الشاعر كلمه

الناس بتقول وياما بتقول

دا الشاعر مات

الناس بتقول عنه الحكايات

والصوت نبرات

مليانه آهات

ودموع موجات

هايجين

سايلين

والناس بتقول

دا الشاعر عود

ممدود

مفرود

باللحن يجود

وف ثانيه كأنه ما كان له وجود

الناس بتقول الشاعر مات

لالالالا

موجود الشاعر مش ح يموت

لو حتي كمان شالوه ف تابوت

دا الشاعر كلمه

وعمر الكلمه بعمر الدنيا

ازاي ح تموت ؟؟

دا الكل هناك

واقفين ملايين

والكف يلاقي الكف حزين

وقلوب الناس بتشق الصمت بكا و أنين

رجعوا للخلف سنين

لقيوه سابق أيامه

والمهر الأخضر

علي بكره بيجري قدامه

لأ .... صحوه

دا الشاعر لسه باقي له رنين

والناس في عيونها دموع وأنين

علي ناي وشموع

بيقولوا الشاعر لسه شباب

ويادوب

حتي عمره في عمره يدوب

كان طالع جد في كفه المجد

وقف ليه ؟؟

يعني خلاص ما بقي له مكان ؟؟

العود ح تعيش اوتاره تقول وتقول

وقلوب الناس بتشف الصمت بكا وأنين

رجعوا للخلف سنين

لقيوه سايق أيامه

والمهر الأخضر

علي بكره بيجري قدامه

دا الشاعر كلمه وعمر الكلمه

بطول الدنيا ازاي ح تموت ؟؟؟

» (( قداس الشاعر ))
» من يقصد الشاعر ?????
» (( الشاعر الفرنسي لامارتين ))
» اغتسل الشاعر بالحناء
» لكن يُخْشى لسان الشاعر