بسم الله الرحمن الرحيم
********
إلا رسول اللــــه
*********
مع تحيات / محمد منسى
********
إلا حبيبنا ونبينا إلا شفيعنا وهادينا
إلا رسول الله
نوره مغطّى الوجود كرمه مالوش حدود
رب العباد اصطفاه
إلا رسول الله
***********
الوحى كان البدايه ينزل بآيه فى آيه
والدنيا تسمع نداه
يدعــى الله أكبـــر والدنــــيا وياه تكبّر
والكون يسبّح معاه
إلا رسول الله
***********
يدعى وكام من مجيب يسعى لجنب الحبيب
صادق ويتبع خطاه
دعوه لكل الخليقــــــه دعوه لخير ولحقيقه
واحنا اهتدينا بهداه
إلا رسول الله
***********
داعى ولاكانشى شاعر قدوه وفارس وماهر
الحق كان مبتغاه
كامل مكمّل وطاهر يحفظ حقوق المشاعر
فرحة عينيه فى الصلاه
إلا رسول الله
***********
ضحى وعانى الكتير لكنه دايما كبير
عارف أصول الحياه
أخلاقه عاليه وعظيمه وايديه سخيه وكريمه
والعدل غايته ومناه
إلا رسول الله
***********
كافح سنين وسنين علشان ما يعلى الدين
حطّم هبل ومناه
جاهد وكان منصور دعوه تشع بنور
تمحى الظلام ودجاه
إلا رسول الله
***********
ضلل عليه الغمام قال له عليك السلام
ياذو الكرم والجاه
والحصو سبّح فى إيده للمولى سيدك وسيده
والا حديث الشاه
إلا رسول الله
***********
صاحب مروءه وسماحه ولا عمره داق الراحه
كله ف سبيل الله
فى دعوة التوحيد شامله قريب وبعيد
كما ربنا وصّاه
إلا رسول الله
***********
أسرى به الخلاّق جبريل وجاب البراق
فى القدس كان وياه
والأنبياء كلهم لما الرسول أمّهم
الكل صلى وراه
إلا رسول الله
***********
مكه الشريفه العفيفه عاندت وكانت عنيفه
هاجر وفاتها وراه
فاتها ولكنه عاد دينه يسود البلاد
ربه استجاب لدعاه
إلا رسول الله
***********
هاجر وراح المدينه نصره وكانت مبينه
والكل يطلب رضاه
آخى ما بين القبايل شايل فى قلبه الرسايل
هى آيات الله
إلا رسول الله
***********
ياللى رسمتوا الرسوم ياللى كلامكم سموم
ياللى ارتضيتوا أذاه
قولوا ما شئتم قولوا ولا أى سوء رح يطوله
هو حبيب الله
إلا رسول الله
***********
والله يوم الحساب ليكون عذابكم عذاب
يومها ح تشوى الجباه
ح يكون حسابكم عسير جهنم وبئس المصير
نفس المصير للطغاه
إلا رسول الله
***********
مهما تقولوا وتعيدوا مهما تغالوا وتزيدوا
هو رسول الله
هو كبير الكبار هو النبى المختار
فى قلوبنا كان منتهاه
إلا رسول الله
***********
أدّى الرساله بأمانه عمره ما يعرف خيانه
والحق دايما معاه
واحنا بهديه اهتدينا هو محمد نبينا
صلى عليه الله
إلا رسول الله
***********
مع تحيات / محمد منسى
************
الأحد 23 أغسطس 2020 - 16:00 من طرف 
موضوع: إلا رسول الله : محمد منسى 
