إنتى فــراق الروح

إنتى شطبتى بإيدك نفســـــك من دنيايا

إنتى قتلتــــى الطير الأبيض ع الشجـرايه

إنتى طفيتي الشمعه القايده بكل هنــــايا

إنتى بدأتى القصه بقصـــه ومالها نهايــــــه

*******************

إنتى شطبتى بإيدك نفسك .. ودا كان ليه ؟

إنتى منعتى عصفور أخضر عن أغانيــــــــه

إنتى بنفسك اللى هجرتى وما أعـرف ليـــه

إنتى بنفسك خدتى المركب ... .. غرّقتيـــه

***********************

إنتى طعنتى فى قلبي الطعنه وكانت نار

إنتى وقفتى فى نص السكه بــدون أعذار

إنتى كتبتى نهايه حزينـــه للمشـــــــــوار

إنتى ف إيدك خنجـــــر قاسي عنيف غدار

*******************

إنتى وعندك ليه الحـــــب جبــــــان خــــــوّاف

إنتى سقيتــــي الزرع الأخضـــــر ســـمّ زعاف

إنتى قتلتى غنوة حب ولا سميّع ولا من شاف

إنتى وما اعرف قلبــــك ليه حـــيران طــــــوّاف

***********************

إنتى وليه الحب ما حيـّــر قلبك بالأشــواق

إنتى وإمتى ف يوم كان قلبك يوم مشتاق

إنتى سطور مكتوبه ف قلبي بوعـــد فراق

إنتى فــراق الروح والأول هــــــات يا عناق

*********************

إنتى حذفتى بنفسك نفسـك ... يا حســراتى

إنتى كيـــــانك كلــــه ودايمـــا يسكــــن ذاتى

إنتى ومين فى الكون رح أقـــــوله إنت حياتى

إنتى وفين ألقــــــاكى وأقــــولك كيف إخواتى

****************

إنتى ملكتى الروح والمهجه .. بقيتـــى أمــيره

إنتى ودايمـــــا كنتى الشـــك وكنتــى الغــيره

إنتى وفين لياليـــــنا بتحكى أجمـــــــل سيره

إنتى وكنتى في قلبي وروحى وعينى بصيره

*****************

إنتى وقلتى عـــــدّى زمانى ... آه يا زمــــان

إنتى وكنتـــى لقلـــــبي وروحــى العنــــوان

إنتى وألف خساره ملاك تايه حيــــــــــــــران

بس قولى لى بحـــــقّ الله مين الخســــران

****************

إنتى ح أقولك ايه احكى لى يا ضيّ البــدر

إنتى جيتينى بتهدري دمى فى لحظة غدر

إنتى ودايمــــا جوا عيونى نـــــور الفـــــجر

إنتى ودايما جـــوا ف قلبي كبيـــــرة القــدر

*********************

» (( لـــــــــــــقاء الروح
» يا ساكنَ الروح
» (( أنتِ عطاءُ الروح ))
» ردّى على الروح شيئاً من سكينتها
» هنا شيء من ترف الدنيا وجنة الروح