فكرونى : أم كلثوم

كلمات الشاعر عبد الوهاب محمد

ألحان الموسيقار محمد عبد الوهاب

غناء كوكب الشرق أم كلثوم



كلمونى تانى عنك فكرونى صحوا نار الشوق فى قلبى وفى عيونى



رجعوا لى الماضى بنعيمه وهناوته وبحلاوته ..وبعذابه..وبقساوته



وافتكرت فرحت وياك قد إيه وافتكرت كمان ياروحى بعدنا ليه



بعد ما صدقت إنى قدرت أنسى بعد ما قلبى قدر يسلاك ويقسى



جم بهمسه وغيرونى كانوا ليه بيفكرونى



***


بعد ما اتعودت بعدك غصب عنى بعد ما نسيت الأمانى والتمنى



كلنتين اتقالوا شالوا الصبر منى



صحوا فى عينيه حنينهم لابتسامك صحوا سمعى يود كلمه من كلامك



صحوا حتى الغيره صحوا لى ظنونى



وابتدى قلبى يدوبنى بآهاته وابتدى الليل يبقى اطول من ساعاته



واسهر اسمع نبض قلبى بيناديك روحى فيك مهما جرى انا روحى فيك



تسوى ايه الدنيا وانت مش معايا هى تبقى الدنيا دنيا إلا بيك



اللى فات وياك ياروحى باعود اليه واللى عشته معاك رجعت أعيش عليه



بعد ما صدقت إنى قدرت أنسى بعد ما قلبى قدر يسلاك ويقسى



جم بهمسه وغيرونى كانوا ليه بيفكرونى

***

كلمونى تانى عنك بعد طول حرمانى منك

جرّحوا القلب اللى قرب يبقى ذكرى سهرونى أعيش فى بكره وبعد بكره

ياحياتى أنا كلّى حيره ونار وغيره وشوق اليك

نفسى أهرب من عذابى نفسى أرتاح بين ايديك

ده الخصام والهجر وليالى الأسيه كل دول ما يهونوش بعدك علىّ

واللى جوا القلب كان فى القلب جوا رحنا واتغيرنا إحنا إلا هو

هو نفس الحب واكتر هو نفس الشوق واكتر

إللى فات وياك ياروحى باعود إليه وإللى عشته معاك رجعت أعيش عليه

بعد ما صدقت إنى قدرت أنسى بعد ما قلبى قدر يسلاك ويقسى

جم بهمسه وغيرونى كانوا ليه بيفكرونى

***

ياحبيبى…حياتى بعدك مستحيله ياحبيبى…والحياه أيام قليله

ليه نضيع عمرنا هجر وخصام واحنا نقدر نخلق الدنيا الجميله

بالوداد والحب تتجدد حياتنا بالحنان والقرب تتبدل آهاتنا

واللى جاى نعيشه احلى من اللى فاتنا

ده القمر من فرحنا حينور اكتر والنجوم حتبان لنا اجمل واكبر

والشجر قبل الربيع حنشوفه أخضر

واللى فات ننساه ننسى كل أساه يللا نلحق من الزمن أيام صفاه

دى الحياه من غير لقانا مش حياه واحنا مش حنعيش يا روحى مرتين

فكرونى إزاى هو أنا نسيتك ؟

ده انت اقرب منى ليه يا هنايا حتى وانت بعيد علىّ أو معايا

تنتهى الايام وتطوى العمر منا وانت حبك للابد مالوش نهايه