تايهين : محمد منسى

===========

تايهيــــــــن

............

مشيت ومشيت آمـــالى فى الطريق تايهين

ومعانا حلم الليالى بيسـأل احنا فين رايحين

وسمعت دقة قلبى بتقوللى رايــــح فيــــــن

وشفت دمع عينىّ محتار علــى الخـديـــــن

شافونى ساكت ..مشيوا فى الطريق ساكتين

...........................................

فـــــى كل خطـــــوه ألاقى الحب قـــــدامى

يــدق قلبـــى يصحـــى كـــــل أوهـــــــامـى

اكمنه خالى وعاش العمر وحدانى

لاليّا ماضى أعيش ويــــــاه علــــى الذكـرى

ولا فيه أمــانى تشوقنى أشــــــــوف بكــــره

والحب كلمه بأقولها بــــس بلسـانى

وفضلت ماشى وآمالى معايا فى الطريق تايهين

ومعانـــا حلـــم الليــالى بيســأل احنافين ماشيين

...........................................

مشيت وشايف جمال الحب حواليــــــــــــــا

فــى عيون حبايــب بتتكلــــــم بحنيـــــــــــه

وف بدر ضيّه علــى الميه يناجيهــا

و ف نسمه فايته علـــى ورده توشـــوشهـــا

و ف ورده حلوه نـــــداهـــــا بينعشهـــــــــا

و ف بسمه حلوه ترد الروح وتحييها

وفضلت ماشى وآمالى معايا فى الطريق تايهين

ومعانا حلم الليالى بيٍٍٍال احنــا فين ماشييـــــــــن

..........................................

لقيتها واقفه ونور الحب فى عينيهـــــــــــــا

بتبص ليّــا وعايــزه تمد لى ايديهـــــــــــــا

جريت أسلم على الأمل اللى باتمناه

مديت ايديا وقلــت اليوم دا يــوم عيــــــــدى

مدت ايديهــا لايــــد تانيــه ماهش ايــــــــدى

لايد حبيبها اللى كانت واقفـه تستناه

وفضلت ماشى وآمالى معايا فى الطريق تايهين

ومعانا حلم الليالى بيسأل احنا ليــــــه ماشييـــن

+++++++++++++++++++++++

++++++++++++++++++++++

مــع تحيـــــــــــات

محمـــــد منســـــــى