مشوار مع بيرم التونسى

إلا البلد يـا ولاد مالهـا مقلـوب حالهـا
في عز عصر استقلالها شبعـت تشخيـر

كانت صلاة النبي أحسن من كده و اتخـن
و العملة ماشية عدل معدن و رغيفها كبير

أما البلاد الدون ربحـت مصـر اندبحـت
غاية ما في التهويش صبحت جرايدها كتير

يـادي الغـلا اللـي ورانـا بالخرازانـه
و المقرعة لمـا هرانـا و بقينـا حميـر

أول ما تسمع يـا رمالـي بخبـر خالـي
تبات و تصبح طوالـي نـاوي التصغيـر

و الفرانيـن كـل معلـم جلـف مبـلـم
و صدغه في الأزمة يتلم و لا صدغ مديـر

طحن البلاطـة و سكتنـا يالـلا اهتكنـا
و حطنا ف قعر التكنة و خلطهـا شعيـر

أعوذ بالله ، دي الأروام و لا دي الأغنـام
اللي ما ينجـح فيهـا كـلام إلا بفواتيـر

ماحد حقه الحـرق بجـاز غيـر الخبـاز
و قلع عينـه بالمخـزاز ابـن الخنازيـر

نهار ما تبقى الناس في هلاك يبني الأملاك
و يجيب مصاغ لمراته هناك و جنله حرير

و بحق ليه القمح يا ناس ينشال في اكياس
و يروح لابو بيصل و مداس و التاني أمير

قال العمى يعمي الأبعد علـى رأي اسعـد
دي بلادك انت يا حاج احمد ياما فيها فقير

ما أصبحوا أهل طبنجه و روم و كمنجـه
و اتعلموا يمزوا برنجه و خص و جرجيـر

زرع الأراضي اليوم طيـب بكـره يخيـب
و الظاهر الفقر قريب جاي فـي مواسيـر

نهار ما تسرح بصواني عال يا سودانـي
و يقول معانـا القبانـي فيـن القناطيـر

بقت هو الحـي الباقـي شرقـي شراقـي
في الغيط خمس ست سواقي و المنزل بير

يا عم يا عبد الرحمن الشـر اهـو هـان
أرجوك تعيد لي الحظ كمان و بلاش تفسير

حـط المسـدس فـي يمينـك الله يعينـك
و اعمل لنا صهبه و دينك و املاها نعيـر

لأن فيهـا بـرم فـارت و همـم بــارت
و حدايات عفاريت طارت في أرض ابو قير

و خزانات جوه اتمـدت و عيـن انسـدت
و ع الطوابي اللي انهدت حانحـط غفيـر

يـقـف عليـهـا بكبـوتـه و بنبـوتـه
و النسافات دي بشلوته من وحـده تطيـر

اسمع كـلام مخلـص أبـده اهبـد هبـده
خليها تفرم فـي الكبـده فـرم المناشيـر

من مد في فرشـك رجليـه اتكـه عليـه
بالحيل و بظظ نني عينيه من دون تأخيـر

صنف الأوروباوي مرخرخ بشـت ملخلـخ
من شخطه و التانية يسخسخ زي ام بكيـر

المصري واد جـن مقـارد و تلـم بـارد
لو يلقى يوش يصبح فارد للـردح حصيـر

من قبل ما اكتب أنا عارف القول ضايع
و الأجر بالتأكيد ذاهب حسب الشايع
و الشتم حايجيني مسوجر من واد صايع
مهما انكويت بالنار و الزيت برضك فنان


يا مصري و انت اللي هاممني من دون الكل
هزيل و يحسبك الجاهل عيان بالسل
من دي الكيوف اللي تصبر على كتر الذل
و نمت و العالم فايق قوم بص و طل
و شوف الشعوب و اتغص و دوب و ارجع إنسان


و اللي آلمني و بكاني انت يا شامي
ع الأكل نازل طول عمرك بارد حامي
و قلت لي لما نهيتك مصري حرامي
لحد ما الجزار خلا جرحك دامي
و الله الخروف سايب معلوف ما يفوته جعان


و المغربي المسلم راخر أبو زر فاشوك
لما انتقدته فزع قاللي يلعن ... بوك
و نا اللي قصدي أشوف قيده يصبح مفكوك
لقيته فرحان به راضي طيب مبروك
خليك فقير دق البندير و كل التعبان


روح للعراق راخر قول له كيف الأحوال
لإمتى تفضل يا أخينا بحرام و عقال
ما تعرف الجاز يستعمل غير للمشعال
الطم بقى و قول ويايه الجاز أموال
و اوعى المداس يفلت تحتاس و تقول لي أمان


يا شرق فيك جو منور و الفكر ضلام
و فيك حرارة يا خسارة و برود أجسام
فيك سبعميت مليون زلمة لكن أغنام
لا بالمسيح عرفوا مقامهم و لا بالإسلام
هي الشموس بتخلي الروس كداهو بدنجان
29 من قبل ما اكتـب أنـا عـارف القـول ضايـع
و الأجـر بالتأكيـد ذاهـب حـسـب الشـايـع
و الشتـم حايجينـي مسوجـر مـن واد صايـع
مهما انكويت بالنـار و الزيـت برضـك فنـان


يا مصري و انت اللي هاممني مـن دون الكـل
هزيـل و يحسبـك الجاهـل عـيـان بالـسـل
من دي الكيوف اللي تصبر علـى كتـر الـذل
و نمـت و العالـم فايـق قـوم بـص و طـل
و شوف الشعوب و اتغص و دوب و ارجع إنسان


و اللـي آلمنـي و بكانـي انـت يـا شـامـي
ع الأكل نـازل طـول عمـرك بـارد حامـي
و قلـت لـي لمـا نهيتـك مصـري حرامـي
لحـد مـا الجـزار خـلا جـرحـك دامــي
و الله الخروف سايب معلوف ما يفوتـه جعـان


و المغربـي المسلـم راخـر أبـو زر فاشـوك
لمـا انتقدتـه فـزع قاللـي يلعـن ... بــوك
و نا اللي قصدي أشوف قيـده يصبـح مفكـوك
لقيتـه فرحـان بـه راضـي طيـب مبـروك
خليـك فقيـر دق البنديـر و كــل التعـبـان


روح للعراق راخر قـول لـه كيـف الأحـوال
لإمتـى تفضـل يـا أخينـا بحـرام و عـقـال
مـا تعـرف الجـاز يستعمـل غيـر للمشعـال
الطـم بقـى و قـول ويايـه الجـاز أمــوال
و اوعى المداس يفلت تحتاس و تقول لـي أمـان


يا شـرق فيـك جـو منـور و الفكـر ضـلام
و فيك حـرارة يـا خسـارة و بـرود أجسـام
فيـك سبعميـت مليـون زلمـة لكـن أغـنـام
لا بالمسيـح عرفـوا مقامهـم و لا بـالإسـلام
هي الشموس بتخلـي الـروس كداهـو بدنجـان

من العيون يا سلام سلم شوف و اتعلم
تحت البراقع تتكلم و الدنيا نهار

عيون تقوللك قصدك إيه بتبحلق ليه
ما لكش شغل تعس عليه يا راجل يا حمار

و عيون تقوللك أنا عارفاك و النبي ما انساك
من يوم ما شفتك م الشباك يا جدع يا صغار

و عيون تقوللك روح يا رزيل يا بو دم تقيل
ياباي كبه في المخاليل يا ما هما كتار

و عيون تقوللك أنا حبيت ياللا بنا البيت
و عيون تقول انشالله ما جيت أنا رايحة الزار

و عيون تقوللك بالمحسوس أنا عايزة فلوس
و انشالله حتى تحوس و تدوس أنا عاملاه كار

و عيون تقوللك إمشي يا واد أنا أم ولاد
و عيون تقوللك عندي معاد و يا السمسار

و عيون بسر الحب تبوح كدا بالمفتوح
و تعرف القلب المجروح ما عليهش ستار

و عيون تسبل فوق الخد دي جد ف جد
و عمرها ما تكلم حد عيون أحرار

و عيون تحقق فيها بشوق تهرب على فوق
بتقوللك ابعد عني بذوق نظراتك نار

و عيون ما تعرف زعلانة أو فرحانة
صباح مسا أهي سهتانة صاحبة أفكار

و عيون لها ضحكة ف وشك بس تغشك
و تبص من تحت اليشمك تلقى المنقار

و عيون كدا يبقم ساهتين صفر و باهتين
بالشكل دا عيون الخاينين تضرب بصفار

و عيون تبص و تتسفلق واقفه شلقلق
و عيون تبربق و تبحلق عايزين مسمار


من العيون يا سـلام سلـم شـوف و اتعلـم
تحـت البراقـع تتكلـم و الدنـيـا نـهـار

عيون تقوللـك قصـدك إيـه بتبحلـق ليـه
ما لكش شغل تعس عليه يا راجل يـا حمـار

و عيون تقوللك أنا عارفاك و النبي ما انساك
من يوم ما شفتك م الشباك يا جدع يا صغـار

و عيون تقوللك روح يا رزيل يا بو دم تقيـل
ياباي كبه في المخاليل يـا مـا همـا كتـار

و عيون تقوللك أنا حبيت يالـلا بنـا البيـت
و عيون تقول انشالله ما جيت أنا رايحة الزار

و عيون تقوللك بالمحسوس أنا عايزة فلوس
و انشالله حتى تحوس و تدوس أنا عاملاه كار

و عيون تقوللك إمشـي يـا واد أنـا أم ولاد
و عيون تقوللك عندي معاد و يـا السمسـار

و عيون بسر الحب تبـوح كـدا بالمفتـوح
و تعرف القلب المجروح ما عليهـش ستـار

و عيون تسبل فوق الخـد دي جـد ف جـد
و عمرهـا مـا تكلـم حـد عيـون أحـرار

و عيون تحقق فيها بشوق تهرب على فـوق
بتقوللك ابعـد عنـي بـذوق نظراتـك نـار

و عيـون مـا تعـرف زعلانـة أو فرحانـة
صباح مسا أهـي سهتانـة صاحبـة أفكـار

و عيون لها ضحكة ف وشـك بـس تغشـك
و تبص من تحـت اليشمـك تلقـى المنقـار

و عيون كدا يبقم ساهتين صفـر و باهتيـن
بالشكل دا عيون الخاينيـن تضـرب بصفـار

و عيون تبـص و تتسفلـق واقفـه شلقلـق
و عيون تبربق و تبحلـق عايزيـن مسمـار

يا موج البحر يا رايق واصل منين وفين سايق

اروح شرقي تتابعني واروح غربي تطاوعني

وانا في الروحة والجاية

بفكر في حبيب ليه

احبايا اللي زاد شوقي اليهم نسوني قد ما فكرت فيهم

أمانة يا نسيهم سلم عليهم

ولاطفهم ولاغيهم وفكرهم وعابثهم

على قلة مكاتبهم

فـي كـل عـام لـلـورد اوان الا النـسـوان

بقدرتـك نابتيـن الـوان ابـيـض و احـمـر

وانت اللي تعلـم وان اجهـل فيـه ايـه اجمـل

مـن دي الخـدود اللـي لا تدبـل ولا تتغيـر

ودي العيون اللي اشهد لك بهـا و اسجـد لـك

دي خلـت الطاغـي انقـاد لــك والمتكـبـر

والشفتيـن اللـي فالقـهـم كـنـت خالقـهـم

للابتـسـام و لا لازقـهـم دانــت تحـيـر

بذمتـي انـت اللـي جاذبنـي يـا معذبـنـي

و ياللـي ذوقـك يعجبـنـي لـمـا تـصـور

لك صنعه في العين و الحاجب بيهـا تتعاجـب

وتقـول وجـود الله واجـب ميـن بيـه يكفـر

ولـك قوالـب للاجـسـام غـلـب الـرسـام

يقلـدك بحجـر و رخــام يلـقـاك اشـطـر

يا ست يام زنـاق محبـوك وقميـص مفكـوك

حطـي علـى القلـب المشبـوك ايـدك يعمـر

ويـام نـص ملايـه حريـر و النـص يطيـر

على الكتاف انا عقلي صغير غطى المرمر .....

وياللي ساقـك يسـوى رقـاب حـارت البـاب

في لون حقيقته ان كـان بشـراب و لا مقشـر

و ياللي خصرك لـه حركـات تقفـل شركـات

ويضـج منهـا داوود بركـات لمـا يـحـرر

وياللـي لابسـه لـي جوانتـي اربعـه سنتـى

على ايه خفيتي و بينتي في اللـي مـا يظهـر

و ياللـي بالدراعـات تمشـي و لا تحتشـمـي

متشمـره لـي ومـا اقـدرشـي عالمتشـمـر

و يـام شمسيـه عايقـه علـى فيـن سايـقـه

يـا مركبـه الـورده اللايـقـه ع المتشـجـر

هواكـي الياسميـن هافـف و حلـق رافــف

يصافـح العقـد اللافـف علـى دى المنـحـر

يا مسلمين الله يـا حريـم انـا مالـي غريـم

غيركم اروح وياه فـي جحيـم يـوم المحشـر

الدنيـا و النسـوان خـلاص و الراجـل لاص

لا طبلـه تنفـع و لا بـلاص لــو يتكـسـر

بخمسين قـرش

بخمسين قـرش ترفع ميكرفونـك
لـوش الفجـر , و زيـادة شويـه
و خمسين قـرش توضع نص درهم
في جيب خصمك و ترميه في بليِّه
و خمسين قـرش تنهب أجزخانـه
من المستشفيـات الـقـاهـريـة
و خمسين قـرش يعفيـك المفتّـش
من الغرامـات و يشطب لك قضيه
و خمسين قـرش تتبـدّل محاضـر
بتهمـه علـيـك و تتحوّل عليـه
و خمسين قـرش شيخ حارتك يخلِّي
ولادك , يهربـوا مـن العسكريـه
و خمسين قـرش محفظتك تعود لك
مـن النـشـال بالوسطه القويـه
و خمسين قـرش أكتب لك مقالـه
بأنك من رجـال الـعـبـقـريـه

جـهــل .. فــقــر .. مــــرض

الجهل قال للصنايعي : إخلـف المواعيـد
و قول لهم بعد بكره , و بعد بكره.. عيـد
واحلف لهم بالطلاق , إن القديم دا جديـد
تفوت عليه السنه , يقعد يِنِـشّ و حيـد
و يبتدي الفقر , و الأمراض , و التشريـد
في مره يسرح بقُفَّه : يا حمش و يا لذيـذ
و يوم يبيع يانصيب إن كان صنعه تفيـد
و يوم في عركه العساكر يسحبوه في حديد
و لمـا ينصـاب براجعـه أو بتيفوئـيـد
تقول أُمه : دي عين حطت عليك يا بعيـد

يا ولاد حكايـة فـي البلـد ما تتنسيـش طـول الأبـد
شابـت لهـا راس الـولـد و اختل عقـل اللـي كبـر

يا خلق سامع صوت أنيـن و شيء يقول يـا مسلميـن
و لمـا مالقاشـي المعيـن سكت و لا بـان لـه خبـر

يا من سمع صـوت القـدوم في بيت على شارع عمـوم
و حس بيقـول يالـلا قـوم افحت يا عبـد العـال حفـر

و جسم ميـن اللـي اندفـن و نزلوه مـن غيـر كفـن
من بعد ما انداس و انطحـن في الليل و نادى يـا غفـر

يـا بنـت دي أمـك بكـت لمـا لقوكـي فـي الجتـت
متقطعـة حـتـت حـتـت و متقليـنـك بالـحـجـر

لا بـد أبكـي علـلـي راح مـن الصبايـا و الـمـلاح
الممدودين تحـت السـلاح عشـان رقابهـم تنـجـزر

لا بد أبكـي عللـي غـاب و له سنين تحـت التـراب
ممتد فـي بيـوت القحـاب لجـل المـقـدر و الـقـدر

ريا و جوزها فـي الظـلام نايمين على الروس و العظام
كأنـه مـن ريـش النعـام و لا الحـريـر المعـتـبـر

اللبـوة أم نيـاب حـديـد بتسامـر الضبـع العنـيـد
و حش الجلنفـات الوحيـد و إبـن بيـاعـة الـجـزر

بيسكـروا فـوق اللـحـود فوق مرتبـة محشيـة دود
تقرف تنام فوقهـا القـرود من دهنهـا اللـي ينعصـر

طابخين فاصوليا و سلكمـه و يغرفـوا فـي الجمجمـة
عنداً فـي أحسـن محكمـة و لو فيهـا القاضـي عمـر

الشيء دا داير مـن زمـان و الخلق تشهد و الجيـران
و ريا و سكينـة ف أمـان ما عندنـاش عنهـم خبـر

طالع من الشبـاك سـاروخ من ريحة الشيح و الفاسوخ
و العفنة تضرب في النافوخ آدي اللي خلا الشيء ظهـر

انـزل يـا حاكـم بالصـرم و اكسـر لنـا كـل البـرم
بزيـادة دا اللحـم انـفـرم فـوق الطوايـل و انتظـر

البنـت قبـلـه تنصـطـل و بـعـد منـهـا تنقـتـل
و الحبـل حــالاً ينفـتـل و الجوزه ضوغري تنكسـر

هاتوا المشانق و النعـوش و ريحـونـا م الـوحـوش
و انت يا بو البنـت حـوش بنتك فـي بيتـك يـا بقـر

إزاى زمان النور و الحرية

صادف زمان القنبلة الذرية

يا هل ترى صدفه كده طبيعية

و لا الصدف تخفى فى حكم إلهيه

شوف لما كنا زمان الحشمة

كان ربنا ناظر لنا بالرحمه

و لما أصبحنا مجرد لحمة

اللحمة يلزمها تبات مشوية

سكتت على المنكلا قسس و مشايخ

و اللى بيوعظ زى حالى

رايح واحدة و النبي إنك بايخ

و التانيه قالت يبتليك برزيه

غاندى

الســلام لك والسلامه
من هنا ليــوم القيامــه
ياللى أظهرت الكرامـه
بعد عهد المرسليــــن
ياللى من لعبك بمغــزل
تطلع البورصات وتنــزل
فوق دماغ لندن وتعــزل
لا نكشــير الغزالــين
.............
فيلسوف مايخيبش قولك
كل فلسفتك فى نولــك
والتلاميذ اللى حولـك
بالمكاكيـك شغاليـن
...............
لنجليز عايشين فى لـذّه
عندهــم أسطــول وعــزّه
وانت تضربـــهم بمعـزه
سوده بنت اربــع سنين
..............
من هنا تيـجى المقالـب
اللى مغلوب يبقى غالـب
واللى مطلوب يبقى طالب
والهزيل ياكـل السـمين
...............
قول بدل بفتيـــك وبيرى
يطبخوا بســيرج بابورى
والبودنج ان كان ضــرورى
ياخدوا حته من العجــين
............
لا نجليـز تاخد ما تــدّى
بالحفـــان من كل هنـدى
واتنبــح صوتك ياغانـدى
ماالتقيـتش المنصفين
............
قول مادام الحـق ضايـع
والغرض بيـع البضــايع
الحرام ســاتر وســــايع
ولا نمــشى عريانــين
..............
يخضعـوك ليه للتجـاره
ونت فى أرض الحـــراره
كل قرش يروح خســــاره
فى الزفيـر والنفتالـين
...............
كل واحـد عنـده معـده
ماسـكه روحه خدها قاعـده
ان طمع تخـلق له أعـدا
يقعـدوا له مرصصــين
...............
عالقضــيب والقطر ماشـى
يصــبح العصيان بلاشى
ون عملهـا ومااكتفاشـى
يبقى يــاكل عزرائين
...............
ولا ياكل م المناجم
فحم به ع الدنيا هاجـم
واللى به داس ع الجماجـم
أحيـاء ولا ميتــــين

..............
يازعيــم الهــند صومـك
حبّب العـالم فى قومــك
وانتهت حجّـــة خصـومـك
اللى باتوا ملبــوخيــن
..............
كلهــم واقعـين فى حيــره
يعقـدوا جلســات كبيـــره
فوق موائـد( مستديـــــره)
يعنـى لســــه محـلقـــين
............
يغضب الحاكـم لنصحــك
يحبسـك ويعود يصالحـك
وانت تستعجب وتضحـــك
عالجبـابره القحطانـين
................
يحسبـوك طالب جرايـه
ترعـبك هزة عصـــايه
يلتقـوك ياغانـدى اّيه
فى الجهـاد صايم سجين
.................
كام زعيم فى الدنيا مثلك
يرضى يـاكل زى أكلــــك
ولا يلبس زى شــكلك
كلّهم متحـفلطـــين
..................
اللى بات ناصب مشــانق
واللى خايف م الشـرانق
واللى اهـو بايت يعانق
واللى قدامه الطحـين

في أرضنا للأجانب ، ألف أسكولـة
يخرجو بالألوف من غول إلى غولة
عارفين لجلب المكاسب ستميت حيلة
ويجمعنا من جيوبنا المـال بالكيلـة
واحنـا وزارة معارفنـا أم هليلـه
أم الحيطان والبيان، والحطة والشيلة
تاخذ ولادنـا وبفلوسنـا وبالتيلـة
اشطر ما فيهم ما يكسبش عشا ليلة
واجدع ما فيهم يقول يا ست وسيلة
شوفي لنا حتة وظيفة تستر الميلـة

يا أرض مالك كرهتى كل سكانك

في يوم زلازل و يوم يجرفنا طوفانك

و يوم عواصف و يوم يشتد بركانك

راح فين بهاكى و حلمك فين و حنانك ؟

رحيمه فاضت لنا بالخير أنهارك

جميله متزوقة فى وشى أزهارك

طروب تعزف لنا الأنغام أطيارك

كريمه ما ينقطع نخلك و رمانك

هبط الجنيه من قمّته = و المليونير : ضج و لطم
و لما تهبط ذمته = الحزن ينساه و الألم
و لما تسقط حرمته = يظن روحه محترم
عنده الجنيهات كل شيء = و كل شيء غيرها عدم

أما الفقير قام و استجار = و من الهلع قلبه انخلع
بايت يفكر .. ليل نهار = ليرتفع سعر السلع
و اللحمه اهيه و الخضار = أسعارها حتسوق الدلع
ياما الجنيه رخّص رجال = و غَلىَّ أسعار الغنم

دي جيفه منتنه = صار ابن آدم عبدها
فليسقط الصنم الجنيه = اللي بتسجد له الأمم

الغش و الغلا

الأكل و الشرب فى إيد اللومنجية

و الطماعين اللى غلوا الملح و الميه

و الغشاشين اللى فاقوا على الحرامية

الشاى بالمفتشر مخلوط ملوخية

والبن فيه الشعير تسعين فى الميه

و الميه و العيش برمله و طينه يا ملوخليه

و اللحم معروض بدون أختام رسمية

و الميه هيه اللبن و لا اللبن هيه

أفاعى متسيبه من غير رفاعيه

و دنيا مترتبه ترتيب فلاتيه

في مصر كنت الملك لك جيش ولك حاميه

ودوله غير دولتك مـا تعمـل الموميـه

و امه غير امتـك مـا تـزرع الباميـه

ولما خشـوا عليـك المقبـره يلاقـوك

نايم مفتح .. ولكـن فـي بلـد عميـه

نا فى انتظارك خليت نارى فى ضلوعى وحطيت

ايدى على خدى وعديت

بالثانيه غيابك ولا جيت

ياريتنى عمرى ماحبيت

عايز اعرف لا تكون غضبان

او شاغل قلبك انسان

خليتنى من يأسى اقول الغيبه دى تغيب على طول

واتفكر ايه اللى جنيت من ذنبى يسيئك مالاقيت

ياريت ... ياريت

اتقلب على جمر النار ... واتشرد ويا الافكار

النسمه احسبها خطاك والهمسه احسبها لقاك

على كده اصبحت وامسيت

وشافونى وقالوا اتجنيت

ياريتنى عمرى ماحبيت

تواعدنى بسنين وايام وتجيبنى بحجج وكلام

وتسلم وتمر قوام او تخلف وتقول لى نسيت

ياريتنى عمرى ماحبيت

يا شرق فيك جو منور

والفكر ضلام

وفيك حراره يا خساره

وبرود اجسام

فيك تسعميت مليون زلمه

لكن اغنام

لا بالمسيح عرفوا مقامهم

ولا بالاسلام

هي الشموس بتخلي الروس

كدا هو بدنجان

ح أتجن
******

حاتجن ياريت ياخوانا

مارحتش لندن ولا باريز

دى بلاد تمدين

ونضافه وزوق ولطافه

وحاجه تغيظ

مالاقيتش جدع متعافى

وحافى

وماشى يقشر خص

ولا شحط مشمرخ افندى

معاه عود خلفه

ونازل مص

ولا لب أسمر

وسودانى وحمص

وانزل ياتقزقيز

حاتجن ياريت يا أخواننا

مارحتش لندن ولا باريز

**************

ولا عركه فى نص الليل

دايره بالحيل

وساحبها بوليس

قدامها جدع متجرجر

وشه معور

قال ايه دا عريس

الخلق ماهى بتتجوز

واشمعنى أحنا مفيش تمييز


حاتجن ياريت يا أخواننا

مارحتش لندن ولا باريز

**************

ولا واحده فى وش الفجر

تبرطع ماليه الدنيا صوات

قال ايه

جوز خالتى ام احمد

سلفة أخوها السيد

مات

سبحانك ماأعظم شأنك

والله الموت

دا مفيد ولذيذ

حاتجن ياريت يا أخواننا

مارحتش لندن ولا باريز

**************

ولا واحد طالع يجرى

وواحد تانى بيجرى وراه

ويقول هاهع حصلتك

يابن اللى ابصر أيه عاملاه

لا الشارع غيط ياأخواننا

ولا احنا بداره

ولا احنا معيز

حاتجن ياريت يا أخواننا

مارحتش لندن ولا باريز

**************

ولا واحد بيبيع حاجه

يقول بريال وتاخدها بصاغ

ياأخواننا دى حتى الابره

تاخدها بدوشه وقلب دماغ

حلفان

وعراك

ومناهدة

ويمكن ضرب كفوف

ياحفيظ

حاتجن ياريت يا أخواننا

مارحتش لندن ولا باريز

**************

ولا فيش ميت الف صعيدى

بتوع يابصيب هاجمين

ولافيش

ميت الف معوض داعس

جاى معاه صندوق ورنيش

والله كرهت القهوة

وحرمت أقعد ع الأفاريز

حاتجن ياريت يا أخواننا

مارحتش لندن ولا باريز

**************

حاتجن ياريت ياخوانا

مارحتش لندن ولا باريز

دى بلاد تمدين

ونضافه وزوق ولطافه

وحاجه تغيظ

قد أوقعَ القلبَ فـي الأشجـانِ والكَمَـدِ
هوى حبيبٍ يُسَمّى المجلـس البلـدي
أمشـي وأكتـمُ أنفاسـي مخافـة َ أنْ
يعدّهـا عامـلٌ للمجـلـسِ البـلـدي
ما شَرَّدَ النومَ عن جفني القريحِ سـوى
طيف الخيالِ خيـال المجلـسِ البلـدي
إذا الرغيفُ أتـى ، فالنصـف ُ آكُلُـهُ
والنصـفُ أتركُـه للمجلـس البلـدي
وإنْ جلسـتُ فجَيْبِـي لسـتُ أتركُـهُ
خوفَ اللصوصِ وخوفَ المجلسِ البلدي
وما كسوتُ عيالـي فـي الشتـاءِ ولا
في الصيفِ إلاَّ كسوتُ المجلسَ البلـدي
كَــأنَّ أٌمّــي بَــلَّ اللهُ تُربتـهـا
أوصَتْ فقالت : أخوك المجلس البلـدي
أخشى الزواجَ إذا يـوم الزفـافِ أتـى
أن يَنْبَرِي لعروسي المجلـسُ البلـدي
ورُبَّمَـا وَهَـبَ الرحمـنُ لـي ولـداً
في بَطْنِها يَدَّعيـه المجلـس البلـدي
وإنْ أقمـتُ صلاتـي قلـتُ مُفتتـحـاً
اللهُ أكبـرُ باسـم المجلـس البـلـدي
أستغفرُ الله حتى فـي الصـلاةِ غَـدَتْ
عِبادتـي نصفُهـا للمجلـس البلـدي
يـا بائـعَ الفجـلِ بالمِلِّيـمِ واحــدةً
كـم للعيـالِ وكـم للمجلـسِ البلـدي

القصيدة

ظلمونى الناس ظلمونى و الجانى فاتوه و تهمونى

ظلمونى الناس ظلمونى و الحق معايا و سقونى

من أساهم و لاحنوا علي ضعف ضنايا

و الدنيا على مساعداهم و أنا قلبى كبير و لالى نصير

و لاأملك غير دمع عيونى ظلمونى الناس

الظالم يعينوه على ظلمه و يزيدوا المسكين على همه

الحق أهو باين فى إيدى و يقولوا دا الحق على

و الناس قاسيين على المساكيين

حاربونى الكل و غلبونى

ظلمونى الناس

سلمت إليك أمرى ياربى

غيرك ما لقيت يرحم غلبى

اليأس تعنيه من فضلك

و اليائس تنظر له بعدلك

أنا صنع إيديك و تكالى عليك

أنصرنى على اللى ما نصفونى

ظلمونى الناس