام لحد
نور اتحرجت اوى وكان كل المدرج بيتفرج عليها وعلى كان لسه هيكلم بس احمد شده
نور طلعت تجرى وهى بتعيط ومنى ملحقتهاش
نور راحت على البحر وقعدت تعيط جااااامد لان عمر ما حد كلمها كده حتى باباها وهى كانت متأخره عادى وكانت هتعتذرعن التأخير وقعدت تعيط اكتر وقالت لنفسها انها مش هتحضرله سكشن ده تانى وقعدت تعيط لغايه ما لقت حد بيحط ايديه عليها
يتبع

الحلقه السابعه
نور كانت بتعيط جامد اوى وفجأه لقت حد بيحط ايديه عليها
لفتله بسرعه لقيته عمر وكان ملامحه كلها قلق وخوف عليها
نور بعيط :انت تانى انت بتراقبنى
عمر بلخبطه : لا والله انا كنت ماشى من على البحر لقيتك بتعيطى
نور كانت بتعيط جامد اوى ومش قادره تبطل عياط
عمر طلع مناديل وادهلها وهى بتزيد ف العيط
عمر : طب اهدى بس طب ممكن بس تقولى مالك ,حد عملك حاجه طيب ؟
نور:………………………
عمر : طب خلاص خلاص
وجرى يجبلها ميه تشربها
عمر : اشربى ميه علشان تهدى
نوربنهنه : حاضر
عمر : ها هديتى شويه
نور : اه الحمد لله شكرا يا عمر
عمر : على ايه بس ,بس انتى كان مالك ؟
نور :………………….
عمر : خلاص انا مش هضغط عليكى بس اهم حاجه عايزك تخلى قدامك دايما ان مفيش حاجه ف الدنيا تستاهل دموعك ابدا
نوروهى بتعيط تانى :انا
عمر : لو مش عايزه تحكى براحتك وبعدين اهدى وبطلى عيط بأه
نور : انا كنت داخله السكشن واتأخرت علشان كنت بجيب الدوا واجى المعيد زعقلى جااامد وقالى كلام وبدأت تعيط جاااامد
وانا عايزه افهمه وهو مش عايز يفهم وده كله كان قدام المدرج كله وانفجرت ف العيط
عمر: طب بس اهدى
ونور نازله عيط وعمر كان باصصلها وقلبه بيطقطع عليها ومش متحمل دموعها وحاسس انها خناجر ف قلبه
عمر : يا نور علشان خاطرى خلاص انتى متعرفيش دموعك دى بتعمل فيا ايه
نور ابتدت تهدى وبصتله ف عيونه وحست بحنان وحب ولهفه حقيقيه فيهم وبصت ف الارض بعد كده
عمر : ها
نور : خلاص انا بقيت كويسه
عمر : الحمد لله ,ممكن اطلب منك طلب
نور: اتفضل
عمر: ممكن متعيطيش تانى ابدا
عمر كان باصص ف عيونها اوى ونور كمان بس نور بصت ف الارض بسرعه
نور:هحاول
عمر : اممممم ماشى هسمحلك بالدموع بس ف حاله وانتى يتقشرى بصل
نور وعمرقعدوا يضحكوا اوى ونور
عمر:اكيد لسه عندك محاضرات صح؟
نور : اه بس خلاص مش هروح النهارده
عمر : لا يا نور بصى الموضوع ده مش وصمه عار يعنى علشان تستخبى منه هو انسان معندوش ذوق واكيد كل صحابك عارفينك وزعلوا على الى حصل
نور: بس انا مش هحضرله اى سكشن بعد كده ابدا
عمر : يا نور متخليش حد يعمل فيكى كده ابدا خليكى واثقه من نفسك ,انتى لو محضرتيش هتأكدى فكرته وانه كان صح انه يعمل معاكى كده
علشان كده لازم تحضرى السكشن وتمشى مع نفسك وهو صدقينى عمره ما هيقدر يقولك اى حاجه
نور:عندك حق بس مش هروح النهارده خلاص مش هقدر
عمر : خلاص ماشى بس تحضرى من بكره عادى يا نور
نور: ماشى
نور : عمر
عمر: نعم
نور: انا متشكره اوى بجد
عمر: على ايه بس
نور: انت ربنا بيبعتك ليا ف وقت الشده
عمر:وانا دايما موجود علشانك يا نور
نور:طيب انا همشى انا بأه
عمر : ماشى لا اله الا الله وخلى بالك من نفسك
نور : محمد رسول الله
نور مشت وكان قلبها مع عمر وقاعده تفكر فيه وروحت البيت ومكنش ف حد ف البيت
نورلنفسها: يااااااه هو ف حد ذووووق لدرجه دى وحنين وطيب اوى كده وياربى كأنك بتبعتهولى من عندك ف وقت ما بكون محتاجه لحد ياربى
ف الوقت ده دخل عليها نورهان
نورهان : مالك يا نور الزفت ده قالك ايه طب انتى كويسه؟
نور : مين الى قالك يا نورهان ؟
نورهان : منى اتصلت بيا علشان مكنتش عارفه تجيبك انتى نسيتى الموبايل معاها وهى حكتيلى على الى البنى ادم ده عمله معاكى .انا هتصل ببابا دلوقتى هخليه يوريه
نور: لالالايا نورهان خلاص لو سمحت
نورهان :ازاى بس يا بنتى انتى ده لازم يعتذرلك يا نور
نور : خلاص يا نورهان
نورهان : لا يا نور وجابت السماعه ولسه هتتصل
نور قعدت تعيط
نور بعيط : خلاص قولتلك يا نورهان انتى مبتسمعيش كلامى ليه خلاص الى حصل حصل
نورهان : خلاص يا حبيبتى خلاص اهدى انتى بس
نور: متقوليش لحد يا نورهان
نورهان : حاضر يا حبيبتى
نور: انا هدخل انام شويه
نورهان :لا يا نور متنميش وانتى كده علشان خاطرى
نور : ماشى يا نورهان هدخل اخاد شاور
نورهان : ماشى يا نونه
نور دخلت اخدت شاور وطلعت قعدت قدام المرايه وهى بتسرح شعرها وافتكرت عمر وكلامه ولهفته عليها وقامت جابت روايه وقعدت تقرأ فيها لغايه ما نامت
عمر: اوعى تعيطى تانى يا نور دموعك بتحرقنى يا نور
نور: حاضر
عمر : لو بتحبينى بجد متعيطيش تانى ولا انتى ليكى رأى تانى
نور : لا يا حبيبى انا بحبك اوووووووووى
عمر : فكرت ليكى رأى تانى هههههههه
نور : عمر
عمر : نعم
نور : بحبك
عمر : بحبك
وفتحت نور عيونها فجأه
نور لنفسها : عمر
وعند عمر الى كان قاعد على البحر وبيفكر ف نور وهو قاعد بيرسم فيها وبيقول لنفسه
:انا مش عارف مالى انا حبيتها ولا ايه انا مشددولها كده ليه
انا نفسى اسمع صوتها اوى
نفسى اشوفها ولو من بعيد
بس انا هشوفها يوم الخميس يارب يوم الخميس يجى بأه
ولا يوم الخميس ليه
وابتسم ابتسامه خفيفه
نور ف الوقت ده كانت قاعده بتتغدى مع عائلتها
الاب :مالك يا نور مبتكليش ليه
نور: ها لا نفيش يا بابا ما انا باكل اهو
الام : ده انتى الطبق زى ما هو ف ايه حد مضايقك؟
نور: لا ابدا يا ماما بس اصل انا اكلت قبل ما انتو تيجوا
االام : اه صحيح انتى جيتى بدرى ليه
نور: ها اصل الدكتور مجاش فقولت هقعد اعمل ايه ف الكليه
الام : طيب يا حبيبتى
نور : طب عن اذنكو انا علشان مش قادره اكل انا هقوم اذاكر
الاب: ماشى يا حبيبتى
وقامت نور وخدت حاجتهاوراحت البلكونه ,طبعا ده مكان نور المفضل بتحب تبص للقمر طوال ما هى قاعده بتذاكروفضلت تذاكر لغايه ما نورهان دخلت عليها
نورهان : نور منى على التليفون
نور : ماشى يا نورهان
نور راحت علشان ترد على منى
نور: ايوه يا منى
منى : ايه يا نور كده تقلقينى عليكى كده
نور : معلش يا منى كنت عايزه اقعد لوحدى
منى : خلاص بأه يا نونه انا عارفه انك انتى الى خدتى الدوش لوحدك وهو بنى ادم زباله والله بس عارفه بعد لما انتى ما مشيتى معرفش يشرح حاجه وخرج من السكشن احمد هو الى قالى
نور : وانا مالى يتحرق
منى : اسكتى واحمد بيقولى على كان هيقومله بس احمد شده وسكته علشان الغبى ده ليكبر الحكايه
نور : اه ما هى كانت ناقصه
منى : هههههه على رأيك المهم هتيجى بكره
نور : اه ان شاء الله
منى : خلاص يا نونه اقابلك بكره
نور : ماشى
واجى الصبح ونور نزلت الكليه واول ما دخلت منى جريت عليها وباستها ورنا وراها
رنا : ازيك يا نونه
نور : الحمد لله يا رونى
رنا : الحمد لله حبيبتى
منى : يادى النيله ده اول سكشن علينا الزفت ده هتحضرى يا نور ؟
نور : اه طبعا ومحضرش ليه
منى : لا ابدا
نور : طب ياله
منى ونور رنا دخلوا المدرج يستنوا السكشن يبتدى واول ما دخل المعيد قعد يدور بعيونه على نور لغايه ما شافها
وكان بيقول لنفسه :انا لازم اعتذر لها النهارده لانى زودتها امبارح اوى معاها وحرجتها قدام صحابها والموضوع مكنش مستاهل كل ده
وبدأ السكشن وهو مكنش عارف ينطق بكلمه واداهم السكشن بالعافيه وكل لما عيونه تيجى ف عيون نور يلخبط بالكلام
واخيرا المحاضره انتهت ولما الطلبه ابتدوا يمشوا واول لما جت نور تخرج ندهلها
المعيد : نور
نور بصتله وهى مخنوقه منه اوى
نور : نعم
يتبع

الحلقه الثامنه
باسم :نور انا بجد اسف على امبارح جدا انا من امبارح وانا مضايق لانى غلطت ف حقك
نور والدموع ف عيونها مكنتش قادره تنطق بس مسكت نفسها وتمالكت اعصابها وحبست دموعها
نور :حضرتك اكبر من انك تعتذرلى وبعدين ف حدود بين الطالب والمعيد بتاعه ومينفعش المعيد يعتذر
نور قالته الجملتين دول ومشت وسابته وباسم كان مضايق اوى من الى نور قالته وف نفس الوقت كان مضايق من نفسه اوى لانه كان شايف الدموع ف عيونها ,راح مكتبه وقعد وقعد يلوم نفسه
يارب انا عمرى ما كنت قليل الذوق مع حد ابدا ولا جرحت حد كده يارب انا ايه الى انا عملته ده بس
نور طلعت وقعدت تعيط اوى علشان صعبت عليها نفسها اوى لان كرامتها كانت عندها اهم حاجه وقابلتها منى وراحوا الكافيه
منى : خلاص يا نونه بأه ما هو اجى اعتذر اهو وطلع محترم والله وانتى ادتيله الى ف النصيب
نور : بطلى هذار بأه يا منى ,انا كان نفسى اضربه قلم او اخنقه
منى : هههههه يخرب عقلك ,طب قومى ياله علشان نحضر اخر محاضره
نور :ماشى ياله
وراحوا حضروا المحاضره وهما خارجين من باب الكليه منى شدت نور من ايديها
منى : نور نور بصى مين واقف هناك
نور: مين ؟
منى :عمر
نور: ها ميييييييييين؟ عمر؟
منى : اه والله بصى هناك
نور بصت عند المكتبه الى قدام الكليه لقت عمر واقف هناك واول ما لمحها وهى باصه عليه ضحكلها الضحكه الى بتخلى نور قلبها يدق وكان جاى عليها وهو مبتسم اوى
منى : بقولك ايه انا همشى انا ابقى قوليلى ايه الاخبار
نور : لا يا منى استنى بس
ومنى كانت سابتها ومشت
وكان عمر قرب منها اوى
عمر : ازيك يا نور
نور :الحمد لله وانت ؟
عمر :الحمد لله دلوقتى لما شوفتك
نور اتكسفت اوى وبصت ف الارض
نور: بس انت ايه الى جابك هنا ؟
عمر: انا كنت جاى اطمن عليكى علشان امبارح انتى كنتى منهاره اوى ,انا اسف لو ضايقتك
نور حست انها حرجته اوى وهو كان جاى يطمن عليها وحسيت بلهفته عليها
نور : لالالالا مضايقتش خالص انا مقصدش والله بس المفاجأه بس
عمر وهو مبتسم: انا كنت قلقان عليكى بس
نور:………………..
عمر: امممممم طيب انا اطمنت عليكى انا همشى دلوقتى عايزه حاجه
نور : لا شكرا
عمر : اه ممكن اطلب منك طلب بس لو مش عايزه خلاص
نور: اطلب
عمر : ينفع اخاد رقمك لان انا مسافر من بكره ويوم الخميس مش هكون موجود وعلشان لما ارجع اعرف اتصل بيكى وارجعهالك
نور قعدت تفكر شويه
نور: ماشى
نور اديته الرقم ,عمر كان فرحان اوى
عمر:ماشى يا نور انا همشى بأه
نور: ماشى
عمر :خلى بالك من نفسك ,لا اله الا الله
نور:محمد رسول الله
عمر مشى من قدام نور ونور كانت حاسه انه خاد قلبها معاه ونور كانت زعلانه انه مسافر وروحت البيت وهى مضايقه اوى
نور: مساء الخير ياماما
الام: مساء النور يا حبيبتى ,احطلك تتغدى
نور : لا مش عايزه يا ماما مليش نفس دلوقتى
ومشت نور راحت اوضتها وكانت مضايقه اوى وسرحانه وبعدين قعدت على الكرسى وهى بتفكر ف عمر وبعد كده قامت تذاكر
وعدى اسبوع ونور حاسه بحاجه ناقصاها وكانت مضايقه طول الوقت ويا دوب بتذاكر بالعافيه وتروح الكليه وحياتها كانت على كده وهى محتاره ف الى بيحصلها وحالتها بسبب سفر عمر ,وف نفس الوقت عمر كان قاصد ميتصلش بنور الا بعد فتره علشان يتأكد من حبه ليها ويتأكد منها كمان والى كان بيصبره على بعده عنها صورتها الى هو رسمها وقرر انه يتصل بيها لانه خلاص مش قادر يستحمل اكتر من كده
وفجأه تليفون نور ضرب والساعه كانت 10 بليل
نور بلهفه: الو
عمر اتنفس براحه اول ما سمع صوت نور
عمر : ايوه يا نور انا عمر
نور اتمالكت نفسها
نور: ايوه يا عمر ازيك
عمر: الحمد لله وانتى
نور: وحشتنى يا عمر اوى
نور : الحمد لله
عمر : يارب دايما
عمر: وحشتينى يا نور
نور: انت وصلت ولا ايه
عمر : لا انا لسه ف القاهره بس
نور: بس ايه ؟
عمر :بس بصراحه وحشتينى
نور فضلت ساكته وقلبها بيدق اوى
وعمر حاول يخفف الموضوع
عمر : ووحشنى عيطك اوعى تكونى لسه بتعيطى
نور : ههههه ف البصل بس
عمر : شاطره ههههه
نور:هترجع امتى
عمر : كمان يومين
نور:يااااه يا عمر كمان يومين
نور : ترجع بالسلامه بأذن الله
عمر:الله يسلمك
نور : …………….
عمر :لما ارجع هقولك
نور : ماشى خلاص
عمر : طيب خلى بالك من نفسك الامتحانات قربت لو عايزه اى حاجه قوليلى انا كنت شاطر والله
نور : هههه من غير حلفان
عمر : لا الله الا الله
نور : محمد رسول الله
ومحدش من الاتنين قفل
عمر : ايه مقفلتيش ليه
نور : ها؟ لا اقفل انت الاول
عمر : هههههه خلاص بصى نقفل مع بعض ايه رأيك ؟
نور :هههه ماشى
1
2
3
وقفلوا مع بعض والاتنين كان حالهم حال
نور كان طايره من السما انها سمعت صوته وعمر كان نفسه ينزل اسكندريه علطول ونفسه يحضن نور ويقولها انه بيحبها اوى ومش قادر يستغنى عنها,ونور كانت مش شايفه حد قدامها غير عمر وحسيت ان نفسها اتفتحت على المذاكره
ومروا اليومين دول وعمر كان بيكلم نور اكتر من اربع مرات ف اليوم يطمن عليها ويقعدوا يكلموا ويضحكوا لغايه ما اجى اليوم الى نزل فيه عمر اسكندريه واتفقوا يتقابلواف الكافيه الى شافوا فيه بعض اول يوم
نور كانت بتقرب من الكافيه وقلبها بيدق اوى واول ما شافوا بعض
عمر : وحشتينى اوى يا نور يا ما نفسى اخدك ف حضنى واضمك اوى
نور : وحشتنى يا عمر وحشتنى اوى
عمر : ازيك يا نور
نور : الحمد لله وانت ايه اخبارك ؟
عمر : كويس لما شوفتك
نور انكسفت وبصت ف الارض
عمر طلع من الشنطه بتاعته علبه متغلفه وقدمها لنور
نور : ايه ده يا عمر
عمر : هديه ليكى
نور: ليا؟
عمر : اه ياله افتحيها
نور : طيب
نور فتحت العلبه لقتها سلسله واللايه بتاعتها قلب ولما فتحت القلب لقت مكتوب فيه I love you so much and I missed you too
نور قلبها كان طاير من الفرحه وبيدق جامد وحاسه من كتر دقاته ان عمر سامع صوته
نور:يااااااه جميله اوى يا عمر انا مش عارفه اقولك ايه
عمر وهو باصص ف عيونها : يارب تكون عاجبتك
نور: اه طبعا
عمر كان باصص ف عيون نور ونور كانت باصه ف عيونه
عمر: نور
نور: نعم
عمر: توعدينى متقلعيش السلسله دى من رقبتك ابدا
نور: اوعدك يا عمر
وكانوا ليه باصين لبعض ومحدش قادر منهم ينزل عيونه من على التانى وكان كل منهم جواه كلام ونفسه يقوله للتانى ومش قادر
نور: مرسى اوى يا عمر على الهديه الجميله دى
عمر: يا نور دى حاجه بسيطه
نور: طب انا همشى انا بأه
عمر : ليه
نور : علشان متأخرش لسه على الامتحانات اسبوعين
عمر : ربنا معاكى يارب
نور:لا اله الا الله
عمر : محمد رسول الله
نور كانت ماشيه ومش مصدقه نفسها وكانت بتقول لنفسها
ايه يا نور انتى حبيتيه ولا ايه وفين الخطوط الحمرا الى كنتى عاملها للى يقرب منك غيرتى رأيك مع عمر ليه يا نور
بس انا بجد بحبه خلاص ومش قادره انكر
وف الوقت ده عمر بعتلها ماسج فتحتها لقتها اغنيه هو بعتهلها
دنيتى اتغيرت من يوم ما شفت عنيك انا
دنيتى اتغيرت من يوم لقاك وانا مش انا
دنيتى اتغيرت من نظره واحده حنينه
انا مش عارف مالى عمال افكر فيك
والى مغير حالى كلمه قالتها عنيك
ولا بتغيب عن عينى ف بالى صاحى
وبحلم بيك
انا مش عارف مالى عمال افكر فيك
والى مغير حالى كلمه قالتها عنيك
ولا بتغيب عن عينى ف بالى صاحى
وبحلم بيك
انا لا حقول حبيتك ولا اح اقول بهواك
بس هسبلك قلبى يتكلم وياك
وهو يقولك على الى انا حاسس بيه من يوم لقاك
دنيتى اتغيرت من يوم ما شفت عنيك انا
دنيتى اتغيرت من يوم لقاك وانا مش انا
دنيتى اتغيرت من نظره واحده حنينه
يتبع

الحلقه التاسعه
نور كانت مبسوطه اوى وحاسه انها طايره من كتر السعاده وان الدنيا كلها بقت ف ايديها وكان نفسها ترجع لعمر وتحضنه اوى وروحت البيت وهى نفسها تقول لكل الناس انها بتحب عمر بجد
والله ووقعتى يا نور ومحدش سمى عليكى دى نور الى كان الحب بالنسبه لها خط احمر اجى عمر عدى الخط الاحمر
بس انا بجد بحبه اوى وهو لسه ماقليش بس كفايه السلسه والماسج انا كفايه عليا اشوفه بس دى عندى بالدنيا كلها
نور دخلت البيت وهى فرحانه اوى
نورهان : ايه السعاده دى كلها الى يشوفك الاسبوع الى فات ميشوفكيش النهارده يا سبحان الله
نور: ما انا عاديه اهو ف ايه بس
نورهان : لا ولا حاجه انتى عارفه لولا انا عارفه انك مش بتحبى كنت قولت انك بتحبى لان عيونك بتلمع يا نور
نور : بجد؟
نورهان : اه والله والى بيحبوا عيونهم بتلمع
نور : يمكن
نور كان نفسها تقولها اه انا بحب بحب عمر وانها مكنتش حاسه بأى حاجه ف الدنيا من غيره
ودخلت الاوضه لقت التليفون بيرن
نور : الو
عمر : ايوه وصلتى ؟
نور : اه
عمر : طب الحمد لله عاجبتك الماسج؟
نور انكسفت اوى ومكنتش عارفه ترد
عمر: ايه يا نور روحتى فين ؟
نور: ها لا مفيش
عمر : انتى اضايقتى من الماسج؟
نور: تؤ
عمر : بجد؟
نور: اه
عمر: نور
نور : نعم
عمر : انا هطلب منك طلب رخم اوى دلوقتى بس علشان خاطرى مترفضى لان دى مسأله مهمه
نور : ف ايه بس يا عمر قلقتنى اطلب
عمر : ينفع اشوفك دلوقتى
نور : ما انا كنت لسه معاك
عمر : معلش يا نور علشان خاطرى
نور : اممممم ماشى بس فين
عمر : ف نفس الكافيه انا قاعد مستنيكى
نور : ماشى انا جايه
نور نزلت جرى وراحت لعمر ف الكافيه وكان كل لما بتقرب منه قلبها بيدق اكتر واكتر وعمر منزلش عينه من عليها ومبتسم لها اجمل ابتسامه
نور : ايه يا عمر ف ايه
عمر : تعالى معايا
نور : نروح فين
عمر شد نور من ايديها ووقفو ا على البحر وبصلها اوى
عمر: نور
نور : نعم يا عمر
عمر: هعترفلك بحاجه عمرى ماكنت اتخيل انها تحصلى ولا اعيشها ابدا
والحاجه دى كانت بدايتها هنا
نور كانت باصه ف عيونه بس ونفسها تعرف ف ايه وقلبها بيدق اوى
عمر : نور انا بحبك بحبك اوى
نور والدموع ف عيونها مكنتش عارفه تنطق وكانت فرحانه اوى
عمر : من اول ماشوفتك وانا قلبى بقى معاكى يا نور انا بحبك با نور والله بحبك
نور: ……………………….
عمر : قولى حاجه يا نور
نور :وانا بحبك يا عمر
عمر مكنش حاسس بنفسه من كتر الفرحه انها كمان بتحبه وقعد يضحك ونفسه يقول للدنيا كلها انه بيحبها وبيموت فيها وفعلا صرخ بأعلى صوته قدام البحر
عمر : اشهد يا بحر عليا انا بحب نور بحب نور يا ناااااااااااااااااااااااااااااااااااااااااااااس
نور بضحك : بس يا عمر
عمر : والله بحبك
كل الناس كانت بتتفرج عليهم ونور انكسفت اوى
عمر : انا مش مصدق نفسى يا نور انا حاسس انى بحلم
نور: انا يا عمر كنت بحبك من قبل ما اعرفك كنت بحبك ف احلامى
عمر:……………….
وحكت نور لعمر على احلامها بيه بس مش كلها
عمر : وانا يا نور كنت حاسس انى اعرفك ومن زمان ويوم ما شفتك لمستى قلبى وعقلى يا نور
نور كانت باصله وبس كان نفسها تفضل قدامه كده وبس تشوفه وهو بيكلم وعيونه كلها حب ليها
عمر : ساكته ليه
نور : عايزه اسمعك وبس
عمر : وانا عايز اسمع صوتك يا نور عايزه افضل اسمعه لغايه ما اموت
نور حطت ايديها على فمه
نور : بس يا عمر بعد الشر عليك
عمربابتسامه : خايفه عليا
نور : طبعا
نور : انا همشى بأه يا عمر انا اتأخرت اوى
عمر : لا يا نور علشان خاطرى
نور : بس
عمر : علشان خاطرى يا نور
وفضلوا قاعدين مع بعض لغايه ساعه الغروب وهما الاتنين كانوا مبسوطين اوى ومش حاسين بحد لغايه ما تليفون نور رن ط
نور : الو
نورهان : ايه يا نور انتى فين كل ده
نور : ها انا جايه اهو يا نورهان ماشى
وقفلت
نور : انا همشى بأه يا عمر
عمر : ماشى يا حبيبتى
الكلمه هزت نور اوى وكانت ماشيه على عينها
عمر: تعالى علشان اركبك
نور: ماشى
عمر: اول ما توصلى رنيلى يا نور
نور: اوك
عمر ركب نور التاكسى ونور لما وصلت البيت واول ما دخلت
الام : كنتى فين يا ست نور
نور : ايه اصل ياماما كان ف حاجات مهمه اوى بخصوص الامتحانات مع واحده صاحبتى وروحت علشان اجبها
الام : اومال فين الحاجات دى
نور: ها اه على الفلاشه يا ماما
الام : ماشى بس ابقى قولى يا نور متسبنيش كده
نور: حاضر
نور دخلت الاوضه وكانت مضايقه اوى لانها كدبت على مامتها وف الوقت ده عمر كان بيتصل بيها
نور : الو
عمر : ايوه يا نور وصلتى ؟
نور: اه
عمر: مالك ؟
نور: مفيش يا عمر
عمر: لأ ف حاجه يا نور
نور: مضايقه شويه
عمر: من ايه؟
نور : علشان كدبت على ماما وانا عمرى ما كدبت عليها يا عمر
عمر: انا اسف اوى يا نور انا السبب ف انك كدبتى عليها
نور:خلاص يا عمر الى حصل حصل
عمر: طب ايه؟
نور: طب ايه ايه؟
عمر: ايه؟
نور قعدت تضحك عليه
نور: ايه الى ايه يا بنى انت
عمر : ايوه كده انا مبحبكيش زعلانه ابدا
نور: ليه؟
عمر: ابدا علشان بحبك وبموت فيكى ولما بتزعلى بحس ان الدنيا اسودت ف عينى انا ومببقاش طايق نفسى
نور : …………………
عمر : انتى نمتى منى ولا ايه
نور : اه شويه هههههه
عمر :ماشى انتى هتعملى ايه دلوقتى ؟
نور : هتغدى واذاكر علشان خلاص معتش حاجه انا عايزه اخلص السنه دى بأه
عمر : ان شاء الله يا حبيبتى هتخلصيها
نور : ان شاء الله عايز حاجه ؟
عمر: عايزك جمبى علطول
نور : بس كده فكرتك عايز فلوس ولا حاجه
عمر : ههههه ماشى ,روحى ذاكرى ياله ,لا الله الا الله
نور: محمد رسول الله
وقفلوا ونور راحت تتغدى وبعد كده قعدت تذاكر وعمر راح على مكتبه
.
.
.
.
.
.
.
.
.
.
.
.
.
وعدى اسبوعين ونور ابتدت امتحانات ونور وعمر كانو بيتكلموا مع بعض علطول بس مكانش حد فيهم بيشوف التانى وده كان اتفاق ما بينهم لغايه نور ما تخلص امتحانات وعمر كان كمان مشغول ف شغله ف الشركه ونور كانت بعد كل امتحان تلاقى عمر بيتصل يطمن عليها واجى اخر يوم امتحان ونور خارجه من الامتحان لقت ماسج من عمر بيقولها انه مستنيها ف الكافيه وكان قاصد يبعتلها ماسج علشان مترفضش لانها كانت وحشاه اوى .
نور راحت الكافيه ولقت عمر مستنيها واول ما شافها قام وقف وبصلها اوى ونور بصتله اوى وعمر كان نفسه يحضن نور اوى من كتر ما كانت وحشاه
عمر: وحشتينى
نور: انت اكتر
عمر: كده يا نور كل ده مشفكيش ولا مره حتى
نور: معلش يا مارو خلاص منا خلصت اهو
عمر: اوعى تبعدى عنى كده تانى يا نور انا لولا انى كنت بكلمك كنت اموت
نور: اوعى تقول كده تانى يا عمر
عمر: عملتى ايه ف الامتحان
نور : الحمد لله
عمر : ايه خطتك ف الصيف ده بأه
نور : لسه مفكرتش ,وانت؟
عمر : انت يا قمر
نور قعدت تضحك اوى وعمر كان بصصلها بابتسامه جميله
نور: لا بجد بأه
عمر : والله انتى
نور: انت ملكش اهل يعنى
عمر: هههههه يا ستى
نور: لا بجد
عمر: هما عندى ف البيت هيسافروا شرم
نور: وانت ؟
عمر: لا مش هسافر
نور: ليه
عمر : علشانك وعلشان الشركه
نور: طب علشان الشركه وماشى .انا بأه ليه
عمر: اسيبك ازاى يعنى يا نور بقولك مقدرش استغنى عنك ابدا
نور: اممم بس انا مش هقابلك تانى يا عمر
عمر: طب انا كنت بفكر ف حل ف الايام الى فاتت
نور: ايه
عمر : ايه رأيك تيجى تشتغلى معايا؟
نور: امممم افكر
عمر : بس لازم تعملى انترفيو الاول وتجيبى السى فى بتاعتك
نور: يا سلاااااااام ده انا اى شركه تتمنى انى اشتغل عندها طبعا
عمر: بس انا مش ى شركه طبعا
نوربكسوف من نظراته : اه
عمر: ها موافقه
نور: خلاص انا هعر ض الموضوع على بابا واقولك
عمر :ماشى وانا منتظر
نور: بقولك ايه انا همشى انا بأه علشان اروح اطمن على نجلا علشان النهارده اخر يوم ليها ف الامتحانات برده
عمر : كده يا نور
نور: معلش يا عمر
عمر : ماشى بس متنسيش الموضوع الى وقولتلك عليه
نور : حاضر
نور روحت البيت واطمنت على نجلا ونزلت راحت لبابها الشركه ولما وصلت خبطت على الباب ودخلت
نور:احم احم ممكن اخاد من وقت سيادتك دقيقه يا فندم
الاب : هههههه ادخلى يا لمضه
نور: ازيك يا حبيبى انا قولت اعدى عليك نروح سوا ايه رأيك بأه
الاب : يا سلام طب عملتى ايه الاول
نور: الحمد لله ده سؤال برده
الاب : ماشى يا باشا انا اسف
نور: خلا ص هعديهالك المره دى بس ههههههه
الاب: بس مجتك دى مطمنش ابدا
نور : هههههه علطول كاشفنى كده يابابا
الاب : هههههه طبعا
نور: طب ايه اكمل عليك ولا ادخل ف الموضوع علطول
الاب : ههههه لا ادخلى
نور: ماشى .بص باه يا بابا طبعا انت عارف خطتى الى بأذن الله انا ناويه انفذها
الاب : ايوه
نور: ف تغير ف الخطه
الاب : وايه التغير ده
نور: انا عايزه اشتغل
الاب : ليه بس يا نور
نور: يابابا الشغل يخلنى اكسب حاجات كتير
الاب : زى ايه
نور : يعنى خبره ,وعلاقات اكتر وكده وكمان انا عايزه اعتمد على نفسى يابابا
الاب : ماشى من بكره يا ستى تعالى الشركه واشتغلى ف اى حته انتى عايزاها
نور: كننت عارفه انك هتقولى كده يابابا بس انا مش عايزه كده
الاب : اومال ايه يا نور
نور: بصراحه ف شركه كده هى لسه صغيره اه بس انا متحمسه لها اوى يا بابا
الاب : يعنى تشتغلى ف شركه غريبه يا نور الناس تقول عليا ايه
نور: يابابا لو مشينا ورا الناس يبقى عمرنا ما هنتقدم اى خطوه لقدام يابابا انا عايزه ابنى نفسى بنفسى
الاب : بصى يا نور انا عمرى ما غصبت عليكى ف حاجه ابدا ودايما باخد برأيك لانك عمرك ما خذلتينى وكنت بسيبك تعملى الى انتى مقتنعه بيه من غير اى ضغوط منى وهسيبك تجربى برده ف حكايه الشركه دى
نور: بجد يابابا
الاب : ايوه بس انا عايز اعرف كل المعلومات عن الشركه دى
ونور قعدت توضح لباباها كل المعلومات المطلوبه عن الشركه وبعد كده روحوا واول ما دخلت البيت جتلها ماسج
من عمر
الدنيا تبقى جمبك كلها فرح وهنا واليوم
بيكون ف بعدك يوم لكن يوم ميت سنه
الحب عليك شويه يا احلى حاجه قبلتها
خليتنى اعيش ف دنيا جديده عمرى
ما عشتها
حبيبك عمر
نور قلبها كان هيقف من الفرحه واتصلت بعمر علطول
نور: الو
عمر : الو
نور: بحبك
عمر: وانا بموت فيكى يا نور
نور: اقولك على خبر حلو
عمر : قولى
نور: بابا وافق على الشغل
عمر : بجد يا نور
نور: اه والله
عمر : انا فرحان اوى يا نور معقول هشوفك كل يوم قدامى مش مصدق نفسى
نور : لا يا حبيبى صدق
عمر : خلاص من بكره هتبتدى
نور: ماشى
وراحت تانى يوم نور الشركه وكانت مبسوطه اوى وعمر كان مبسوط بيها اوى واجت ساعه الرست ونزلوا علشان يتغدوا وقعدوا ف مطعم على البحر
عمر : يااااااه انا مكنتش بحب الشغل اوى كده
نور : ههههه علشان تعرف بس
عمر : انتى غيرتى حياتى يا نور
نور: وانت يا عمر انا عمرى ما كنت اتصور انى احب انا كنت قافله قلبى
عمر : بس المفتاح كان معايا
نور : ههههه
عمر : استنى هروح اجيب حاجه واجى
وقام يعدى الشارع علشان يجيب لنور ورد وهو راجع
نور :عمرررررررررررررررررر
يتبع

الحلقه العاشره

نور: عمرررررررررررررررر

وجرت نور على عمر لقيته نايم على الارض ومش بيتحرك

نور والدموع نازله من عينها

نور: لا يا عمرفوق فوق علشان خاطرى متعملش فيا كده لا يا عمر والنبى قووووووووووم

نور قعدت تصرخ علشان الناس تساعده والناس طلبوا الاسعاف وركبت نور معاه

نور: يا عمر يا عمر قوم بأه اوعى تسبنى يا عمر انا مصدقت لقيتك ف دنيتى ليه يارب ليه

ونور قاعده تعيط ومش قادره لغايه ما وصلوا المستشفى والدكاتره جروا بعمر على اوضه العمليات

ونور واقفه منهاره مش شايفه قدامها وف اللحظه دى

الممرضه اجت وادتها موبايل ومحفظته وورده كان ماسكها ف ايديه ,نور مسكت الورده وقعدت تعيط وتصرخ والممرضه تحاول تسكت فيها

وفجأه موبايل عمر رن وكان مكتوب المتصل ماما

نور مبقتش عارفه تعمل ايه و قررت ترد عليها وتقولها

نور بعيط :الو

ام عمر: الو مش ده موبايل عمر

نور: ايوه

الام:طب هو انتى مين وعمر فين

نورسكت وقعدت تعيط

الام : يا بنتى ردى ابنى فين

نور : عمر عمل حادثه واحنا ف المستشفى

الام بصراخ : ابنى طب يا بنتى انتو فين قوليلى طب هو ايه حالته

نور قالتلها على العنوان وماما عمر اجت جرى ومعاها اخته وباباه

الام: هو فين حالته ايه

نور بعيط : لسه ف اوضه العمليات

الام : يا حبيبى يا بنى ده ابنى الوحيد يارب يارب ماتخدوا منى يارب يارب نجيه يارب

الاب : وحضرتك مين؟

نور: انا نور بشتغل معاه

الاب : والحادثه حصلت ازاى

وحكت نور على الحادثه

الام : نور انتى؟

نور: ايوه انا

الام بعيط : ده بيحبك اوى يا بنتى وكل يوم مالهوش كلام الا عنك اه يا بنى يارب نجيه يارب,ده كان لسه قايلى انه عايز يطلب ايديكى

ونور لما سمعت كده بقت تعيط اكتر واكتر

لغايه ما الدكتور طلع من اوضه العمليات

الاب : ايه يا دكتور ابنى حالته ايه ؟

الدكتور : محتاجين دم وبسرعه

نور : انا يا دكتور انا

الدكتور: كلكوا تروحوا بسرعه والعينه المتطابقه هى الى هناخد منه الدم

وجرى الكل على المعمل وكانوا قاعدين منتظرين النتيجه

الام :يارب يارب لطفك بينا يارب

الاب : اهدى يا ناديه بأذن الله النتيجه تطلع دلوقتى وتكون خير

الام : يارب

نور ف نفسها : يارب خليه يارب ده انا معرفتش معنى لحياتى الا لما ظهر قدامى يارب اه يا عمر اه

الدكتور : محدش منكو طابق عينته مع المريض غير نور

نور: الحمد لله طيب يادكتور خودوا الى انتو عايزينه منى

ياله يا دكتور انا مش مهم

الدكتور : طيب اتفضلى معايا

وراحت نور والدكتور اخد منها كيس دم وجهزوه واخدوه لعمر علطول

ودخلو اوضه العمليات تانى

ياسمين اخته بعيط : ماما عمر هيبقى كويس؟

الام : بأذن الله يا حبيبتى بأذن الله

الممرضه ف الوقت ده خرجت من اوضه العمليات بتجرى

الاب : ف ايه يا بنتى

الممرضه : المريض حالته خطر وف حقنه مطلوبه حالا

الاب : طب ايه هيا قوليلى اروح اجبها

الممرضه : انا هروح اجبا بس لو سمحت يبنى بأه اعدى

نور : عمررررررررر

ونور اول ما سمعت كده صرخت بأسمه واغمى عليها

وجرى بابا عمر على غرفه الدكاتره وطلب اى دكتور

واجى جرى على نور لغايه ما فاقت

نور بعيط: اه يا عمر هو فين انا فين

الدكتور : اهدى يا انسه لو سمحت عمر هيبقى كويس بس انتى اهدى

الاب : اهدى يا بنتى

نور : انا عايزه اروحله

الدكتور : ارتاحى بس

وطبعا نور ما استحملتش انها تقعد كده وجرت عند اوضه العمليات منتظره عمر

وف الوقت ده تليفونها رن

الام : الو ايوه يا نور انتى فين ؟

نور بعيط : ايوه يا ماما

الام : مالك يا نور ف ايه انتى فين ؟

نور: انا ف المستشفى يا ماما

الام : ليه يا نور حاصلك حاجه انطقى يا بنتى

نور : لا يا ماما انا كويسه بس الى بيشتغل معايا عمل حادثه وانا ف المستشفى معاه

الام :بجد يا نور يعنى انتى كويسه يا بنتى

نور: ايوه يا ماما انا كويسه والله انا هقفل معاكى علشان الدكتور جاى

الام : ماشى ابقى طمنينى يا بنتى

نور : حاضر

واجى الدكتور

نور: ها يا دكتور

الدكتور : والله يا جماعه الحاله خطيره جدا وهو دلوقتى ف العنايه المركزه واكتر حاجه محتاجلها هو ربنا والدعاء له

نور بعيط: يارب يارب خليه يارب

الام : ابنى ابنى يا مختار هيضيع منى يارب خد بأيديه

يارب

نور ومامت عمر وباباه واخته فضلوا واقفين طول الليل وبيدعوا ربنا انه يخف ونور راحت للمرضه

نور بعيط: لو سمحت علشان خاطرى ادخل دقيقه بس لعمر علشان خاطرى اشوفه بس

الممرضه : مينفعش والله يا انسه ممنوع

نور: والله ما هتأخر علشان خاطرى

الممرضه: يا انسه انا حاسه بيكى بس انتى كده هضرنى انا

نور : والله ابدا مش هتأخر

الممرضه صعب عليها حال نور

الممرضه : دقيقه واحده بس يا انسه ولو حد شافك انا مدخلتكيش

نور: حاضر والله شكرا شكرا اوى

ودخلت نور لعمر ولقت انابيب ف فمه وانفه واجهزه متوصله بجسمه نزو شافت كده وقعدت تعيط جامد بس من غير صوت وراحت عند عمر ومسكت ايديه وقعدت تبوس ايديه

نور : انا نور يا عمر انا نور يا حبيبى اوعى تروح منى يا عمر والله هموت من غيرك علشان خاطرى يا عمر اوعى تسبنى انا بحبك يا عمر ,خليك قوى علشانى والنبى يا عمر ,.ده انت الى خليت لحياتى معنى يا عمر فاكر يا عمر اول مره شوفتك فيها فاكر .خلى قدامك كل لحظه عشنها مع بعض يا عمر اوعى تسبنى

ونامت على ايديه وقعدت تعيط لقت عمر بيضغط على ايديها رفعت وشها والدموع نازله من عيونها

نور : عمر حبيبى

وفجأه عمر ساب ايديها والجهاز قعد يصفر

الممرضه اجت بسرعه وقالتها اطلعى بره بسرعه

والدكاتره اجوا بسرعه وقعدوا يظغطوا على قلب عمر و يستخدموا جهاز الصدمه الكهربائيه ونور بتصرخ

نور: عمر اه لا يا عمر فوق اوعى تموت وتسيبنى لا يا عمر لا

وقعدت على الارض وهى بتصرخ

وجروا عليها مامت عمر وباباه

الام : ف ايه يا نور

نور بصراخ : عمر قلبه ووووووووووووقف

الام بصراخ: اه يا بنى ى ى ى ى ى ى ى

ياسمين :اه ياخويا ماما عمر يا ماما ااااااااه

نور بصراخ : بس بس عمر مش هيموت عمر مش هيموت

يارب يارب

والدكتور كان بيصدم عمر بالكهربا وهومفيش اى استجابه منه واالدكتور بيصرخ ف الممرضه بسرعه اديله الحقنه دى

الممرضه: مفيش استجابه برده القلب متوقف

ونور سمعت كده

نور : لالالالالالالالالالالالالالالا

يتبع

الحلقه الحاديه عشر
نور وماما عمر وباباه واخته واقفين قدام الغرفه وومحدش بينطق ونور ولا بتعيط ولا بتصرخ ولا ظاهر اى رده فعل على وشها وقاعده تفتكر شريط ذكرياتها مع عمر من اول احلامها لغايه ما اتقابلوا على البحر الى جمعهم مع بعض وحنيته عليها الى متتوصفش وحبه ولهفته عليها الى كانت بتبان ف عيونه ولغايه الحادثه وقامت حاضنه بأيديها السلسه وف الايد التانيه الورد .
وف الوقت ده طلع الدكتور والكل الدم نشف ف عروقه من الى ممكن الدكتور يقولهم عليه بخصوص عمر
نور:ها يا دكتور
الدكتور : الحمد لله يا جماعه القلب استجاب للصدمه والوضع شبه مستقر بس هو هيقعد دلوقتى ف العنايه ولوعدى ال24 ساعه الجاين دول هيبقى عدى مرحله الخطر بأذن الله
الام : الحمد لله يارب الحمد لله شوفت يا مختار ربنا كبير ازاى نجى ابنى وبأذن الله ياخد بأيديه اكتر الحمد لله
الاب : احمدك يارب واشكر فضلك
ونور رفعت وشها لفوق والدموع نازله على وجنتيها
نور : الحمد لله يارب
نور قاعده قدام العنايه وباصلها ومنتظره الساعات تعدى واتصلت بالبيت عندها تعرفهم على حاله عمر وانها مش هتقدر تمشى من المستشفى وفضلت قاعده وتدعى ربنا لغايه ما الفجر اذن وقامت صلت الفجر ورجعت تقعد تانى لغايه ما ماما عمر جتلها
ماما عمر: قومى يا نور ريحى شويه انتى تعبانه يا حبيبتى
نور : مش هقدر يا طنط اريح الا لما اطمن على عمر
ماما عمر: للدرجه بتحبيه يا نور؟
نور مقدرتش تمسك نفسها وقعدت تعيط وهى بتتكلم
نور بعيط : انا عمرى ما حبيت حد ف حياتى اد ما حبيبت عمر ولو ف كلمه توصف الى جوايا لعمر كنت قولتها
انا مكنتش عايشه من قبله ولا يمكن اعيش من غيره
وقعدت تعيط وماماه عمر حضنتها اوى وبتحاول تهديها
ماماه عمر : ان شاء الله يا حبيبتى يقوم ويرجعلنا كلنا ,عارفه يا نور له حق عمر يحبك اوى كده اذا كان انا حبيبتك هو بأه يعمل ايه. عمر كان طول حياته مفيش حد ف قلبه ولا ف دماغه غير الشغل والدراسه والبحر
نور : البحر ؟
ماماه عمر : ايوه البحر
نور : البحر ده هو العامل المشترك الى كان بينا وهو الى جمعنا سوا
ماماه عمر : عمر من قبل لما يشوفك كنت بزن عليه يرتبط بحد وكده بس هو كان بيرفض ويقولى انا عايش بالى ف دماغى واحلامى ويوم ما شافك اول يوم جرى عليا وقالى شوفتها يا ماما شوفتها وكانت الفرحه باينه ف عيونه عمر بيحبك بجد يا نور
نور : وانا والله بحبه اوى ربنا يخليه يارب ويقوم بالسلامه
ماماه عمر : يارب يا حبيبتى يارب
وقعدوا يتكلموا والوقت جرى بيهم والساعه بقت 9 الصبح وهما قاعدين يحكوا عن عمر
ماماه عمر : ياااااااه ده الساعه 9
نور: بجد الوقت جرى اوى هانت
وف الوقت ده خرجت الممرضه من اوضه عمر وكان معاها الدكتور
نور : ها يا دكتور عمر عامل ايه دلوقت
الدكتور : الحمد لله مرحله الخطر عدت وهو فاق على فكره بس مش هيطلع من العنايه الا بعد الظهر كده وعلى فكره هو عايز يشوف حد فيكو اوى واحده اسمها نور
نور : انا يا دكتور بجد طب اقدر اشوفه؟
الدكتور : اه بس متتعبيهوش بالكلام
نور : حاضر يا دكتور ,بس وطنط
ماماه عمر : اخلى انت بس الاول يا حبيبتى هو محتاجك انتى دلوقتى
ودخلت نور لعمر وهى مبتسمه وقربت من السرير وقعدت على الكرسى الى جمب السرير ومسكت ايد عمر
نور : حمد الله على سلامتك يا حبيبى
عمر براحه : وحشتينى يا نور
نور : وانت يا حبيبى وحشتنى اوعى تعمل فيا كده تانى يا عمر انا اموت من غيرك يا عمر
عمر : بعد الشر عليكى يا حبيبتى
نور: ممكن تسكت باه علشان الدكتور لو شافك بتتكلم هيطلعنى بره وانا بصراحه لو قتلونى مش هطلع ابدا
عمر ابتسم لنور ونور ماسكه ايديه وحضناها اوى
نور : عمر انا هطلع شويه لان ماماتك بره وباباك واختك وهيجننوا عليك وهرجعلك بعد لما يشوفوك يا حبيبى ماشى
عمر: ماشى بس متتأخريش عليا
نور : مقدرش اتأخر يا عمر
وخرجت نور ودخلت ماما عمر وقعدت تحضنوا وتبوس فيه
ماماه عمر : عمر ياحبيبى يارب كنت انا ولا ان يحصلك كده
عمر : بعد الشر عليكى يا ماما
ماماه عمر : طب ايه يا حبيبى انت كويس دلوقتى ؟
عمر : الحمد لله يا ماما انا بقيت الحمد لله كويس
ماماه عمر بأبتسامه : اه من ساعه ما دخلتلك نور مش كده
عمر: اممم شكلكوا اتعرفتوا ببعض
ماماه عمر: ايوه يا حبيبى ده جدعه اوى ومسابتكش ولا لحظه وبايته هنا من امبارح وقاعده تعيط وعلى فكره اتبرعتلك بدمها يا عمر
عمر: بجد ؟
ماماه عمر : اه والله هى الوحيده الى دمها اطابق معاك كلنا محدش عينته انطابقت غير نور.دى كانت خايفه عليك بشكل وانا حبيتها اوى
عمر : مش اكتر منى يا ماما
ماماه عمر : طب انا هخرج بأه يا حبيبى وابعتهالك
عمر : ياريت قصدى ليه خليكى شويه
ماماه عمر : هههههه لا انا هخرج واجبهالك
ماماه عمر خرجت
ماماه عمر : ادخلى يا نور هههههه والله الواد ده اتجنن وانتى السبب
نور انكسفت ودخلت لعمر
عمر : وحشتينى
نور : يا سلام
عمر : طبعا انتى لو غيبتى عنى دقيقه بتوحشينى يا نورى
نور: وانا عمرى ما هبعد عنك يا عمر
عمر : بحبك
نور: بحبك
واجى الظهر وخرج عمر من العنايه وقعد ف اوضه عاديه ونور قاعده معاه ومعاها ماماه عمر وباباه واخته
الاب : ايه يا بطل مش هتاكل بأه ولا ايه
عمر : لا يابابا مش قادر
الام : ليه كده يا عمر الدوا بتاعك شديد يا بنى
نور : لا يا عمر لازم تاكل بجد
عمر: طب هاكل بس على شرط
الام : ههههههه موافقين عليه ,ياله يا مختار انت وياسمين نشرب حاجه ف الكافيه
عمر: يا حبيبتى يا ماما فاهمانى دايما هههههه
نور : ايه يا عمر
وخرجوا
عمر : اه اقولك بأه على الشرط
نور: قول
عمر : انتى الى تأكلنى
نور : ياسلام طب افرض مامتك دخلت فجأه يعنى يبقى منظرى ايه
عمر : لا متخافيش ما هى فمهمت
نور : كده يا عمر ماشى
وانكسفت نور اوى
عمر : نور عارفه بيبقى شكلك حلو اوى وانتى مكسوفه وخددودك محمرين
نور : ماشى يا عمر لما تخف بس
وقامت نور تجيب الاكل لعمر وقعدت جمبه علشان تأكله
نور : ياله اتفضل كل
عمر : حاضر
وقعدت نور تأكله وعمر كان مبسوط اوى ولما نور جت تديله قطعه عيش عمر مسك ايديها باس ايديها وحضن ايديها اوى ونور انكسفت اوى
عمر : ربنا يخليكى ليا يا نور انا بحبك اوى
نور : وانا بحبك يا عمر
وعمر خلص اكل
نور : عمر انا همشى انا بأه وهجيلك بليل
عمر : لا يا نور خليكى معايا
نور : والله على عينى يا حبيبى بس انا مروحتش من امبارح
عمر : طب متتأخريش
نور : مش هتأخر
عمر : خلي بالك من نفسك
نور: وانت كمان
عمر : ماشى
نور : سلام
عمر : سلام
ومشت نور وهى فرحانه ان عمر بأه كويس وهى ماشيه وسرحانه ف عمر اتخبطت ف واحد
الشخص : انا اسف , ايه ده نور
نور: انت
يتبع

الحلقه الثانيه عشر
نور: انت
مصطفى : هههه ايوه انا ايه يا بنتى الى جابك هنا انتى تعبانه ولا ايه ؟
نور : ها لالالالا انا كنت جايه ازور حد
مصطفى :اه
نور : وانت
مصطفى : وانا برده كنت جاى ازور ابو واحد صاحبى
نور: اه طيب انا همشى انا باه
مصطفى : طب استنى اوصلك
نور: لا سورى انا عايزه امشى شويه
مصطفى : طب اجى معاكى
نور : معلش يا مصطفى بجد عايزه اكون لوحدى ,متضايقش منى
مصطفى : لا يا بنتى عادى بس انتى كويسه ؟
نور : اه الحمد لله
مصطفى : اوك
نور : ماشى ياله سلام
ومشت نور ومصطفى منزلش عينه من عليها
,وراحت نور البيت
الام : كده يا نور تباتى بره ده انتى عمرك ما عملتيها
نور : مكنش ينفع امشى يا ماما
الام : هو ده الى انتى بتشتغلى معاه
نور: اه هوه
الام : وهو عامل ايه ؟
نور : الحمد لله ,انا هدخل اخاد شاور وجهزلى الغدا معلش علشان انزل تانى
الام : على فين
نور: على المستشفى يا ماما ازاى يعنى اسيبه قصدى مينفعش مروحش ده يبقى عيب اوى
الام : يمكن ,ماشى
ودخلت نور تاخد شاور وجهزت وراحت على مامتها
نور: ماما
الام : نعم
نور: انا عايزه عربيتك
الام : ليييييييييييه؟
نور: لا ابدا هغسلهالك.ايه الى ليه يا ماما عايزاها بدل ما اتبهدل ف المواصلات
الام : ماشى بس خودى رخصتك ومتتأخريش
نور: حاضر
نور نزلت وراحت لعمر ف المستشفى واول ما فتحت باب اوضه ملقتش عمر ,نور كانت هتجنن وقعدت تعيط وجرت على الرسبشن بسرعه
نور بعيط : لو سمحتى غرفه 112 فين المريض الى فيها جراله ايه ومتضحكيش عليا
الممرضه : اهدى يا انسه هو بيتمشى ومعاه ماماته
نور بعيط : لالالالا قوليلى عمر ماله علشان خاطرى
ف الوقت ده عمر ومامته كانوا راجعين لاوضته وشافوا نور وراحوا عليها وعمر بتعب
عمر: ايه يا نور مالك
الممرضه : اهو الاستاذ عمر اهو متخافيش بأه واهدى
والله يا استاذ عمر انا قاعده اقولها ان انت كويس وان انت بتتمشى مش مصدقانى علشان دخلت ملقتكش ف الاوضه
عمر: نور بوصيلى انا اهو يا حبيبتى وكويس والله متخافيش
نور مسحت عيونها وبصتله جامد
نور بنهنه: يعنى انت كويس ؟
عمر : ايوه يا حبيبتى قومى ياله علشان مش قادر عايز ارجع الاوضه
ورجعوا الاوضه وعمر كان عايز نسكافيه فنور راحت الكافيه واكدت على عمر ميتحركش من الاوضه
ماماه عمر : يااااه يا عمر نور بتحبك اوى شوفت كانت عامله ازاى لما ملقتكش ف الاوضه
عمر: متفكرنيش بمنظرها يا ماما انا كان قلبى بيتقطع انا مبحبش اشوفها بتعيط وخصوصا بسبى ,بس انا اتأكدت دلوقتى انها بتحبنى اوى
ودخلت نور
نور: اتفضل يا سيدى النسكافيه بتاعك ,اتفضلى يا طنط جبتلك شاى معايا
ماماه عمر : ربنا يخليكى يا حبيبتى ,انا هروح اجيب شويه حاجات من البيت وارجع مش هتأخر .
اوعى تمشى يانور وتسيبى عمر
نور: متخافيش يا طنط
ومشت ماماه عمر
عمر : كنت هتزعلى يا نور لو
وقبل لما يكمل نو حطط ايديها على فمه
نور : اخص عليك يا عمر ,ياحبيبى انا مقدرش اعيش لحظه من غيرك
عمر: ياسلام على الكلام الحلو ياريتنى كنت عملت الحادثه دى من زمان علشان افضل شايفك قدامى كده وتقوليلى الكلام ده باه
نور : بس بأه يا عمر
عمر : بس بأه يا عمر ههههههه ماشى
عمر : معلش نور تجيبلى الموبايل اكلم رامى
نور : حاضر خد
واديتله الموبايل وكلم رامى علشان حاجات ف الشغل , وبعد لم خلص كان قاعد يبص على نور كانت قاعده قدامه وقاعده تقرأ ف روايه وهو كان باصص عليها ومبتسم ليها اوى ومن جواه بيحمد ربنا انه شافها وعرفها
وبعد كده نور انتبهتله
نور : ايه ده انت خلصت ؟
عمر: يا لهوى انتى لسه فاكره ده انا مخلص من زمان بس قاعد بتفرج عليكى
نور : يا سلام ماشى
عمر : بتقرأى ايه باه وشاغلك عنى
نور : بقرأ روايه
عمر : روايه ايه ؟
نور : الحب خط احمر
عمر: اممممممممم ,احكيلى عنها بأختصار
نور : ماشى , البطله يا سيدى كانت رافضه انها تحب او تعرف اى حد علشان تكمل حياتها
عمر : ووقعت ولا لسه
نور وهى بتتنهد : وقعت من زمان
عمر : امممم طب وانتى؟
نور : انا ايه ؟
عمر : وقعتى ؟
نور : تؤ
عمر : تؤ ؟ طب اجرى اجرى ده انتى كنتى هتجننى عليا
نور بكسوف ولخبطته : لا ياسى عمر اصلك صعبت عليا بس
عمر : امم يا سلام
نور : اه
عمر : طب عينك ف عينى كده
نور : اهو
قعدوا يضحكوا لغايه ما تليفون نور رن
نور : الو
مصطفى : ايوه يا نور
نور : ايوه يا مصطفى
مصطفى : عامله ايه
نور : الحمد لله ,هو ف حاجه ,خالتو فيها حاجه
مصطفى :لا ابدا انا كنت بطمن عليكى بس
نور : اوك شكرا يا مصطفى
مصطفى : ماشى انا هقفل بأه
نور : اوك سلام
وقفلت مع مصطفى وبصت لعمر لقته مضايق اوى
عمر : مين ده يا نور ؟
نور : ابدا ده مصطفى بن خالتى
عمر : ويتصل بيكى ليه يا نور
نور: وانا ماشيه الصبح من عندك شوفته كان بيزور حد فالمستشفى
عمربزعل : ماشى يا نور
نور : مارو
عمر : نعم
نور : يعنى امشى يعنى ولا اعمل ايه وانت زعلان كده والحكايه مش مستهله
عمر : …………….
نور : ماشى يا عمر انا طالعه بره طالما انا مضايقاك كده
وهى خارجه عمر مسك ايديها
عمر : نور
نور : نعم
عمر : بحبك
نور : ……
عمر : خلاص بأه انا مش عايز حد ولا يشوفك ولا يسمع صوتك غيرى
نور :…………………..
عمر : عارفه نفسى ف ايه
نور : ايه؟
عمر : نفسى اخدك ونروح ف جزيره بعيده ميكونش عليها غيرى وانتى وبس وكل يوم اصحى على صوتك انتى
نور بضحك: ماشى يا عم الرومانسى
وف الوقت ده الدكتور دخل
الدكتور : هايا عمر عامل ايه النهارده
عمر : الحمد لله يا دكتور , انا عايز اطلع بأه
الدكتور : ايه زهقت مننا ولا ايه؟
عمر : بصراحه زهقت من المستشفى
الدكتور: خلاص انا هكتبلك على اذن خروج دلوقتى وتقدر تتطلع ف اى وقت
عمر : شكرا يا دكتور
وخرج الدكتور وبعد شويه جت ماماه عمر وباباه وعرفوا بأذن الخروج وخرجوا بعمر ونور روحت ولما وصلت البيت اتصلت بعمر على الموبايل علشان تتطمن عليه
نور : ها وصلت
عمر : اه وانتى
نور : اه وصلت . انت بتعمل ايه دلوقتى غير انك بتكلمنى ؟
عمر : امممممم بفكر فيكى
نور: ياسلام , وبتفكر فيا ازاى وانا معاك على التليفون
عمر:انا بفكر فيكى دايما حتى وانتى قصادى وانا نايم بحلم بيكى
نور:…………….
عمر : ايه يا عم انت مفيش كلمه كده ؟
نور: ههههه كلمه ايه ؟
عمر: يعنى بحبك , اى حاجه كده . على فكره انا لسه مخفتش
نور : هههههه لا خفيت
عمر : ماشى انا هنام وانا زعلان منك
نور : اممممم طب تصبح على خير
عمر : بأه كده
نور: ههههه لالالا خلاص استنى بأه
عمر: ها هتقولى حاجه ؟
نور : اه ابقى اتغطى ههههههه
عمر : ماشى بس لما اشوفك يا نور
نور : هههههه روح نام بأه علشان ترتاح
عمر : حاضر بس انتى هتعملى ايه بكره؟
نور : مش عارفه لسه طبعا مينفعش اروح الشركه من غيرك لانك انت الى لسه بتعلمنى
عمر: ماشى انا كلها يومين وانزل الشركه
نور: لا يا عمر انت لسه تعبان
عمر : سيبك بأه روحى نامى علشان انتى بقالك يومين منمتيش بس احلمى بيا فاهمه
نور : حاضر تصبح على خير
عمر : وانت من اهله يا عمرى
ونامت نور وهى حاضنه السلسله وصوره عمر ف عيونها
يتبع

الحلقه الثالثه عشر
صحت نور على صوت الموبايل
نور: الو
عمر: ايه النوم ده كله يا بنتى
نور: هاااااوم مش قادره مكسره خاااالص
عمر: هااااوم كمان ده انتى ضايعه
نور: هههههه شكلك فايق
عمر: اه فوقت لما كلمتك
نور: ها عامل ايه النهارده ؟
عمر: كويس لما سمعت صوتك
نور: لا بجد
عمر: بجد انا كويس لما بسمع صوتك
نور: اممممم ماشى طب فطرت
عمر: اكيد يعنى دى الساعه 1 الظهر يا هانم
نور: بجد؟
عمر: اه والله
نور: ده انا نمت كتير اوى
عمر: كنتى بتحلمى ؟
نور: تصور من كتر التعب متقلبتش
عمر: انا السبب ف تعبك انا عارف ,بس انا عمرى ما هتعبك تانى ابدا يا نور
نور:لا عايزاك تتعبنى بس تبقى كويس علطول
عمر: بحبك
نور: اه ده انت شكلك عايز تنيمنى تانى
عمر: هههههه دايما بتطلعنى من المود
نور: ههههه مش بقولك فايق
عمر: بقولك ايه انا نازل الشغل بكره ,مش قادر اقعد كده ومشوفكيش
نور: لالالا ياعمر علشان خاطرى ده انت لسه طالع امبارح مينفعش
عمر: طب اعمل ايه دلوقتى انا كده هتعب لو مشوفتكيش
نور: معلش بأه يا مارو
عمر: ……………………
نور:طنط عامله ايه
عمر: ملهاش كلام الا عنك
نور: اوباااااااا وقالت ايه
عمر: يعنى بنت جدعه واموره وعليها عيون تسحر و
نور : طب بس بس دى طنط برده ؟
عمر: لا ده ابن طنط الى مزود
نور: ههههههههه بقولك ايه انا هقوم افطر وكده واكلمك علشان احنا مش هنخلص كده
عمر: ماشى بس اول ما تخلصى تكلمينى
نور: حاضر ,عايز حاجه؟
عمر: عايزك جمبى
نور: اممممممم قول جزر
عمر: اقفلى يا نووووووووووووور
نور: ههههههه سلام
وقفل عمر ونور وقتوله من الضحك عليه ,بس قلبها مش حاسه بيه من كتر حبها لعمر و ف الوقت ده سمعت نورهان بره وبتتكلم ف التليفون وبتعيط
نور خرجت لقت نورهان بتعيط
نور: مالك يا نورهان ف ايه؟
نورهان : كريم
نور: ماله؟
نورهان :مش عايزنى اروح لخالتو
نور: يووووووه هو احنا مش هنخلص من الموضوع ده باه ميكبر دماغه بأه انتى بتحبيه ولا لأ
نورهان : طبعا بحبه
نور: وهو عارف كده ولالأ
نورهان : مش هتقدرى تفهمى يا نور علشان مبتحبيش , لو بتحبى حد عمر الحد ده ما مش هيغير عليكى
وجرت نورهان على الاوضه تعيط
ونور ف بالها
هاهاهاهاى منا جربت امبارح يا نورهان
وراحت نور اخدت شاور وفطرت وراحت تكلم عمر وقعدوا يتكلموا اكتر من ساعتين
وعدت الايام حوالى اسبوعين ونور كل ده مشترطه على عمر انه مينزلش الشغل علشان ميتعبش ونور ف الفتره دى كانت متوتره علشان النتيجه وعلشان نتيجه نجلا كمان
ويوم النتيجه , نورراحت الكليه وعمر كان مستنيها ف الكافيه
نور: ها يا منى عملتى ايه ؟
منى: الحمد لله جيد جدا وانتى ؟
نور: لسه هدخل اشوفها اهه,ورنا عملت ايه
منى : جيد
نور : طيب انا هدخل باه
منى : اوك هستناكى هنا
ودخلت نور وهى رايحه تجيب النتيجه قابلت باسم وحاولت تتجاهله بس شكله كان جاى عليها
باسم : ازيك يا نور
نور: الحمد لله ,عن اذنك علشان النتيجه
باسم : مبروووووووووك مقدما , وشكلنا هنبقى زمايل السنه دى
نور: مظنش
ومشت نور وسابته وراحت على النتيجه لقت نفسها امتياز مع مرتبه الشرف . نور كانت مبسوطه اوى وطلعت بسرعه علشان تروح الكافيه وتطمن عمر وقابلت منى بره وكلمتها بسرعه وجرت على الكافيه علشان عمر
نور: عمررررررر انا نجحت يا عمر وبأمتياز
عمر: مبرووووووووك يا حبيبتى
نور: اممممم مبروك حاف كده فين العزومه الى قلتلى عليها ؟
عمر: ههههههه ماشى يا ستى تعالى انا اصلا عملك مفاجأه
نور: امممم ايه هيا
عمر: غمضى عنيكى وامشى معايا بس
نور: هههه مش مطمنالك
عمر: غمضى ياله
وغمضت نورومشت مع عمر وعمر كان واخدها على البحر وهناك كان موجود ورد كتير اوى من الى نور بتحبه ومرصوص على شكل قلب كبير كرسى ,عمر اخد نور وقعدها على الكرسى ده وقعد على ركبه على الارض ومسك ايديها
عمر: فتحى
نور فتحت وكان قلبها هيقف من الفرحه والدموع ف عيونها وهى باصه لعمر
عمر: نور
نور والدموع ف عيونها : نعم
عمر: تتجوزينى؟
يتبع

الحلقه الرابعه عشر
نور ف اللحظه دى كانت حاسه انها بتحلم بجد ,مكنتش مصدقه نفسها وخايفه تقوم من الحلم ده لانه احلى حلم ف حياتها كلها
نور: ها؟
عمر: بقولك تتجوزينى؟
نور:بجد؟
عمر: ايوه يا نور انا بحبك ومعتش قادر ابعد عنك اكتر م كده مش قاااااااااااااااااادر يا نااااااااااااااس
نور: انا مبحلمش صح؟
عمر: لا ياحبيبتى مبتحلميش
ومسك ايديها وباسها وحاطها على قلبه
عمر: ها موافقه؟
نور بكسوف والدموع ف عيونها : طبعا
عمر: بحبك يا نور بحبك اوى غيرتينى وغيرتى حياتى كلها
نور: وانا بحبك اوى يا عمر ونفسى اعيش معاك بقيه حياتى كلها مش عايزه ابعد عنك ولو للحظه
عمر: قوليلهم ف البيت يا نور علشان اجى مع اهلى واتقدملك رسمى
نوروهى مبتسمه: ماشى يا حبيبى
عمر: ماشى يا ايه؟
نور: يا حبيبى
عمر: ها قولتى ايه ؟
نور: ايه يا عمر والله منا قايلها تانى هههههه ايه الاستعباط ده
عمر : ههههههه
وقعد يبصلها اوى وهو مبتسم ابتسامته الى بتخلى نور تتوه ف عيونه من عمقها وجمالها
نور: ايه روحت فين
عمر: معاكى
نور: ما هو باين
عمر: انا طول عمرى معاكى الجاى والى فات معاكى يا نور
نور: ……………………
عمر: عارفه نفسى ف ايه؟
نور: ايه ؟
عمر: نفسى نتجوز حالا واخدك ونسافر بعيد
نور: ايه يا سى عمر والفرح لا يا عم انا عايزه فرح بس على البحر
عمر: من عيونى يا نور قلبى
نور: انا هروح بأه
عمر بزعل: ليه يا نور
نور: متزعلش ,انا عايزه اروح بسرعه علشان اقولهم يا عمر
عمر: فرحانه بجد يا نور
نور: انا عمرى ماكنت فرحانه اد النهارده يا عمر
عمر: وانا هفضل طول عمرى اعمل الى يسعدك يا نور وعمرى ما هزعلك ابداااا
نور: وهتفضل تحبنى حتى لو بقى عندى 50 سنه؟
عمر: لو بقى عندك 100 سنه هفضل احبك واعشقك واموت فيكى
نور: امممممم طب عمرك ما هتبص لواحده غيرى ؟
عمر: ازاى يبقى معايا قمر كده وحبيبتى وعمرى وروحى وابص لبره؟
نور: وانا ايه يضمنلى
عمر: اكتبلك وصل امانه يا بيه؟
نور : هههههه ماشى , انا هقوم اروح
عمر: ماشى بس اول ما توصلى كلمينى علطول وعرفينى ايه الاخبار
نور: حاضر
وروحت نور وهى طايره من الفرح ودخلت البيت وكانوا مبسوطين اوى علشان نجلا نجحت وجابت مجموع كبير ف الثانويه
نور: مساء الخير
الام : مساء النور يا حبيبتى عملتى ايه؟
نور: احم احم امتياز مع مرتبه الشرف طبعا
الام : بجد الف مبروووووك يا حبيبتى
نور: الله يبارك فيكى يا ماما, مبروك يا جى جى
نجلا: الله يبارك فيكى يا نونه
نور: ماما عايزاكى ف موضوع كده
الام : موضوع ايه
نور: لا مينفعش هنا تعالى ف البلكونه
الام : ماشى تعالى لحسن انتى قلقلتنى
وراحو البلكونه وابتدت نور تحكى لماماتها على عمر وانه طلب ايديها
الام والدموع ف عيونها : بجد يا نور؟
نور: ايوه يا ماما
الام : وهو انسان كويس يا نور؟
نور : اوى يا ماما اوى
الام : خلاص يا حبيبتى لما باباكى يجى هقوله وهو يسأل عليه كمان
نور : ماشى يا قمر
وخرجت نور وكانت فرحانه اوى انها عرفت مامتها وشالت من عليها حمل انها كانت بتخبى عليها حبها لعمر وجرت على التليفون وكلمت عمر
نور : الو
عمر : ايوه يا نورى
نور : وصلت ؟
عمر : اه انا ف الشركه دلوقتى
نور : ماشى يا حبيبى , انا قولت لماما وهقول لبابا لما يرجع
عمر : ياااااه يا نور معقوله هتبقى ليا ومعايا علطول
نور : بأذن الله يا عمر
عمر: اول ما باباكى يوصل يا نور خلى ماماتك تفاتحه ف الموضوع
نور : حاضر
عمر: انا هقفل معاكى دلوقتى علشان ورايا شغل جاااامد وهتصل بيكى بعده علطول
نور: ماشى يا مارو
عمر: بحبك
نور: وانا بحب ربنا ههههه
عمر: طب اقفلى اقفلى
نور : هههههه لا اله الا الله
عمر: محمد رسول الله
وفضلت نور مستنيه باباها بفارغ الصبر واول ما اجى ولتغدى ماماتها قعدت تتكلم معاه ف الموضوع ونده على نور
نور ف نفسها : ياباااااااى ليه كده بس يا ماما انا قولتلك تقوليله انتى
نور راحت عند باباها
نور: ايوه يا بابا
الاب : صحيح الى سمعته ده ؟
نور بعد لما بلغت ريقها
نور : سمعت ايه يا بابا؟
الاب : ان عمر الى معاكى ف الشركه عايز يتقدملك؟
نور: اه يا بابا
الاب : وانتى ايه؟
نور: انا ايه ايه؟
الاب : يعنى انتى موافقه
نرو بكسوف : اه
الاب : يعنى اخرج انا منها
نور : لا طبعا يا حبيبى ده انت الكل ف الكل
الاب : ماشى يا نور انا هسأل عليه كويس وخليه يجى يكلم معايا الاول قبل اهله
نور: حاضر يابابا
وخرجت نور من عند باباها وجرت على السماعه وكلمت عمر بسرعه وعمر كان طاير من الفرحه ان باباها طلب يقابله وفعلا تمت المقابله وبابا نور عجبه عمر جدا وبشخصيته وبعد لما باباها سأل عليه وعرف عنه انه انسان محترم جدا ,وافق على الخطوبه ونور كانت فرحانه اوى
نور : عمر
عمر : يا عيون عمر
نور : انا عايزه اعمل الخطوبه ف مكان كده بس شكل محدش هيوافق عليه
عمر : انا مليش دعوه بحد اهم حاجه انا وانتى وبس , قوليلى بأه عايزه تعمليه فين ؟
نور: ف الكافيه الى احنا اتقابلنا فيه اول مره
عمر :هههههه كنت حاسس والله بس يا نور فعلا محدش هيوافق
نور : انت زهايمر يا بنى انت مش لسه قايل انا وانتى وبس وشغل عبد الحليم ده
عمر : يا حبيبتى المكان ميلقش بخطوبه خالص وانا عايز تبقى احلى خطوبه ف الدنيا
نور: ملكش دعوه انت بس انا هتصرف انا هخليه حاجه تانيه والله
عمر: انا موافق بس اقنعى ماماتك وباباكى
نور: ماشى
وروحت نور على البيت واو ما ابتدت تكلم ف الموضوع بتاع الخطوبه ومامتها صرخت ف وشها
الام : انتى عايزه تموتينى يا بنتى انتى ازاى تعمليه ف كافيه الناس تقول علينا ايه بس تقول عاملين الخطوبه ف قهوه
نور : يا ماما قهوه ايه بس دى كافيه جميله اوى وكفايه انها على البحر وانا هظبطها بنفسى وهجيب ديزين كمان
الام : مش ممكن يا جلال يا جلال تعال شوف بنتك دى
الاب : ف ايه صوتكو عالى كده ليه
الام : تعالى شوف بنتك عايزه تعمل الخطوبه فين , عايزه تعمله ف كافيه على البحر
الاب : بجد يا نور الكلام ده ؟
نور: ايوه يا بابا وفيها ايه وانا هظبطها زى ما قلت لماما وهجيب ديزين
الاب: ازاى يعنى يا نور ايه الجنان ده , الناس تيجى الخطوبه ف كافيه انتى عايزه الناس تاكل وشى
نور : يا دى الناس يابابا , مش انتو اهم حاجه عندكو سعادتى ودى خطوبتى انا اعملها ف اى حته انا عايزها يا ناس
الام : يعنى ملناش دعوه بيكى يا نور ,قصدك كده
نور : لا طبعا ازاى يعنى بس انا نفسى اعمله هناك علشان خاطرى وافقوا
الام : خلاص انتى حره بس لما الناس تضحك عليكى على الى انتى هتعملى مترجعيش تعيطى
نور : بكره تشوفى
وخرجت نور واحت لديزين حفلات واخدته وراحوا الكافيه واتفقت مع صاحب الكافيه على حفله الخطوبه وفضلت ايام مشغوله بتجهيز المكان والفستان وكل الحاجات علشان الحفله واجى يوم الحفله ونور كانت ف البيوتى سنتر
وكان بيقرب ميعاد خروجها وعمر هيجنن ويشوفها و كانوا فرحانين اوى
واجى ميعاد خروج نور وعمر كان مستنيها بره وماسك ف ايديه بوكيه ورد من الى بتحبه نور وكان قلبه بيدق اوى ونفسه يشوفها بأه
ونور كانت جوه لسه وقلبها بيدق اوى وكانت لابسه فستان فضى وكان مجسم عليها وومطرز بالجواهر وشعرها مرفوع لفوق ,كانت شبه الاميره
الام والدموع ف عيونها : ماشاء الله يا حبيبتى زى القمر
نورهان : قمر ايه بس يا ماما ربنا يستر وعمر ميتخضش
الام : بس يا بت انتى
نورهان : لا بجد يا نور اموره اوى اووووى
نور: يعنى هعجب عمر
نورهان : ده انتى هتجننيه يا بنتى انتى ش شايفه نفسك
وخرجت نور من البيوتى وكان عمر واقف واول ما شافها ابتسم لها ابتسامته الشهيره ونور جايه عليه وعمر باصصلها ومش قادر يشيل عيونه من عليها من جمالها واول ما قربت منه باس ايديها ونور قلبها كان بيدق بسرعه اوى وقالها بوشوشه
عمر: بحبك
نور : بحبك
وركبوا العربيه وعمر مكنش قادر ينزل عيونه من على عيون نور
نور: ايه ؟
عمر : مش مصدق انى قاعد جمب القمر ده
نور: لا صدق
عمر: اصدق ايه ولا ايه بس
نور: صدق حاجه واحده بس
عمر : ايه هيا ؟
نور: انى بحبك وبموت فيك
عمر : لالالالالالا خلاص مش مصدق ايه الحنيه دى كلها
نور : ههههه متخدش على كده دول تفاريح كده
عمر : كفايه انى افضل شايفك قدامى مش عايز غير كده منك يا نور
نور: وانا عمرى ما هبعد عنك ابدا يا عمر
عمر : بحببببببببببببببببببببك
ووصلوا الكافيه وكانت فعلا تحفه وفخمه جدا
الام : ايه ده يا جلال دى نور فعلا خلتها تحفه
الاب : ههههه نور بأه لما بتحط حاجه ف دماغها
واول ما دخلوا الكافيه الى على البحر كل الناس صقفت وانبهرت من جمال عمر ونور
وابتدوا الحفله برقصه سلو على اغنيه تامر
وانا جمبك حبيبى بجد مش عارف اقولك ايه معاك الوقت بيعدى محسش بيه واى كلام هيوصف ايه ف لحظه بعيشها وانا وياك كفايه عليا تبقى ف حضنى وابقى معاك
قرب كمااان من حضنى وحس بالى بحس بيه ده انا من زمان مستنى اعيش وياك اللحظه دى يا حبيبى قول
بحبك وانا اقولها معاك
قرب كمااان من حضنى وحس بالى بحس بيه ده انا من زمان مستنى اعيش وياك اللحظه دى يا حبيبى قول
بحبك وانا اقولها معاك
وعمر كان حاضن نور اوى وناسين الناس والنيا كلها الى حواليهم وعيونهم ف عيون بعض
حبيبى فوق سنين وايم على حبك ف قلبى يزيد كأنى بعيش من الاول ف حب جديد بعدت كتير وحضنك مهما عنه ابعد
برجع ليه وقلبى يدوب ف احساسه الى عايش فيه
قرب كمااان من حضنى وحس بالى بحس بيه ده انا من زمان مستنى اعيش وياك اللحظه دى يا حبيبى قول
بحبك وانا اقولها معاك
يتبع

الحلقه الخامسه عشر
وفضلوا يرقصوا مع بعض وكل الناس باصلهم وفرحانه بيهم والكل بيحسد نور على عمر الى حبهاالى باين ف عيونه وظاهر لكل الناس لغايه ما الحفله خلصت وروحوا وعمر ونور فضلوا سهرانين مع بعض على التيليفون
عمر : يااااااه يا نور مش مصدق نفسى ان احنا اتخاطبنا انا فرحان اوى اوى
نور: وانا اكتر يا عمر
عمر: انا هنزل من بكره ادور على شقه علشان نتجوز بسرعه
نور: ايه يا عم عمر براحه هو ف حد بيجرى ورانا
عمر: انا عايز افضل جمبك علطول يا نور ومتبعديش عنى لحظه
نور: بس براحه برضه
عمر: وانا مش قادر , شكلك انتى اصلا مش عايزه
نور: يا سلام
عمر: اه والله
نور: وبتحلف كمان
عمر:……………………………..
نور:مارو حبيبى
عمر:…………………..
نور: كده يا عمر بتزعل منى وف الليله دى بالذات
عمر:………………………..
نور:انا بحبك ونفسى اكون معاك النهارده قبل بكره كمان وبعدين انا بقولك براحه علشان نشوف شقه حلوه وكده
رد عليا بأه علشان والله لو مردتش لهزعل جامد ,خلاص بأه يا حبيبى
عمر: خلاص
نور: لا مش خلاص ,مش مصدقاك
عمر:لا صدقى
نور: طب بحبك
عمر: هههههه دى رشوه يعنى
نور: مش عجباك ؟
عمر: لا يا ستى دى احلى رشوه ف الدنيا
نور: طب انا هدخل انام بأه ونشوف بعض بكره وعلى فكره هنزل الشغل من بعد بكره
عمر: ياريت يا نور
نور : ماشى يا حبيبى انا هدخل انام لحسن مش قادره خالص
عمر:ماشى يا حبيبتى تصبحى على الف خير
نور: وانت من اهله ,لا اله الا الله
عمر: محمد رسول الله
ونامت نور وهى باصه للدبله وفرحانه بيها جدا ومش مصدقه نفسها وراااااااااااحت ف النوم لغايه ما صحت على صوت مامتها
الام : قومى يا نور جواب علشانك من الكليه
نور: هاوم ايه يا ماما
الام : جواب من الكليه
نور: طب هاتى كده
وفتحت نور الجواب لقيته فعلا من الكليه وكان جواب تكليف من الكليه بتعينها معيده , نور مصدقتش نفسها
الام :مبرووووووووووووك يا حبيبتى
نور: على ايه يا ماما عادى يعنى
الام : عادى ايه
نور: عادى يا ماما انا مش عايزه ابقى معيده
الام : انتى عايزه تموتينى يعنى ولا عايزه منى ايه ؟
نور: ليه بس يا ماما انا مبحبش التدريس ولا كده
الام : يادى النيله عليا
نور: بصى يا ماما علشان اريحك انا هفكر ف الموضوع وهصلى صلاه استخاره
الام : ربنا يهديكى بس لو مقبلتيش يا نور مش هيحصل كويس بجد
ودخلت نور اوضتها وكانت مضايقه اوى ولقيت عمر بيكلمها
نور : الو
عمر : صباح الخير على احلى نور
نور : صباح النور
عمر: ايه لسه صاحيه ولا ايه؟
نور: اه من شويه
عمر: مالك صوتك مش مريحنى ليه ؟
نور: ابدا
عمر :ده على اساس انى مش عارفك ؟
نور: مفيش يا عمر بجد
عمر: طب بصى انتى اكيد مفطرتيش
نور: اه لسه
عمر : طب اجهزى وانا هعدى عليكى نفطر بره
نور : ماشى
عمر : دقايق وهكون عندك
وجهزت نور ونزلت لعمر وراحوا مطعم علشان يفطروا
عمر : قوليلى باه مالك
نور: مفيش يا عمر جالى جواب تكليف من الكليه اتعين معيده
عمر : وده الى مزعلك كل ده وفيها ايه يا نور انتى كنتى مجتهده طول عمرك ف الكليه لازم تتعينى كده
نور: بس
عمر : مفيش بس انتى هتقبلى التكليف وهتتعينى
نور: هصلى استخاره يا عمر
عمر: ماشى وتروحى بكره الكليه وانا هاجى معاكى
نور: ماشى يا عمر فكك بأه من الموضوع ده دلوقتى
عمر : ماشى ياله نقوم بأه علشان دى اول فسحه بجد لينا مع بعض وانا عايز اروح معاكى ف كل حته
نور : هههههه ماشى ياله بينا
وفضلوه يتفسحوا مع بعض ويتصورا وف الاخر عمر كان مصمم يروحوا مكان ونور واقفه مقتوله من الضحك عليه
نور: لا بتهرج ملاهى يا عمر انتى للدرجه كنت عايش طفوله بائسه ههههههه
عمر: والله هنروح انا وانتى دلوقتى مليش دعوه
نور: ماشى هههههه لاسع والله
وراحوا ملاهى فعلا ونور قاعده تضحك على عمر وركبوا كل اللعب
نور: ههههههه كفايه بأه يا عمر انا تعبت من الضحك
عمر: مليش دعوه
نور: ههههههه
عمر: تعالى يالا ندخل بيت الرعب
نور: لا والله لا بجد انت اتجننت انت عمرك ما روحت ملاهى ف حياتك يا بنى انت
عمر: هههههههلا طبعا روحت بس انا عايز اعيد حياتى معاكى تانى
نور: ليه بأه
عمر: علشان انا نفسى اعوض كل لحظه عشتها من غيرك وبرده عايز اعيشها معاكى بأى طريقه
نور: بحبك
عمر: ايه ؟
نور: بكح يا عمر ايه
عمر: طب ياله ندخل
نور: لا يا عمر
عمر : خايفه؟
نور : هههههه مش بالظبط بس مبحبش المفاجأت المخيفه
عمر: متخفيش وانا معاكى
نور : ماشى يا منعم هههههه
عمر : مش بقولك بتخرجينى من المود
نور: هههههه اساسى
ودخلوا فعلا بيت الرعب ونور كانت خايفه جدا وماسكه ف عمر جاااامد واول ما حاجه تقرب عليها تغمض عيونها وتخبى نفسها ف عمر وعمر قاعد يضحك عليها جااااامد وبعد كده خرجوا
عمر : هههههه مكنتش اعرف انك جبانه كده
نور : ماشى يا عمر انا مبحبش الحاجات دى خاااالص ومقرفه اصلا
عمر : هو انتى شوفتيها , ده انتى طول الوقت مغمضه عنيكى
نور : بس بقى
عمر: طب خلاص يا نونه تعالى ياله علشان نتغدى
نور: نتغدى ايه بس انا مش قادره خااااالص
عمر: لا تعالى بس
وراحوا فعلا اتغدوا واتمشوا على البحر وبعد كده روح نوروقعدوا يتكلموا ف التليفون شويه وبعد كده ناموا وعمر راح لنور الصبح البيت علشان يروحوا مع بعض الكليه
الام : تعالى يا عمر الست نور لسه نايمه برده انت كلمتها من هنا وراحت ف النوم تانى
عمر: هههههه والله يا طنط غلبت فيها ف النوم ده
الام : استنى هروح اصحيها
عمر: ماشى يا طنط , وانتى ايه اخبارك يا نجلا قدمتى كليه ايه
نجلا : صيدله بأذن الله
عمر : يا جااااامد
وعند نور
الام : قومى يا نور عمر اهوه واقف
نور قامت مخضوضه خالص
نور : فين فين كده يا ماما ربنا يسامحك خضتينى
الام : هههههه والله عمر بره قومى ياله علشان تفطرى وتنزلى معاه
نور: ماشى يا ماما هردهالك
وخرجت نور لعمر واول ما شافها اتقتل من الضحك هوه ونجلا
عمر : لا اله الا الله ايه ده يا بنتى ده منظر ده انا شكلى هغير راى فيكى معقوله هصبح كل يوم عليكى كده
نور: هااااوم اذا كان عاجبك
عمر : عاجبنى يا معلم , شوفتى اختك يا نجلا ربنا يكون ف عونكو
نجلا : ههههههه احنا لينا الجنه اصلا
وسابتهم نجلا ومشت ونور كانت قاعده ومبوزه
عمر : يا قمر
نور:…………………….
عمر : طب يا جميل
نور:………………………….
عمر : ايه يا نونه
نور: بتتريق عليا يا عمر ماشى
عمر : ده انت قمرى وشمسى وكل نورى انا وبس
وضربته نور بالمخده وهى قاعده تضحك
نور: مبخدش منك الا الكلام ده
عمر : طب ايه رأيك مش احلى كلام
نور: هههههه
عمر: اخيرا تحيا مصر
نور : هنفطر واقوم اجهز
عمر : بس ف السريع علشان ورايا شغل كتير
نور :طب منا ممكن اروح لوحدى
عمر : ليه وانا مت ؟
نور: كده يا عمر بعد الشر عليك مش قصدى
عمر : طول منا معاكى عمرى ما هسيبك تعملى حاجه من غيرى وانا زيك بالظبط
نور: حاضر يا سى السيد
وفطروا ونزلوا راحوا االكليه ودخلت نور للعميد الكليه
العميد : اهلا يا نور مبروك احنا كسبنا معيده جديده من احسن الناس الفيل بتاعك رائع وكنتى ف تفوق علطول
نور: انا متشكره اوى يا فندم
المعيد : دى مش مجامله يا نور دى حقيقه المهم انتى هتبتدى ف الكليه من يوم السبت بأذن الله وهتتعودى على الموضوع ان شاء الله
نور : انا متشكره مره تانيه يا فندم وباذن الله اكون عند حسن ظنك وتحت امر الكليه
وخرجوا وراحوا على الشركه مع بعض وقعدوا يشتغلوا وعمر روح نور البيت ونور اتصلت بيه
نور: الو
ماما عمر : ايوه
نور: ايوه يا طنط حضرتك عامله ايه ؟
ماما عمر : الحمد لله يا حبيبتى انتى ايه اخبارك واخبار ماما وبابا واخواتك ؟
نور: الحمد لله بنا يخليكى , وياسمين وعمو عاملين ايه
ماما عمر : الحمد لله عايزين نشوفك
نور : حاضر يا طنط بأذن الله قريب
ماما عمر : ماشى يا حبيبتى , هجبلك عمر
نور: ماشى يا طنط
عمر: موزتى
نور : هههههههه ازيك يا برنس
عمر : برنس ؟ ههههههه اخبارك ايه يا حبى
نور: الحمد لله بقالك نص ساعه ومتصلتش بيا ليه
عمر : كنت باخد شاور ولا بلاش يعنى
نور : اها
عمر : هتروحى بعد بكره الكليه ؟
نور : بأذن الله ومعاك ف الشركه عادى رجلى على رجلك يا جميل
عمر : لا يا نور كده هيبقى كتير عليكى اوى
نور : مليش دعوه انا قاعده على قلبك
عمر : قلبى بس ؟
نور : هو ف حاجه تانيه
عمر : لا كفايه كده علشان اعرف تنفس برده ههههههه
نور: هههههه ماشى بكره هتيجى نتغدى مع بعض ماما عملالك الاكل الى انت بتحبه
عمر : طنط دى حبيبتى
نور : وانا ايه خالتك ؟
عمر : لالالالا انت حاجه تانيه يا قمر
نور: ماشى سماح , انا هدخل انام لحسن هلكانه
عمر : ماشى وانا برده تصبحى على خير
نور: وانت من اهله , لا اله الا الله
عمر : محمد رسول الله
وتانى يوم عمر اتغدى مع نور وقعدوا مع بعض كلهم وكانوا فرحانين اوى كلهم بعمر وحبوا جدا وخصوصا بابا نور اعتبره كأنه ابنه الى مخلفوش وبعد لما مشى
الاب : الولد ده مش عارف حبيبته بسرعه اوى يا نبيله
نبيله : اه والله يا جلال راجل جدا وبيحب نور اوى ربنا يخليهم لبعض يارب
جلال : ربنا عوضنى بالولد بجد فيه
نبيله : انت كان نفسك ف ولد؟
جلال : الحمد لله يا نبيله انا عندى بناتى التلاته بميت راجل واهم حاجه عندى ف الدنيا سعادتك وسعادتهم وبس
نبيله : ربنا يخليك ليا وليهم يا حبيبى وتشوفهم عيلهم
جلال : يارب
وتانى يوم كان السبت ونور راحت الكليه وبقت رسميا معيده واول ما دخلت اوضه المعيدين
باسم : مبروووووك يا نور
نور: الله يبارك فيك
باسم : لو محتاجه اى حاجه انا موجود
نور بضيق : شكرا
باسم : انا حاسس انك لسه مضايقه
وقاطعته نور
نور : استاذ باسم لو سمحت الموضوع ده انتهى من زمان وانا نسيته خلاص مفيش داعى كل شويه تفتحه واعتقد ان ولا وقتك ولا وقتى يسمح بالكلام ده
باسم باستغراب واحراج : اكيد يا انسه نور
وبعدها خرجت نور وهى حاسه انها رجعت كرامتها تانى مع انها كانت قاسيه جدا بس ارتاحت جدا لما عملت كده وعلشان تقطع ما بينها وبينه اى كلام بعد كده
وعند باسم الى كان مذهول من الكلام الى قالته نور وكان محرج جدا , بس كان عاذرها لانه كان حرجها وعارف ان هيا عملت كده علشان ترد اعتبارها وضايق جدا
ونور بعد الكليه راحت لعمر ف الشركه واول ما دخلت
نور : مفاجأاا…………………….
وجرت نور بره
عمر : نور نور
يتبع

الحلقه السادسه عشر
وجرت نور بره وهى مش مصدقه الى شافته وعمر ملحقهاش
,نور راحت على البحر وقعدت تعيط وتقول لنفسها
معقوله ياربى عمر يعمل فيا كده ليه بعد كل الحب ده ليه يارب ليه
ده احنا لسه مخطوبين ليه يا عمر تعمل فيا كده ليه , انات مكنتش عايزه احب بس انت دخلت قلبى ياريتنى ما حبيتك يا عمر , جرحتنى يا عمر جرحتنى
وقعدت تعيط جاااامد وف الوقت عمركان شايفها من بعيد واقفه عند البحر وبتعيط وبتشكيله وبيقول لنفسه
يارب ايه الى حصل ده بس انا يا نوراقولك ايه ولا افهمك ايه بس يارب تفهمى
وراح لنور على البحر واول ما قرب منها نور حسيت بيه ومسحت دموعها بسرعه وكانت هتمشى عمر مسك ايديها
عمر: نور اسمعينى الاول وبعد كده ابقى اعملى الى انتى عايزاه
نور الدموع كانت ف عيونها وصعبان عليها نفسها اوى
نور: خلاص انا شوفت كل حاجه بعينى يا عمر هتوضح ايه
عمر: عشان خاطرى يا نور
نور قعدت تسمع عمر
عمر: البنت الى انتى شوفتيها معايا ف المكتب دى اسمها منه , دى كانت جارتنا ف البيت القديم وقبل ما اعرفك يا نور جاتلى وقالتى عايزه اشتغل وكده قولتها ماشى وابتدت الشغل امبارح يا نور .وانا مش عارف هى عملت كده يا نور والله ما اعرف
نور: انا بسمعك ليه اصلا
عمر: والله يا نور غصب عنى انا فجأه لقيتها بتحضنى والله ما جيت جمبها يا نور
نور: وانت ليه ممنعتهاش
عمر: ………………….
نور كانت باصه لعمر والدموع نازله من عيونها كتير
نوربعيط : خلاص يا عمر خلاص باينه
وسابته ومشت
وعمر قعدت يعيط وندمان على الى حصل ونور فضلت تعيط لغايه ما وصلت البيت ودخلت على اوضتها وهى منهاره ومش مصدقه نفسها
كله كدب ف كدب مفيش حاجه اسمها حب , ف لحظه ضعف يا عمر تضيع كل حاجه حلوه ما بينا ليه يا عمر انا عملتلك ايه وحش هو ده عمر الى قالى عمرى ما هزعلك
ورجعت تعيط تانى وقلبها كان مكسور اوى وعمر كان بيحاول يتصل بيها ويبعتلها ف ماسجات
علشان خاطرى يا نور ردى عليا , سامحينى يا نور والله غصب عنى
……………………………………………………………..
والله انا بحبك يا نور مقدرش على زعلك منى , ردى يا نور انا هتجنن عليكى
……………………………………………………………..
علشان خاطرى يا نور اعملى الى انتى عايزاه فيا بس سامحينى يا نور
……………………………………………………………………..
وقفلت نور الموبايل وقعدت تعيط وهى ماسكه صوره عمر , بعد ساعتين , عمر اجه تحت البيت وبص على شباك نور ومشى تانى
وتانى يوم نور راحت الشركه وبعتت مع البواب بوكس مغلف علشان يوصله لعمر
عمر فتح البوكس لقى فيه الدبله والشبكه بتاعه نور سابها ونزل جرى علشان يلحق نور بس كانت مشت
عمر ركع على ركبته وقعدت يعيط كأنه طفل والناس كانت بتتفرج عليه .عمر طلع الشركه وهو منهار ومسك الموبايل يتصل بنور بس كانت قافله الموبايل
نور راحت على البحر بس ف مكان عمر ميعرفوش وقعدت تعيط وتفتكر شريط ذكرياتها مع عمر وتفتكر كل كلمه قالها اول مره مسك ايديها اول ماسج حب بعتهلها, وف اللحظه دى مسحت دموعها بسرعه وقالت لنفسها
مش انتى يا نور الى الحب يعمل فيكى كده , انا الى غلطانه من الاول انى حبيته ووثقت فيه , انا خلاص حياتى مش هتقف لغايه هنا بس انا هشتغل واحقق اهدافى وبس وقامت راحت على الكليه
واول ماراحت كان العميد سابلها خبر ف المكتب بتاعها انها تدخله اول ما توصل
وراحت نور للعميد
نور: ايوه يا فندم حضرتك طلبتنى
العميد: ايوه يا نور اتفضلى استريحى
نور: شكرا خير يا فندم
العميد : دلوقتى يا نور انا عارف انك كنتى من الطالبات المجتهدين ف دراستهم ومبدعه كمان وبما انك المفروض تحضرى دكتوراه فقررت انا واللجنه انك تسافرى تاخديها من انجلترا , وده استثناء لانك جديده بس انا عارف اد ايه انتى متفوقه . مستنى ردك النهائى بكره ان شاء الله واتمنى انك توافقى على العرض ده لان انا تعبت وعقبال ما اللجنه وافقت
نور: انا متشكره اوى يا فندم على ثقه حضرتك فيا وهرد على حضرتك بكره بأذن الله
وخرجت نور وهى حاسه ان ربنا عوضها بلمح البصر بالسفر لانجلترا وتنسى عمر والى حصل نهائيا ورجعت على مكتبها وهى بتفكر ,,,,,,,,,,,,,,,,,,,,,,,,
يتبع

الحلقه السابعه عشر
نور فضلت تفكر وتفكر ف موضوع السفر ده وبعد كده روحت على البيت وهناك قالت لماماتها على موضع السفر
الام : ازاى يعنى يا استاذه نور انتى كل حاجه عايزه تعمليها من دماغك ولا ايه , الاول سبتى عمر ونسألك ليه تقولى محصلش نصيب ودلوقتى عايزه تسافرى
نور: يا ماما ارجوكى افهمينى ده مستقبلى انا وحكايه عمر دى زى ما قولتلك قسمه ونصيب وبعدين مش انتى الى زنيتى على دماغى علشان موضوع انى ابقى معيده
الام : بس مش تسافرى
نور: مينفعش يا ماما انا كده كده لازم احضر الدكتوراه ودى فرصه هايله انى اخادها من انجلترا ودى تبع الجامعه كمان
الام بحزن:ماشى يا نور
ومشت ماماه نور ودخلت نور اوضتها ونامت على السرير وضمت رجليها عند صدرها وقعدت تعيط اوى وهى بتقول
انت السبب ف كل الى بيحصلى ده حرام عليك , انا عملتلك ايه بس علشان تعمل معايا انا كده ,انا انخدعت فيك يا عمر انخدعت
ومسكت السلسله الى ف رقبتها وشدتها وانقطعت السلسه وقامت حطتها ف الدرج وقفلت عليها ولما اجى باباها كلمته ف الموضوع وف الاول كان رافض بس نور نجحت ف انها تقنعه
وف نفس الوقت عمر كان قاعد ف البلكونه وبيحاول يكلم نور بس هى كانت قافله الموبايل برده ومش بترد عليه ,عمر كان بيعيط وكان ماسك صوره نور وقاعد يبوس فيها وكان ندمان على الى حصل اوى بس كان غصب عنه وبيدعى ربنا
يارب يارب تسامحنى يارب انت العالم بالى حصل يارب
انا بحبك يا نور والله بحبك
نور تانى يوم راحت الكليه ودخلت للعميد وقدمتله موافقتها على السفر وكانت بتجهز نفسها لانها هتسافر يوم السبت
و خلال اليومين دول كان عمر بيحاول يوصلها بس نور كانت بتصده دايما وعمر كان باين عليه جدا التعب وندمان ومضايق اوى من الى حصل , واجى يوم السفر وف المطار
نور : خلاص بقى يا ماما انا مش هقعد كتير يعنى علشان تعملى كل ده
الام بعيط : هتوحشينى اوى يا حبيبتى , خلى بالك من نفسك وكلى كويس
نور: حاضر يا ماما بس علشان خاطرى بطلى عيط
الاب : خلى بالك من نفسك يا نور وعايزك ترجعى الدكتوره نورجلال
نور والدموع ف عيونها : حاضر يا بابا
نورهان : مع السلامه يا نور
نجلا : ابقى كلمينا علطول يا نور
نور: حاضر يا جماعه اهم حاجه خلو بالكو من بابا وماما
, ياله لا اله الا الله
كلهم : محمد رسول الله
وكان الكل قاعد يعيط ونور ركبت الطياره واول ما قعدت والدموع ناوله من عيونها , ركب جمبها الى مكنتش تتوقعه ابدا وكان باسم
باسم : مفاجأه مش كده ؟
نور: ها اه
باسم : يارب متكون وحشه
نور: لا عادى
وطلبت نور من المضيفه سماعات وقفلت عيونها وسرحت ف اغنيه
بتصعب عليا نفسى كل لما افتكرك وتعبى الى شوفته ف بعدك كان سببه منك
بتصعب عليا نفسى كل لما افتكرك وتعبى الى شوفته ف بعدك كان سببه منك
حبيتك اكتر من نفسى وطلعت بقلل من نفسى مع ان حقيقى كان نفسى تفضل ف نظرى كبير, انا نفسى كل الى سامعنى يحس بقلبى الى وجعنى ميقولش عادى وايه يعنى بتحصل كتير
بتصعب عليا نفسى كل لما افتكرك
النيه بتبان من الاول مش لازم الفتره تطول
كان لازم ابعد واكمل حياتى قبل ما اشوفه
ياريتنى سمعت كلام الناس كملت ليه وعلى اى اساس
وانا كل وقت بتألم ف كل مره بشوفه
حبيتك اكترمن نفسى وطلعت بقلل من نفسى مع ان حقيقى كان نفسى تفضل ف نظرى كبييييييير , انا نفسى كل الى سامعنى يحس بقلبى الى وجعنى ميقولش عادى وايه يعنى بتحصل كتير
بتصعب عليا نفسى كل لما افتكرك
نور كان بتعيط اوى ومش حاسه بأى حد حواليها ونست خااالص انها ف الطايره وفتحت عيونها على صوت باسم
باسم : نور نور مالك ف ايه ؟
نور : لا ابدا بس تعبانه شويه
وراحت نور على الحمام وقفلت على نفسها وانفطرت من العياط , وبعد كده غسلت وشها ورجعت مكانها تانى
وبعد ساعه وصلت الطياره لمطار انجلترا وراحت البيت الى هتقعد فيه وكان باسم ف الشقه الى قدامها علطول ف نفس اليونيت الى الجامعه وفرتهالهم
وف نفس الوقت عمر كان راح لنور الجامعه علشان يقابلها واكتشف انها سافرت انجلترا وهتقعد مده هناك علشان الدكتوراه
عمر جرى على البحر وقعد على صخره
ليه كده يا نور حرام عليكى الى انتى بتعمليه فيا ده ليه كده
وقعد يعيط لغايه ما تعب وروح على البيت وقفل الباب عليه ومسك صوره نور وهى بيعيط جامد وصوته كان عالى جدا للدرجه ان كل الى ف البيت سمعه ودخلت عليه مامته
الام : ايه يا عمر ف ايه يا حبيبى
عمر : سافرت يا ماما انجلترا سابتنى وسافرت
الام : معلش يا حبيبى بكره ترجع وتنسى الى حصل
عمر: ليه عملت فيا كده انا هموت من غيرها يا ماما انا السبب ف كل الى بيحصل ده انا الى ضيعتها من ايدى
وفضل عمر يبكى لغايه ما غمى عليه واتنقل للمستشفى والدكتور قالهم انه انهيار نتيجه صدمه شديده
يتبع

الحلقه الثامنه عشر
الام : انهيار يا حبيبى يا بنى يا مختار هات نور با ى طريقه سافرلها اعمل اى حاجه
الاب : دى سافرت يا ناديه اعمل ايه بس
الام : ابنى يا مختار ابنى
وقعدت تعيط , وعمر كان نايم ف الوقت ده من الحقنه المهدئه الى الدكتور ادهاله
وعند نور ف انجلترا
باسم كان بيخبط عليها علشان كانوا هيروحوا الجامعه مع بعض
باسم: ياله يا نور احنا ميعادنا الساعه 10
نور: حاضر ثوانى بس اقفل الباب
ونزلوا
باسم : ربنا يستر مش عارف انا متوتر اوى
نور: وانا برده بس بأذن الله خير
باسم : انا مكنتش اتصور انى هاخد الدكتوراه من هنا خااااالص
نور: ولا انا برده بس الحمد لله جدا
باسم : بس كويس ان احنا سافرنا مع بعض علشان محدش يكون لوحده هنا
نور: ………………………………
وراحوا على الجامعه وقاموا بكل حاجه مطلوبه منهم وبعد لما خلصوا روحوا وراحوا مطعم علشان يتغدوا وبعد لما طلبوا الاكل
باسم : نور
نور: ايوه
باسم : انا لو انتى مضايقه ان احنا مع بعض انا ممكن اقوم امشى بس بجد دى ظروف ومينفعش حد يسيب التانى
نور: لا مش مضايقه وزى ما انت قولت دى ظروف يعنى ولا فسحه ولا رحله واحنا نعتبر هنا ف شغل برده
باسم : ماشى احنا كل يوم لازم نذاكر كويس لان هيتبعت تقرير عننا كل اسبوع للجامعه
نور: بأذن الله , اه على فكره حكايه كل يوم مطعم وغدا وفطار وعشا بره دى متنفعش احنا كده مش هنلاقى ناكل كمان اسبوع بالظبط وكمان هنضيع وقت علشان كده احنا دلوقتى هنقوم نجيب اكل يكفينا اسبوع وانا هبقى اطبخ وابعتلك اكل كده هيوفر وقت وفلوس كمان ايه رأيك؟
باسم: عندك حق ماشى وانا موافق
وخلصوا الاكل وراحوا على سوبر ماركت وجابوا منه حاجات كتير تكفى اسبوع وروحوا على البيت وكل واحد منهم دخل على شقته . واول نور لما دخلت كان التليفون بيرن
نور: الو
الام : ايوه يا نور ايه يا حبيبتى كنتى فين قاعدين نتصل بيكى بقالنا كتير
نور: كنت ف الجامعه يا ماما وكنت بتغدى
الام : اه وانتى يا حبيبتى عامله ايه ؟
نور: الحمد لله انتوا ايه اخباركوا؟
الام : كلنا كويسين يا حبيبتى خلى بالك انتى من نفسك
نور: حاضر يا ماما سلميلى عليهم كلهم
الام : ماشى يا حبيبتى , لا اله الا الله
نور: محمد سول الله
وقفلت نور التليفون مع مامتها وراحت قعدت ف البلكونه وفتحت شنطتها لقت فيها ورده كان عمر جايبهلها يوم الحادثه ,نور قلبها موجعهاش بس اتقبض وحست ان عمر حصله حاجه وقعدت تعيط وبعد كده قامت نامت
الام : ابنى عمر اه يا حبيبى يا عمر
وكانت ماماه عمر ف المستشفى وقاعده تعيط اوى
نور قامت مفزوعه من الحلم ده وحست بأحساس غريب ان عمر حصله حاجه بجد وقعدت تعيط جامد وقامت تلف فالاوضه رايحه جايه و مش عارفه تعمل ايه , وقررت انها تكلم نورهان
نور: ايوه يا نورهان حد جامبك ؟
نورهان : لا ف ايه يا نور انتى فيكى حاجه ؟
نور: لا مفيش بس هتطلب منك حاجه بس اوعى تعرفى حد او تقولى لاى حد
نورهان : حاضر يا نور
نور: انا حاسه ان عمر تعبان اوى يا نورهان وعايزه اطمن عليه عايزاكى تروحى تتطمنى عليه من غير محد يعرف ولا حد يعرف انك سألتى اصلا
نورهان : ماشى يا نور
نور: اوعى حد يحس يا نورهان
نورهان : حاضر
وقفلت نور مع اختها وقلبها وجعها اوى على عمر , لغايه ما لقت الباب بيخبط فتحت لقت واحده
نور: يس
البنت : انا ساره ساكنه تحتك انا مصريه برده وقاعده لوحدى علشان دراستى هنا وبشتغل وفرحت اوى لما عرفت انك من مصر
نور: طب الحمد لله انى مش لوحدى برده اتفضلى ادخلى
ساره : لا مره تانيه انا حبيت بس اعرفك على نفسى وعايزين نبقى مع بعض علشان الغربه وحشه اوى
نور: اكيد ان شاء الله
ساره : اسيبك انا دلوقتى واشوفك بكره بأذن الله
نور : ماشى سلام
نور دخلت وهى فرحانه انها لقت حد يكون معاها غير باسم
وف نفس الوقت عند عمر
عمر كا بيبتدى يفوق والدموع كانت نازله من عيونه براحه اوى وكان بينده بأسم نور ومامته كانت واقفه قدامه وهى حاسه انها متكتفه مش قادره تعمل حاجه
عمر : ماما
الام : ايوه يا حبيبى
عمر : نور فين يا ماما خلاص سافرت وسابتنى
الام : هترجع يا حبيبى
عمر : لا مش هترجع خلاص انا الى ضيعتها انا الى جرحتها , انا السبب , انا السبب يارب خدنى يارب
الام بعيط : بس يا عمر بعد الشر عليك يا حبيبى بس بقى
عمر بصراخ : انا عايزه اموت مش عايز اعيش من غيرها , انا كنت عايش عشانها وجرحتها . كانت احلى حاجه ف حياتى يا ماما
الام : خلاص بقى يا حبيبى انسى
عمر قام وقعد يكسر ف كل حاجه حواليه وركع على ركبته وهو بيعيط جامد , وماماته حضنته وهى بتعيط وبتدعى ربنا
نورهان راحت تسأل على عمر وعرفت انه ف المستشفى فعلا ولما راحت المستشفى وسألت عليه من بعيد عرفت ان عنده انهيار نتيجه صدمه جامده نورهان قعدت تعيط لانها عرفت ان ده بسب ان نور سابته
نورهان مشت وكان كريم معاها
نورهان : انا لازم اقولها على عمر
كريم : انتى عبيطه يا نورهان , لا طبعا مضيعيش مستقبلها يا نورهان
نورهان : يا كريم انت مشفتش عمر عامل ازاى وكل ده كان بسبها
كريم : انتى متعرفيش هما سابوا بعض ليه . اكيد ف سبب قوى علشان كده متقوليش لنور اى حاجه وهو هيبقى كويس
ونورهان روحت وكانت مضايقه جدا ولقت نور بتتصل بيها
نورهان مردتش ترد عليها لانها كانت هتقولها وف نفس الوقت كان كلام كريم صح فمكنتش عارفه تعمل ايه
وعند نور
نور : نورهان مبتردش ليه , يمكن لسه معرفتش حاجه
اووووف
وباسم اجى خبط عليها علشان يروحوا الجامعه وبعد كده روحوا وقابلتهم ساره ف المدخل
ساره : هاى يا نور اخبارك ؟
نور : الحمد لله , اعرفك على استاذ باسم بنعمل الدكتوراه مع بعض
باسم : خليها باسم وبس
نور : ههه ماشى ودى ساره بتدرس هنا وبتشتغل ومصريه كمان
باسم : تشرفنا
ساره : ربنا يخليك , انا عازماكوا بقى على اكله مصريه جااامده
نور : ههههههه ماشى
وراحوا كلهم ف مطعم كده مكتوب عليه المصريين
وساره طلبت 3 كشرى
نور : تصدقى طلعتى اصيله ومبتنسيش التراث
ساره : عيب عليكى هههه
باسم : وبتدرسى هنا ايه يا ساره
ساره : هندسه
باسم : وبتشتغلى كمان , بس ده مجهود جااامد
ساره : اتعودت على كده
نور : ربنا معاكى ومعانا
ساره : ويقوينا على الكشرى
وقعدوا يضحكوا كلهم وبعد لما روحوا , نور اتصلت بنورهان
نورهان : الو
نور : اخيرا رديتى , انت منفضالى با نورهان ولا ايه
نورهان : لا بس كنت نايمه
نور: ماشى ايه روحتى ؟
نورهان : اه
نور بلهفه : ها قولى
نورهان مكنتش عارفه تقول لنور ايه بس قررت
نور : ف ايه يا نورهان عمر جراله حاجه
نورهان : عمر …………………………..
يتبع

الحلقه التاسعه عشر
الدكتور : يا جماعه لازم تهدوا شويه علشان ده مينعكش عليه , وحاولوا تشوفوا نور لاز تيجى دى هيبقى ليها نسبه كبيره ف شفائه
الام : سامع يا مختار سامع
وبدأت تعيط اكتر واكتر
الاب : اهدى بس يا ناديه
وعند نور
نورهان : عمر
نور: انطقى يا بنتى عمر ماله؟
نورهان : عمر كويس يا نور كويس
نور : بجد يا نورهان ؟
نورهان : اه اه كويس
نور : طيب , انا هقفل انا بقى , سلام
نورهان : سلام
ولبست نور الجاكت ونزلت تتمشى وراحت تقعد ف كافيه وتفتكر عمر وكان قلبها حاسس ان عمر فى حاجه بس نورهان مش راضيه تقول
بس نورهان مش هتقولى ليه ده , لا لو فى حاجه كانت قالتلى , اكيد هو دلوقتى عايش حياته عادى وانا مش فارقه معاه اكيد .
والدموع كانت بتنزل من عيونها ودفعت الحساب ومشت وفضلت تمشى تمشى وهى مش عارفه هى رايحه فين واثناء ماهى ماشيه سرحانه والدموع نازله من عيونها عربيتها كانت هتخبطها
الشخص الى ف العربيه : be careful
نور:iam sorry
الشخص : okay but are u fine?
نور: yea yea thanks
الشخص : do u want any thing?
نور: no thanks
ومشى الشخص ده ونور مشت وهى صعبان عليها نفسها اوى وروحت وساره كانت شايفاها هى شبه منهاره قامت نزلتها بسرعه
ساره : ايه يا نور مالك ؟
نور : ولا حاجه مفيش بس عايزه انام شويه
ساره : لا يا نور شكلك فى حاجه , طمنينى عليكى
نور : صدقينى مفيش حاجه
ساره : ماشى , اطلعى خودى شاور ونامى شويه وانتى هتبقى كويسه
نور: ماشى اقابلك بعد كده
وطلعت نور فوق ولسه بتفتح لقت باسم بيندهلها
باسم : ايه يا نور قعدت اخبط عليكى علشان نروح نذاكر بس مكنتيش بتردى
نور : اه كنت بجيب حاجات
باسم : ماشى بس بليز ابقى قوليلى علشان مقلقش
نور : ماشى
باسم : انتى تعبانه ولا ايه ؟
نور : اه شويه بس هدخل انام وابقى كويسه
باسم : ماشى ولما تصحى نبقى نذاكر سوا
نور : ماشى
ودخلت نور واترمت على السرير وقعدت تعيط جامد لغايه ما نامت
وعدت الايام ونور وباسم بيذاكروا مع بعض وبقوا اصحاب اوى وباسم كان بيخاف اوى على نور وساره كمان هى وساره قربوا من بعض اوى وبقيت ساره صاحبه نور القريبه منها ونفس الكلام عند ساره ونور حكتلها على عمر وعلى الى حصل وساره قوتها بكلامها وانها لازم تبنى مستقبلها
وعند عمر الى ابتدى يتحسن شويه بشويه ورجع للشركه وكان بيشتغل ليل نهار ومكنش بيحب يقعد مع حد وكل الى كان بيعمله انه يشتغل ويرسم على البحر وبس وكان دايما بيرسم نور
الام : البنت وحشتنى اوى يا جلال
الاب : جرى ايه يا نبيله احنا كل يوم ف نفس الكلام ده سيبها تبنى مستقبلها
الام : بقالها 7 شهور بره مبسمعش غير صوتها واخر مره شوفنها على النت كانت خاسه اوى وشكلها تعبان
الاب : اكيد لازم تكون كده عشان المذاكره
الام : يارب هون يارب
وعند نور
نور : يا سلام يا سى باسم عايز تروح لوحدك المكتبه وتذاكر وعقبال ما اكتب الحاجات دى على الاب , لا طبعا
باسم : هههههه خلاص يا ستى هستناكى لحسن بالى انتى قوليه دى مش هعرف اذاكر ولا كلمه
نور : ايوه كده اتعدل ههههه
وكتبت نور الحاجه بتاعتها ونزلوا راحوا المكتبه وكانوا قاعدين بيذاكروا وباسم كان بيبص على نور وسرحان فيها اوى لغايه نور ما اخدت بالها وانكسفت
نور : باسم بقولك ايه انا تعبت اوى ياله نروح ونكمل بكره
باسم : ها ……ماشى خلاص ياله
وكانوا بيتمشوا لغايه البيت لان المسافه مكنتش بعيده اوى ونور وهى ماشيه لقت محل ورد وعيونها دمعوا لانها افتكرت عمر والورد الى كان بيجبهولها دايما وسرحت خااالص وفاقت على صوت باسم
باسم : هاااااى ايه روحتى فين
نور : ها لا مفيش
باسم : ايه ده يا نور انتى بتعيطى
نور مسحت عيونها بسرعه
نور : لالالالا بس عينى اطرفت
باسم : نور انتى علطول حزينه وحتى لما بتضحكى بحس انك من جواكى مخبيه جرح كبير اوى
نور : باين عليا اوى كده
باسم : باين ؟ ده واضح جدا يا نور ولا انتى ومش واخده بالك . ده انتى بتخسى اكتر واكتر ومتقوليليش من المذاكره لان احنا بنذاكر مع بعض بس انتى جواكى حاجه , انا مش عايز اعرف حاجه , بس مفيش حاجه تستاهل كل ده
نور اول ما سمعت الكلام ده افتكرت عمر يوم ما كان بيهديها لما باسم حرجها
عمر : خلاص انا مش هضغط عليكى بس اهم حاجه عايزك تخلى قدامك دايما ان مفيش حاجه ف الدنيا تستاهل دموعك ابدا
وانفجرت نور ف العيط
باسم : ف ايه يا نور
نور : معلش يا باسم انا عايزه امشى لوحدى
باسم : دلوقتى يا نور ؟
نور : معلش يا باسم مخنوقه اوى
ومشت نور وهى مش قادره وباسم مكنش قادر يسبها ف الوقت ده وكان خايف عليها لحسن يحصلها حاجه ففضل ماشى وراها من بعيد لغايه ما وصلت البيت وراحت لساره واول ما شافتها حضنتها وقعدت تعيط اوى
نور : معتش قادره يا ساره وحشنى اوى ومش قادره اسامحه على الى عمله فيا , قلبى وجعنى اوى وصعبانه عليا نفسى
ساره : طب اهدى بس يا نور
نور : مش قادره مش عارفه انسى ومش عارفه اعيش حاسه انى زى الاله من غيره حاسه انى جماد , اخد منى روحى يا ساره مبقتش حاسه بأى حاجه
ساره : لازم تفوقى بقى يا نور فوقى خلاص انتى هنا علشان تاخدى الدكتوراه وتبنى حياتك انسيه بقى
نور : يارب
وعند عمر
عمر كان قاعد على البحر وبيفكر ف نور وف حياته معاه وشريط ذكرياته
يا ترى نسيتنى يا نور , يارب خليها تسامحنى وترجع بقى انا انا مش قادر اعيش من غيرها خلاص مش قادر , انا عايش علشانك انتى يا نور
وعند نور
ياترى يا عمر نسيتنى بجد , وحشتنى اوى يا عمر نفسى اشوفك يا عمر . بس معقوله هقدر اسامحك , مش يمكن هو كان غصب عنه , بس هو ممنعهاش وضعف قدامها , يعنى خانى خانى
وقعدت تعيط جاااااامد
يتبع

الحلقه العشرون
وبتعدى الايام على نور وعمر كأنها سنين وهما الاثنين ف عذاب وشوق وكل واحد بيحاول ينسى بس مش قادر , عمر ف شغله دايما ونوردايما بتذاكر او قاعده مع ساره وباسم لان الثلاثه بقوا اصحاب جدا وكل واحد منهم بقى بيكمل التانى وده الى كان بيقوى نور وبيخليها تستحمل العذاب الى هى عايشه فيه
…………………………………………………………..
ساره : نور
نور: ايه ؟
ساره : اقولك على حاجه بس متهبيش فيا
نور : امممم شكلك هتقولى حاجه تضايق , طب قولى
ساره : باسم على فكره بيحبك
نور : هو الى قالك ؟
ساره : باين عليه اوى ولو انتى مش واخده بالك يبقى عندك عمى
نور : لا واخده بالى يا ساره , بس باسم بالنسبه ليا اخ وصديق وبس مش اكتر
ساره : انتى لسه بتحبى عمر ؟
نور : هتصدقينى لو قلتلك اكتر من الاول؟
ساره : بعد كل المده دى بعيد عن بعض ولسه بتحبيه؟
نور: الى بينى وبين عمر كان كبير اوى يا ساره عمرك ما هتقدرى تتخيلى كان ازاى بس هو جرحنى اوى
ساره : طب ما تسامحيه يا نور
نور: مش قادره قلبى مجروح اوى يا ساره اوى
ساره : طب وباسم؟
نور : اعمله ايه يا ساره هو لازم يفهم من نفسه , وانالو لقيته لمحلى بأى حاجه مباشره هتصرف
وعند عمر
ياااااه يا نور سنه وشهرين وحشتينى اوى يا نور , انا دفعت ثمن زعلك وانى جرحتك يا نور حرام عليكى بقى ارجعى مش قادر, يارب يارب ترجع انا معتش قادر اعيش من غيرها اكتر من كده
الام : ايه يا عمر صاحى بدرى كده ليه ؟
عمر: عادى يا ماما اصل عندى شغل كتير النهارده
الام : عمر انا عايزه اكلمك ف موضوع
عمر : يا ماما عارفه وارحمينى بقى قولتلك انا مش عايز حد غير نور حتى لو مش هتجوز خالص فهمتى
الام : بس يا عمر
عمر : حرام عليكى بقى يا ماما
وسابها ومشى وماماته قعدت تعيط لغايه ما باباه اجى وشافها بتعيط
مختار: ف ايه يا ناديه على الصبح
ناديه : شايف ابنك مش عايز يتجوز غير الست نور هيفضل كده علشانها وهى بره ولا ف دماغها مش كفايه كان هيموت بسبها
مختار : متضغطيش على الولد اكتر من كده , وقومى اجهزى ياله علشان تنزلى مع ياسمين زمان عريسها جاى دلوقت علشان تنزلوا تجيبوا الحاجات الى ناقصه ف البيت
ناديه: حاضر
وعند نور
نور : انا خايفه اوى يا باسم مناقشه الرساله قربت وانا حاسه انى مش مستعده
باسم : يا سلام طب ده انتى عامله رساله تحفه عن بتاعتى
نور : ههههه احنا هنقر
باسم : لا انا بحسد بس على فكره هههههه
نور : احنا قدامنا بالظبط 5 شهور ونناقش مش كده
باسم : اه
نور : لازم نجتهد اكتر ف الوقت ده علشان نلحق
وعمر ف المكتب
لا انا تعبت بجد مش قادر اكتر من كده اعمل ايه بس
وقام عمر وراح الكليه وكان ف دكتور هناك عمر عارفه وسأله عن نور وعرف ان لسالها فتره هناك هى وباسم , عمر خرج مضايق اوى لما عرف ان نور مع باسم كل الفتره دى وازاى مكنش عارف
وبعد كده روح البيت ودخل الاوضه
لا انا انا لازم اشوف حل للى انا فيه انا مش هفضل قاعد كده مستنى نور , نور لازم تسامحنى انا مش قادر
وقعد على الارض على ركبته ومسك صورتها وقعد يعيط جامد وقام غسل وشه وجاب التليفون واتصل بواحد صاحبه وطلب منه انه يحجزله اول طياره لانجلترا
عمر : ماما انا مسافر
الام : فين يا عمر ؟
عمر: انجلترا
الام : ليه يا عمر
عمر : عندى شغل هناك
الام : وفرح ياسمين يا عمر
عمر : هرجع قبله بأذن الله
الام : ………………………..
عمر : معلش تحضر ليا الشنطه
الام والدموع ف عيونها : حاضر يا عمر
عمر : ايه لزمتها الدموع دى منا بسافر علطول
الام : انا عارفه انك مش مسافر علشان الشغل يا عمر انا عارفه ان نور هناك
عمر : ايوه يا ماما نور هناك وانا رايح علشانها , عاجبك الى انا فيه ده , هى لازم تحس بيا بقى
الام : يارب ترجعوا لبعض يا حبيبى
نور كانت نايمه عند ساره ف الشقه
عمر : وحشتينى اوى يا نور
نور : وانت يا عمر وحشتنى اوى
عمر : لسه بتحبينى يا نور ؟
نور : اكتر من الاول يا عمر بس انت السبب ف الى حصل ده
عمر : سامحينى يا نور علشان حبنا سامحينى
نور : مقدرش يا عمر انت جرحتنى جامد اوى
وعمر كان بيبعد عن نور اوى
عمر : نووووووووووووووور
نور صحت من الحلم وهى مخضوضه اوى وجمبها ساره وكان بتحاول تفوق فيها
ساره : ايه يا نور حلمتى تانى
نور بحزن : اه
ساره : معلش يا حبيبتى , قومى ياله علشان نتغدى وعقبال ما اتصل بباسم علشان يجى
نور : ماشى
وقامت نور ودخلت الحمام ووقفت قدام المرايه وقعدت ترش الميا على وشها وتقول بصوت عالى
فوقى بقى فوقى بطلى ضعف بقى مفيش حاجه هتحصل تانى وانا وعمر خلاص انتهينا للابد
وقعدت على الارض وقعدت تعيط
وف الوقت ده عمر كان بيجهز نفسه علشان يسافر وكان هيسافر كايرو الاول وبعد كده ياخد الطياره
وفعلا سافر كايرو واخد الطياره
ولما وصل انجلترا نزل ف فندق واول ما دخل الاوضه
عمر : يااااااه انا ف نفس البلد الى فيها نور يارب الاقيها بسرعه بقى دى وحشتينى اوى ولازم تسامحينى باى شكل
وعند نور
ساره : ايه رأيكوا ف الاكل بس من غير تريقه
باسم : اممممم الله يكون ف عون الى هتتجوزيه
نور : هههههه اخص عليك يا باسم , ده ليه الجنه
ساره : بقى كده , طب انا غلطانه وبعدين مين الى بيتريق الطباخه نور الى بتحرق الاكل دايما
نور : هههههه ياباى علشان مره واحده , لا بجد يا سوسو الاكل جميل خالص ياريت كل يوم من ده
ساره : ولا نص يوم هههههه
نور: ايه يا باسم سرحت ف ايه
باسم : ها لا ابدا ولا حاجه
ساره : اوعى تكون بتحب من ورانا
ف الوقت ده نور خبطت ساره ف رجليها من تحت التربيزه
باسم : هههههه حب ايه الى انت جاى تقول عليه , لا يا ستى سرحان ف الرساله
نور : هانت انا اسكندريه وحشتينى اوى واهلى كمان
ساره : متفكرنيش يا نور باليوم ده انا مش عارفه لما انتو تمشوا انا هعمل ايه
نور : هترجعى معانا طبعا , انتى ف اخر سنه هنا وبعد كده ارجعى معانا يا ساره
ساره : ……………………………
وعدى يوم وعمر بيدور على نور وراح الكليه الى هى وباسم فيها مع بعض علشان الرساله وعرف عنوانها وراح هناك وجابلها ورد من الى نور بتحبه وروح الفندق واتشيك وهو فرحان اوى انه هيشوفها ولما جت الساعه 8 نزل علشان يروحلها وطلعلها ووقف قدام الباب ورن الجرس ,عمر قلبه كان بيدق جااامد اوى . عمر حط الورد على وشه علشان تبقى مفاجأه
نور فتحت الباب لقت واحد شايل ورد ومش عارفه هو مين
نور : مين
عمر نزل الورد وباصلها اوى
عمر : وحشتينى
نور : عمر……………………………
يتبع

الحلقه الحاديه والعشرون
نور كانت واقفه قدام عمر وهى مش مصدقه نفسها , ومش عارفه تعمل اى حاجه ولا تنطق كل الى كانت حاساه انه واحشها اوى ونفسها تضمه وتحس بحنانه ولسانها واقف عن الكلام وغيونها بس هما الى بيقولوا الكلام كله
عمر : وحشتينى اوى يا نور
نور : ………………………….
عمر : عشان خاطرى يا نور ياريت تكونى سامحتينى ,سنه وشهرين يا نور وانا بتعذب وانتى بتتعذبى كمان , انا عمرى ما نسيتك ولا يوم .انا تعبت بعدك يا نور وكنت هموت
نور ف الوقت ده الدموع ابتدت تنزل من عيونها
عمر : عشان خاطرى يا نور
نور : امشى يا عمر امشى انا مش عايزه اشوفك , انا تعبت بما فيه الكفايه , انت جاى هنا تبوظلى حياتى زى المره الى فاتت لما دخلت فيها وجرحتنى
عمر الدموع كانت بتنزل من عيونه وباصص للنور ونور كان قلبها بيتقطع , بس كرامتها وكبريائها كان اعلى من اى شئ.
عمر : طب سا محينى يا نور وانسى الى حصل قبل كده وافتكرى الى كان بينا وبس
نور بعيط : وانت مفتكرتش ليه وقت لما ضعفت قدام البنت دى ووقت لما خنتنى
عمر بعيط : يا نور قولتلك كان غصب عنى والله غصب عنى
نور : مفيش حاجه اسمها غصب عنى , ولو سمحت ابعد عنى بقى انا ببنى مستقبلى ومش هسمح لاى حد انه يهده
وقفلت نور الباب وقعدت على الارض وقعدت تعيط وعمر كان سامعها من بره وحاول انه يخبط عليها تانى بس نور مكنتش راضيه تفتح , عمر نزل تحت وراح كافيه وقعد يعيط اوى ومكنش عارف يعمل ايه
ليه يا نور ليه ده انا جيتلك , علشانك انتى وبس ليه قفلت كل حاجه ف وشى يا نور , يارب اعمل ايه بس انا مش مستحمل , ومش قادر اعيش من غيرها
وعند نور
نور كانت شبه منهاره قاعده على الارض وبتعيط لغايه ما ساره جاتلها ودخلت عليها وانصدمت من منظرها
ساره : نور ايه يا بنتى ايه الى عامل فيكى كده , برده عمر؟
نور بعيط : عمر هنا وجالى يا ساره
ساره : بجد ؟
نور : اه والله جالى علشان نرجع لبعض وبيقولى اسامحه وكان بيعيط , ووحشنى اوى يا ساره كان نفسى اترمى ف حضنه , بس قلبى واجعنى اوى
ساره : انتى قاسيه اوى يا نور وهتضيعى منك الانسان الى بيحبك وبتحبيه , عمر جالك ندمان وانتى برده , لو هو مش بيحبك يا نور مكنش جالك هنا واستنى الفتره دى كلها
نور : مش قادره يا ساره مش قادره
ساره : ايه يا نور , انتى الى عايزه توجعى قلبك وخلاص , قدرى حبه ليكى بقى وانسى وسامحى . ده ربنا بيسامح يا نور , انتى احسن من ربنا يعنى
نور : ……………………………
ساره : انا هسيبك يا نور لما تهدى وبعدين ارجعلك تانى
وسابت نور وكأنها اخدت الم بس الم جامد يمكن فوق نور شويه من الى هيا فيه وتسامح عمر على الى حصل
باسم : مالك يا ساره واقفه هنا كده ليه
ساره : ابدا يا باسم بس عايزه اشم هوا شويه
باسم : طيب تعالى نتمشى شويه
ساره : ماشى تعالى
وفضلوا يتمشوا مع بعض لغايه ما قعدوا ف كافيه
باسم : قوليلى بقى ايه الى مضايقك
ساره : ولا حاجه بجد
باسم : لا فى ومتكدبيش
ساره : صدقنى مفيش حاجه بس اتخنقت فجأه
باسم : ماشى هحاول اصدقك
ساره : دى الحقيقه بجد
وعند عمر
كان ف الفندق ونايم على السرير وباصص ف السقف وبيفكر ف نور والدموع بتنزل من عيونه ومش قادر يوقفها , وسرحان اوى ف نور ولما شافها النهارده وازاى كانت بتعيط قدامه وانه كان نفس يضمها ف صدره وفضل يعيط اكتر واكتر
وتانى يوم عمر نزل وراح وقف من بعيد قدام بيت نور واستناها لغايه لما نزلت واضايق جدا لما شاف باسم معاها وهما رايحين الجامعه مع بعض
عمر كان مستنى نور ومش عارف لما يشوفها تانى يعمل ايه
وراح كافيه وقعد يرسم ف نور و الدموع تيجى ف عيونه ويكتمها علشان متنزلش من عيونه , وبعد كده قام وراح قدام البيت تانى واول ما شاف نور ندهلها
نور : عمر
عمر : نور عايز اتكلم معاكى
باسم : مين ده يا نور
نور : ده عمر
باسم : مين عمر
عمر : كنت خاطيبها وحبيبها
نور : كنت
عمر : انا عايز اتكلم معاكى
نور : خلاص يا عمر الكلام خلص
عمر : ارجوكى يا نور
باسم : اظن قالتلك الكلام خلص
عمر : لو سمحت خليك ف نفسك
باسم : ولو مخلتنيش ف نفسى ايه الى هيحصل
نور : بس يا باسم لو سمحت ,وانت يا عمر امشى
عمر : انا همشى يا نور بس راجع تانى ومش هسيبك غير لماتسامحينى
وسابها عمر ومشى ونور جريت على فوق وقعدت تعيط وباسم كان مضايق اوى وطلع الشقه وقفل عليه وكان مخنوق
اه يانى ياربى اعمل ايه بس اعمل ايه انا مش هقدر اتجرح تانى منك يا عمر وف نفس لوقت مش قادره اسامحك يارب ساعدنى يارب
يتبع

الحلقه الثانيه والعشرون
عمر كان كل يوم يروح لنور عند البيت ويستناها ويحاول يكلمها بس نور كانت بترفض , وعمر مكنش بييأس وبيحاول مره واتنين وتلاته , وبعد مرور اسبوعين على عمر ف انجلتا ومحاولته الفاشله مع نور قرر انه يسافر وهيسيب نور
حبيبتى / نور
كنت اتمنى انك تسامحينى وترجعيلى تانى , بس انتى قلبك بقى قاسى اوى مع انك مكنتيش كده ابدا , واذا كنت انا غلطت فكان لازم تسامحينى يا نور ده لو كنت بتحبينى نص ما بحبك , بس انا اكتشفت انك مكنتيش بتحبنى للاسف , انا مسافر يا نور وصدقينى عمرك ما هتشوفينى تانى , واطمنى عمرى ما هحب ولا اعرف واحده غيرك لغايه ما اموت .
وعايزك تعرفى حاجه واحده بس . انى هفضل احبك يا نور والى حصل كان غصب عنى وانا شرحتلك كتير اوى بس انتى مصدقتنيش , يعنى انتى مش واثقه فيا , انا تعبت من بعدك يا نور اوى وفضلت فتره ف المستشفى وانا مبقولكيش كده استعطفك
عارفه ليه ؟
علشان انا خلاص مش عايزك يا نور مع انك ف قلبى بس احنا انتهينا
عمر
نور كانت بتقرأ الجواب الى عمر سابهولها وهى بتبكى بحرقه ومش مصدقه الى بتقرأه وان عمر خلاص معتش عايزاها واتهمها بأنها مكنتش بتحبه واازاى اومال العذاب الى كانت عايشه فيه ده كان بسب ايه . وازاى كان تعبان ومحدش قالها وافتكرت نورهان وقامت اتصلت بيها
نور : الو
نورهان : ايوه يا نور , ازيك عامله ايه
نور : الحمد لله , نورهان انا هسألك سؤال وتجاوبى بصراحه
نورهان : حاضر
نور: عمر كان تعبان وانتى خبتى عليا صح؟
نورهان : ايوه يا نور عمر بعد لما عرف انك سافرتى تعب اوى وكان عنده انهيار وقعد ف المستشفى فتره وانا كنت بروح اطمن عليه من بعيد لبعيد وكان بيموت يا نور
نوربعيط : ومقولتليش ليه , كدبتى عليا ليه
نورهان : مكنتش عايزاكى تخسرى مستقبلك
نور : مستقبلى ؟
نورهان : انتى ايه الى عرفك
نور بعيط : عمر هنا يا نورهان وجالى علشان اسامحه ونرجع لبعض وانا كنت قاسيه عليه اوى وهو هيسافر خلاص
وقفلت نور مع نورهان وهى ف دنيا تانيه ومبقتش عارفه تعمل ايه ومكنتش عارفه لا عنوان ولا رقم عمر بس افتكرت الجواب واخدت العنوان ولبست وجرت على الفندق تسأل عليه قبل ما يسافر
نور : good morning, Omar mokhtar here?
الرسيبشن: yea but he will travel to Egypt
نور بعيط : when plz?
الرسيبشن: wait …………. 3 pm
نور : thanks
الرسيبشن : u r welcome
ياخبر ده لسه على الطياره نص ساعه بس يارب الحقك يا عمر
وراحت تركب تاكسى بسرعه
نور : plz reach me airport very fast,and I'll give you all money you want
وعند نورهان ف الكليه
نورهان : شوفت يا كريم عمر راح انجلترا لنور , انت السبب ف كل الى بيحصل ده انا بسبك كدبت على نور بس برده نور عرفت
كريم : وعمر بجد راحلها ؟
نورهان : ايوه يا كريم ونور قاعده تعيط لانها قسيت عليه اوى وهو مسافر دلوقتى ونور مش عارفه تعمل ايه انا السبب
كريم : للدرجه دى بيحبها
نورهان : عمر , لو ف كلمه اكتر من كلمه حب ممكن تتقال على عمر من الى ف قلب عمر كنت قولتها
وف انجلترا
باسم : الو ايوه يا ساره
ساره : ايوه يا باسم
باسم : ساره انتى متعرفيش نور فين انا مش لاقيها ومش بترد على الفون خالص انا خايف يكون حصلها حاجه
ساره : انت هتقلقينى ليه يا باسم , اكيد بتجيب حاجه او ممكن تكون ف مكان ومش عارفه ترد
باسم : ربنا يستر لو عرفتى اى حاجه اتصلى بيا
ساره : ماشى يا باسم
اد كده يا باسم بتحبها , ياريت كان نور حاسه بيك بس هى بتحب عمر ولا يمكن تكون لغيره ياريت تحس بيا انا ياباسم
وعند نور ف المطار
نور كانت قاعده تعيط وهى بتدور على عمر ولسه على الطياره عشر دقايق ونور حاسه ان احلى حاجه ف حياتها بتروح من ايديها ولمحت عمر وهو داخل على الطياره
نور :عمممممممممممممممر
عمر بص لقى نور واقفه وبتعيط عمر مكنش عارف يرجع ولا يسافر ويحاول ينساها,ورجع عمر وجرى عليها
وحضنوا بعض والاتنين بيعيطوا جاااامد وعمر كان بيمسح دموع نور ونور كانت بتمسح دموعه
نور : متسبنيش يا عمر انا بحبك
عمر : وانا يا نور بحبك وكان نفسى تسامحينى
نور بعيط : مسمحاك يا عمر
وحضنوا بعض تانى وكل واحد منهم بيعيط اوى من الفرحه انهم رجعوا لبعض تانى وهما مش مصدقين
يتبع

الحلقه الثالثه والعشرون

عمر ونور مكنوش مصدقين نفسهم من الفرحه وانهم رجعوا لبعض تانى وكل واحد كان بيبص للتانى وعيونه كلها شوق وغرام وكانت عيونهم بتقول كل حاجه عجزت السنتهم عنها انها تقولها ,راحوا قاعدوا ف كافيه

عمر : ياااااااه يا نور انا حاسس انى بحلم , انا كنت فقدت الامل اننا نرجع لبعض من تانى

نور : الحمد لله يا عمر كل حاجه بوقتها

عمر : انتى عارفه انك لحقتى نفسك , انا لو كنت سافرت يا نور عمرى ماكنت هرجعلك ولا هكون لغيرك

نور : خلاص بقى يا عمر انسى الى فات احنا النهارده مع بعض , وانا مبحبش العتاب

عمر : ولا انا يا نور اهم حاجه ان انا دلوقتى معاكى انتى وبس , مش عايز حاجه من الدنيا تانى غيرك

نور : وحشتينى اوى يا عمر وحشنى صوتك ,كلامك , عيونك , ابتسامتك

عمر : وانتى يا حبيبتى وحشتينى اوى , لو تعرفى السنه والشهرين دول عدوا عليا ازاى , انا كنت بتعذب من غيرك وخصوصا لما عرفت انك سافرتى

نور : وانا مكنتش حاسه بأى حاجه يا عمر والله وربنا الى يعلم

عمر : بحبك اوى يا نور اوعى تسبينى تانى

نور : عمرى ما هسيبك

عمر : بس انتى سبيتنى قبل كده

نور : الى فات مات بقى يا موره

عمر : بحببببببببببببببببك

وفضل عمر ونور مع بعض لغايه بليل ومكنوش عايزين يسيبوا بعض وبعد كده عمر روحها البيت وتحت العماره

عمر : لما تطلعى رنى عليا علشان اطمن عليكى وانا لما اروح هكلمك

نور : حاضر يا حبيبى , لا اله الا الله

عمر : محمد رسول الله

وطلعت نور ولسه جايه تفتح الباب لقت باسم بيندهلها بس كان بيزعق

باسم : حمد الله على السلامه يا ست نور

نور : ايه ياباسم فى ايه بتزعق كده ليه

باسم : انتى كنتى فين

نور : وانت مالك يا باسم انت مش واصى عليا ده اولا , ثانيا ملكش الحق انك تكلمنى كده اصلا

وسابته نور ودخلت الشقه ورنت على عمر وكانت مضايقه اوى من الى باسم عمله

انا مش فاهمه ازاى ده يكلمنى كده , ماشى ياباسم

وشويه ولقت ساره يتخبط عليها

ساره : ايه يا ست نور كنتى فين

نور : ايه الى كنتى فين كنتى فين , هو انا عيله صغيره علشان حضرتك وسى باسم تسألونى

ساره : لا عيله ولا معيلش انا اسفه يا ستى

وقامت ساره تمشى نور مسكتها من ايديها

نور : ايه يا ساره والله ما اقصد بس باسم ده عصبنى لما كان بيزعقلى

ساره : علشان كان خايف عليكى

نور : سيبك منه بقى

ساره : ماشى , كنتى فين يا قطه

نور: احم احم

ساره : لا اوعى تقولى انك كنتى مع عمر

نور بابتسامه : اها

ساره : مبروك يا نونو انك رجعتيله

نور : اسكتى يا سوسو ده عمر بجد كان هيضيع منى للابد بس الحمد لله

ساره :الحمد لله يا حبيبتى , بقولك ايه احكى على كل حاجه احسنلك

نور : لا مش النهارده بقى لان عمر كلها دقايق ويكلمنى ووحشنى اوى صوته

ساره : يعنى بمعنى اصح اقوم انا من غير مطرود والم الدور

نور : ههههههه فقسانى علطول كده

ساره : ماشى يا عم , انا برده بجهز للمشروع ومش فضيالك ههههههه

نور : ماسى يا مشمهندسه

ساره : ياباااااااااى بطلى الكلمه دى بتكرهينى ف الدنيا بحس انى مهندسه زراعيه وبطبوش ومنشه

نور : هههههه ده انتى قلبتى على دعاء الكروان

ساره : ههههههههه, انا همشى انا بقى

نور : ماشى يا سوسو اشوفك بكره

وخرجت ساره من عند نور ونور كانت مبسوطه اوى وقاعده تلف ف البيت وفرحانه جدا لغايه ما عمر اتصل

عمر: ايوه يا حبيبى

نور : اتأخرت كده ليه

عمر : متأخرتش ولا حاجه وبعدين مقدرش اتأخر عليكى

وف الوقت ده عن باسم الى كان مضايق اوى من الى حصل

انا غلطان برده المفروض مكلمهاش كده , بس انا كنت هموت من الخوف عليها وهى ولا حاسه ولا مقدره حبى ليها ,طب اعمل ايه دلوقتى , هى تلاقيها زعلانه دلوقتى , بكره الصبح بقى اكلمها واصالحها

نور : مش هتنام بقى انا عندى مذاكره بكره

عمر : اصلك وحشتينى اوى يا نور

نور : وانت وحشتنى اكتر والله ومش عايزه اسيبك ابدا لانى لسه مشبعتش منك خالص

عمر : انتى جعانه ولا ايه

نور : ههههههه مين الى بيخرج مين من المود بقى

عمر : انت لسه فاكره

نور : طبعا , انا عمرى ما نسيت حاجه انت قولتهالى

عمر : انا بكره هاجى اوصلك

نور : ياريت يا عمر

عمر : خلاص انا هسيبك تنامى دلوقتى واشوفك بكره , تصبى على خير

نور : وانت من اهله يا حبيبى

واجه تانى يوم ونور صحت ونزلت علشان تروح الكليه , وكان عمر لسه مجاش ففضلت مسنياه تحت , ونزل باسم شافها واقفه فابتسم وفكرها مستنياه

باسم : صباح الخير

نوربزعل : صباح النور

باسم : انا اسف على امبارح

نور : حصل خير يا باسم

باسم: يعنى مش زعلانه ؟

نور : لا مش زعلانه

وف الوقت ده اجى عمر واول ما شاف نور واقفه مع باسم اضايق اوى وراح عليهم

عمر : صباح الخير يا نور

باسم : انت تانى انت ايه الى جابك هنا اظاهر انى لازم اطلبلك البوليس

عمر : تطلب لمين يا بنى انت

نور : بس يا باسم انت مش فاهم حاجه

عمر : بتفهميه ليه يا نور هو ماله اصلا

نور : انا رجعت لعمر يا باسم

باسم : ايييييييه؟

يتبع

الحلقه الرابعه والعشرون
باسم كان واقف مذهول من الى نور قالتهوله وحس ان كأنها طعنته ف ضهره طعنه جامده اوى
باسم : مبروك يا نور
وسابها ومشى وهو ولا عارف رايح فين وى جاى منين ,حس فجأه انه تايه
انا عمرى ماكنت ضعيف كده بس بسب حبها بقيت ضعيف حتى قدام نفسى , كان لازم افهم من الاول ان احنااصحاب وبس ولا يمكن نكون غير كده بس انا قولت احاول وطلعت محاوله فاشله , اااااااااااااه يا نور ااااااااه
وكانت الدموع بتنزل من عيونه بسرعه اوى , وكان حاسس انه تعبان اوى ومشى وراح على البيت
نور: خلاص بقى يا عمر متكبرش الحكايه اكتر من كده , هو مكنش يعرف
عمر : يعرف ولا ميعرفش يا نور باسم ده بيحبك وانا عارف كده كويس وراجل زيه واقدر افهمه من نظره عيونه ليكى
نور : المهم انا ايه شعورى من ناحيته ايه يا عمر
عمر : ويا ترى ايه شعورك
نور : باسم بجد اكتر من اخويا ووقف معايا كتير وافضل صديق وعمره ما جرحنى بكلمه ولا نظره ولا لمحلى حتى انه بيحبنى , باسم والله محترك اوى يا عمر
عمر: انا مش عارف ازاى هرجع مصر وانتى قاعده معاه , انا هكلم بابا يمسك الشغل وعقبال ما اجع وده افضل حل
نور: يعنى انت مش واثق فيا
عمر : الحكايه مش كده يا نور ومتقلبيش الدنيا كده
نور : انا مبقلبش الدنيا يا عمر بس انت كده بجد مش واثق فيا
عمر: يووووه يا نور بصى انا مش هسيبك خلاص وفكك من الحوار ده بقى علشان انا قولت مش هسافر يعنى مش هسافر , بس هروح احضر فرح ياسمين وارجع تانى
نور : الى يريحك يا عمر
وف مصر
ياسمين : بجد يا ماما لو عمر محضرش فرحى مش هتكلم معاه تانى ابدا
الام : هيحضر يا حبيبتى هو قالى
ياسمين :ما هو باين اهوه الفرح بعد بكره وهو لسه مرجعش , ده انا اخته الوحيده يا ماما اخته الوحيده
الام : والله هيحضر يا ياسمين فكر بقى يا حبيبتى ومتزعلنيش
و ف انجلترا عن باسم , الى كان تليفونه بيرن
باسم : ايوه يا ساره
ساره : ايه يا باسم انت فين
باسم : بتمشى شويه
ساره : طب انت فين بالظبط وانا جيالك
باسم : اوك انا عند فندق موناليزا
وراحت ساره لباسم
ساره : كده ياباسم تقلقنى عليك
باسم : ليه يا ساره ما اهو موجود بس بتمشى شويه حسيت انى مخنوق
ساره : اقدر اعرف مخنوق من ايه ؟
باسم : عادى من الدراسه وضغط المذاكره وكده مبقتش مستحمل
ساره: بس انت قدها ولا ايه؟
باسم : والله ما بقيت عارف يا ساره
ساره : متقولش كده ابدا ياباسم انت فاهم , انت انسان محترم ومجتهد وبأذن الله تاخد الدكتوراه
باسم : عارفه ياساره انك الوحيده الى بتقدرينى
ساره : انت متعرفش انت غالى عليا اد ايه ياباسم وبخاف عليك اد ايه
وانتبهت ساره لذله لسانها
ساره : قصدى ان انا ونور بنخاف عليك
باسم : نور اه
ساره : والله نور بتعتبرك اخوها الكبير وبتقدرك اوى
باسم بزعيق : بس يا ساره بس
ساره اتكسفت اوى من طريقه باسم
باسم : انا اسف اوى يا ساره بجد انا اسف انا اظاهر كده اعصابى تعبانه
ساره : عادى ياباسم , ياله بينا نروح
وروحوا مع بعض والاتنين كانوا ساكتين محدش منهم بيكلم التانى بس كان كل واحد جوله صراع جامد اوى وبيكلم ف سره
للدرجه دى بتحب نور ياباسم للدرجه دى , انا مش عايزه منك حاجه انا كفايه عليا اوى انى اشوفك قدامى , مش عايزه اكتر من كده
انا قسيت على ساره اوى بس غصب عنى انا مش مستحمل اى كلام على نور , انا لازم انساها لازم
واجى اليوم التانى وعمر سافر علشان يحضر فرح ياسمين وكان على عينه انه سايب نور لوحدها ووصاها متخرجش مع باسم ولا تذاكر معاه ولا اى حاجه ونور كانت مضايق اوى من الوضع ده , وحسيت بالذنب فراحت تانى يوم لباسم علشان تكلمه
نور : ايه يا باسم هو احنا متخاصمين ولا ايه ؟
باسم : و هنتخاصم ليه
نور : انا الى بسألك مش انت الى بتسأل
باسم : لا ابدا بس مش عايز اعملك مشاكل مع عمر واحنا كده كده مش متفقين مع بعض
نور : بس انا مقدرش استغنى عن اخويا وصديقى الصدوق
باسم ضغط على سنانه جامد اوى وحاول يمسك نفسه
باسم : اكيد يا نور وانا جمبك علطول ف اة حاجه تحتاجيها منى
نور : انا عايزاك متبقاش لا زعلان منى ولا من عمر
باسم : خلاص يا نور حصل خير
نور : طب اتفضل قدامى بقى على المكتبه علشان نذاكر لسه 4 شهور بس واحنا لسه قدامنا حاجات كتير
باسم : ماشى ياله
وراحوا المكتبه علشان يذاكروا
وف مصر عند عمر
الام : هتسافر علطول كده يا عمر ده انت لسه ملحقتش تقعد
عمر : معلش ياماما بس انا مينفعش اسيب نور بجد وانا اتفقت مع بابا هيمسك الشركه مكانى ال4 شهور دول
الام : ماشى يا حبيبى
وقعدت تعيط
عمر : ليه يا ماما الدموع دى بقى
الام : علشان هتغيب عنى فتره دى كلها
عمر : معلش يا ماما انا مصدقت ارجع لنور
الام : خلاص يا حبيبى سافر وربنا يهون يارب
وسافر عمر لانجلترا لنور تانى
ونور كانت مسنياه ف المطار
نور : حمد الله على السلامه يا مارو
عمر : الله يسلمك يا حبيبى وحشتينى
نور : انت اكتر
عمر : بجد
نور : اها
عمر : انا مكنتش بنام يا نو كنت وحشانى بشكل انا مكنتش بنام , وفرح ياسمين كنت متخيلك العروسه وان انا قدامك ياااااه يا نور حلم جميل اوى يارب يتحقق بقى
نور : بأذن الله , ياله بينا بقى
ورحوا وعمر وصل نور وبعد كده راح الشقه الى نور اجرتهاله وتانى يوم عمر راح لنور البيت علشان يوصلها المكتبه لقها مشت ولما راحلها المكتبه لاقها قاعده مع باسم وبتضحك وفرحانه اوى راح وقف قدامها وبصلها بصه صعبه اوى ومشى وسابها
نور : عمرررررر
يتبع

الحلقه الخامسه والعشرون
نور جرت ورا عمر وقاعده تندهله وهو مش بيرد عليها
نور : عمر يا عمر
عمر لفلها
عمر : ايوه يا نور نعم
نور : ف ايه يا عمر ايه الى حصل بس علشان تزعل كده وتمشى بالطريقه دى , ممكن افهم
عمر : وعايزه تفهمى ليه هو انا فارق معاكى اصلا
نور : فارق معايا . ماشى يا عمر شكرا اوى
عمر : انا عايز اعرف احنا مش اتفقنا ملكيش دعوه بباسم ده ومتقعديش معاه
نور بخنقه : بص بقى يا عمر انا زهقت من غيرتك دى , لو باسم كان عايز منى حاجه او عايز يقولى حتى بحبك كان قالهالى قبل ما تيجى , مش هيستنى لما تيجى , وانت مش قادر تفهم انه بجد زى اخويا ووقف معايا كتير ومينفعش مذاكرش ولا اقعد معاه لان هو معايا ف الرساله ولسه عليها 4 شهور , انا قولتلك الى عندى يا عمر وانت حر علشان انا تعبت بجد
عمر:………………………………..
نور : انا راجعه اذاكر يا عمر
ومشت نور وسابت عمر وكان مضايق اوى من الى حصل مع نور والكلام الى قالتهوله ومكنش عارف يفكر بس حس ان عندها حق
نور عندها حق لو كان عايز يقولها حاجه كان قالهالها الفتره الى فاتت دى , بس انا مش طايق انها تبقى قاعده معاه كده . مش عايز حد يشوفها ولا يسمعها وهى بتتكلم غيرى يووووه
ومشى عمر وقعد يفكر ازاى انه يصالح نور وجت ف دماغه فكره وراح فعلا علشان ينفذها
وعند نور ف المكتبه
نور : ايه يا بيسو وصلنا لفين
باسم كان متغاظ اوى من الى حصل بس عمل نفسه ولا كأن حاجه حصلت
باسم : هنا
نور : اها ماشى بقولك ايه احنا قدامنا بالظبط شهر قبل ما نطبع وكده ونظبط صح
باسم : اه تقريبا
نور: ماشى ياله نكمل
اه يا نور اااااه قاعد جمبك وبنكلم ومش قادر اقولك بحبك ولا انتى حاسه بيا , يارب صبرنى
وف مصر
ناديه : ايوه زى ما بقولك كده والله يا مختار عمر رجع لنور
مختار : وسايب حاله ورايح وراها كده يا عمر
ناديه : سيبه يا مختار ربنا يكرمهم ببعض , مش فاكر لما سابوا بعض ايه الى حصله
مختار : مشكله عمر انه لما بيحب بيحب اوى يا ناديه
ناديه :………………………….
وعند نور
نور: ياااااه ده الساعه بقت 7 الوقت جرى خالص مش ياله بينا بقى
باسم : اه صحيح الوقت جرى اوى ماشى ياله
وروحوا البيت ونور لما دخلت البيت وبعد ربع ساعه لقت حد بيخبط عليها ولما فتحت
نور : yes
الشخص : Are u nour?
نور : yea
الشخص : this things for you ,pleas sign here
نور: okay
واخدت نور الحاجات الى معاه وقفلت الباب ولقت مكتوب على الهدايا
الى حبيبتى وعمرى وروحى وكل حاجه ليا ف الدنيا نور قلبى . انا بحبك موووووووت واكيد انتى عارفه كده كويس
مطلوب منك تلبسى ف ظرف ساعه بالظبط وهكون تحت البيت , عايزك تكونى زى القمر انتى فاهمه , هستناكى على نار
بحبك
عمر
نور ابتسمت وضغطت بسنانها على شفايفها وفتحت العلبه لقت فيها فستان لونه ابيض كان جميل اوى ولما فتحت العلبه التانيه كان فيها تاج صغير واكسسوار بتاع الفستان نور فرحت اوىوراحت اخدت شاور وعملت شعرها بالسشوار ولبست الفستان وكان جميل اوى عليها كان مجسم عليها وطويل كانت شبه الملايكه , وكان عليه موجوهرات والضهر كان مكشوف , ولبست نور التاج وعملت ميك اب رقيق وبقت مستعده لعمر
وعند عمر الى كان بيلبس الجاكت علشان يروح لنور وهو بيلبسه افتكر يوم الخطوبه وابتسم , عمر كان كأنه عريس فعلا بالبدله السودا والقميص الاسود ووالكرافته السودا بالاضافه ان عمر كان وسيم
وراح عمر لنور تحت البيت ونور لما شافته من الشباك نزلت واول ما قربت من عمر , عمر كان بابصصعليها ومش قادر ينزل عيونه من عليها وكان ف سره بيحسد نفسه عليها
نور : ميرسى على الهدايا الجميله دى
عمر : ها
نور : ايه يا عمر
عمر : انا بحسد نفسى عليكى يا نور
نور اتكسفت وعمر باس ايديها ووشوشها
عمر: على فكره انتى زى القمر
نور :……………………….
عمر : بحبك
واخد عمر نور مكان الى حضرهولها
عمر : غمضى عيونك
وغمضت نور عيونها وعمر خدها واول ما فتحت عيونها كانت فرحانه اوى
نور : بحبك يا عمر بحببببببببك
يتبع