موقع ومنتدبات ابو ريوف
عزيزي هنا مملكة أبو ريوف للابداع

يجب عليك التسجيل لتتمكن من المشاركه والمشاهده لاقسام الموقع والبث المباشر المدير العام أبو ريوف

المشرفون : محمد منسي - ملكة الحب
لكم منا أجمل تحيه


M E T O

موقع ومنتدبات ابو ريوف

كل مساهمه في هذا المنتدى بشكل أو بآخر هي تعبر في الواقع عن رأي صاحبها
 
الرئيسيةبوابة METOاليوميةمكتبة الصوربحـثالتسجيلدخول
اهلا باصدقاء أبو ريوف بعد غياب اربع سنين اعود لمنتداكم الجميل لطالما علمت بأني هنا معكم استنشق عطراً يفوح من اقلامكم لكم مني كل الحب والتقدير أخوكم الصغير أبو ريوف

توقيت الرياض
المواضيع الأخيرة
» مونديال روسيا 2018 نجاة المنتخب السعودى من كارثة جوية
اليوم في 0:58 من طرف محمد منسى

» مونديال روسيا 2018 نجاة المنتخب السعودى من كارثة جوية
اليوم في 0:58 من طرف محمد منسى

» ابتسامة
أمس في 15:22 من طرف محمد منسى

» كأس العالم 2018
أمس في 1:35 من طرف محمد منسى

» تهنئة واجبه
الجمعة 15 يونيو 2018 - 8:15 من طرف محمد منسى

» ضربة السيسى الموجعة للإخوان
الخميس 14 يونيو 2018 - 2:59 من طرف محمد منسى

» ضربة السيسى الموجعة للإخوان
الخميس 14 يونيو 2018 - 2:58 من طرف محمد منسى

» اجفان عينيك
الثلاثاء 12 يونيو 2018 - 16:17 من طرف محمد منسى

» الضبع يلتهم حارس
الإثنين 11 يونيو 2018 - 3:42 من طرف ملكة الحب

» المسحراتى
السبت 9 يونيو 2018 - 2:19 من طرف ملكة الحب

» رحلة العائلة المقدسة فى المركز المصرى
الجمعة 8 يونيو 2018 - 15:36 من طرف محمد منسى

» رحلة العائلة المقدسة فى المركز المصرى
الجمعة 8 يونيو 2018 - 15:34 من طرف محمد منسى

» لا تخف من رأي من يقسو عليك لا تخف من الرأي الذي يبكيك ..
الأربعاء 6 يونيو 2018 - 14:34 من طرف محمد منسى

» لا تخف من رأي من يقسو عليك لا تخف من الرأي الذي يبكيك ..
الأربعاء 6 يونيو 2018 - 14:33 من طرف محمد منسى

» لا تخف من رأي من يقسو عليك لا تخف من الرأي الذي يبكيك ..
الأربعاء 6 يونيو 2018 - 14:33 من طرف محمد منسى

» اصل الحكايه وطن..
الأربعاء 6 يونيو 2018 - 12:24 من طرف محمد منسى

» ((سلمان )) خادم الحرمين
الإثنين 4 يونيو 2018 - 12:21 من طرف محمد منسى

» يا أرحم الراحمين
الأحد 3 يونيو 2018 - 12:24 من طرف محمد منسى

» هارون الرشيد يستفز خامنئي!
الأحد 3 يونيو 2018 - 10:53 من طرف محمد منسى

» هدي النبي صلى الله عليه وسلم في رمضان
الأحد 3 يونيو 2018 - 10:47 من طرف محمد منسى

» رمضان شهر القرآن
الأحد 3 يونيو 2018 - 10:44 من طرف محمد منسى

» ف صف النمل
السبت 2 يونيو 2018 - 16:19 من طرف محمد منسى

» ف صف النمل
السبت 2 يونيو 2018 - 16:19 من طرف محمد منسى

» مثل سمعنــــــــــــاه
الجمعة 1 يونيو 2018 - 15:07 من طرف محمد منسى

» مثل سمعنــــــــــــاه
الجمعة 1 يونيو 2018 - 15:07 من طرف محمد منسى

» الكلمــــــات  والحــــب
الخميس 31 مايو 2018 - 12:08 من طرف محمد منسى

»  ماذا فعلت لنا يا صلاح لكى نحبك كل هذا الحب؟
الأربعاء 30 مايو 2018 - 13:15 من طرف محمد منسى

» لو كنت مثالا
الثلاثاء 29 مايو 2018 - 8:52 من طرف محمد منسى

» محراب حسنك
الإثنين 28 مايو 2018 - 10:53 من طرف محمد منسى

» أحلام مؤجلة
الإثنين 28 مايو 2018 - 0:58 من طرف محمد منسى

أفضل 10 أعضاء في هذا المنتدى
محمد منسى - 18646
 
ملكة الحب - 1139
 
ابو ريوف METO - 324
 
جلالة الملكه - 180
 
باكى - 67
 
الحربي - 36
 
صلاح اليب2 - 35
 
زهرالورد - 30
 
اكينو ملوال - 29
 
رشيد سويدة - 29
 

شاطر | 
 

 قصة حب وألم

اذهب الى الأسفل 
كاتب الموضوعرسالة
محمد منسى
المشرف العام
المشرف العام
avatar

عدد الرسائل : 18646
العمر : 39
الموقع : منتديات ابو ريوف
تاريخ التسجيل : 26/03/2008

مُساهمةموضوع: قصة حب وألم   الخميس 29 مارس 2018 - 12:48

قصة حب وألم

قصة حب وألم الحلقة الأولي
بصت فريده من شباك الطياره والدموع ماليه عينيها و مش راضيه تنزل عشان هي قررت مش هتعيط تاني ابدا مهما حصل وافتكرت آخر مره عيطت كان يوم موت مامتها في المستشفى وازاي هي وباباها حضنوا بعض جامد و فات سنتين على موت مامتها و وانهارده هي راجعه مصر بعد عشر سنين عاشتهم مع باباها ومامتها في المانيا و دلوقتي راجعه تعيش مع عمتها سلوى بعد موت باباها في حادثه من اسبوع وافتكرت كل اللي حصل:
كانت قاعده بتذاكر عشان هتقدم في الجامعه ورن جرس التليفون وجالها خبر وصول باباها للمستشفى بعد ما عمل حادثه وجريت بسرعه ركبت تاكسي وراحت المستشفى وقالولها الخبر ان باباها مات….مات من غير ما تودعه….مات آخر حد ليها في الدنيا ولقيت محامي باباها بيطبطب عليها وبيحاول يسكتها وهي مش مستوعبه اللي بيحصل ولأنها لسه عندها 16 سنه المحامي بلغها انها لازم ترجع تعيش في مصر وانه بعت ايميل لابن عمتها آدم وهو رحب بانها تيجي تعيش معاه هو ووالدته في مصر وهيستناها في المطار بعد اسبوع من دلوقتي وهيبعت التذكره على مكتبه .
فات الاسبوع ده عليها كأنه سنه وفضلت عند المحامي في بيته مع مراته واولاده لغاية يوم السفر وصلها لغاية المطار وقالها انه هيصفي اعمال باباها وهيبعت كل التفاصيل لابن عمتها على الايميل بتاعه وركبت فريده الطياره وبصت آخر بظره على المانيا بلد مامتها اللي قضت فيها احلى ايام حياتها وهي مش فاكره عمتها ولا ابن عمتها آدم خالص بس باباها كان دايما يتكلم عن اخته الكبيره سلوى بحب وحنان وكان دايما يقولها لازم في يوم هنرجع مصر بلدنا بس للأسف رجعت لوحدها………………..…..


المضيفه طلبت من الركاب ربط حزام الامان عشان الطياره هتنزل مطار القاهره وحست فريده ان قلبها بيدق من الخوف ومش عارفه ايه اللي هيحصلها في مصر و عمتها هتعاملها ازاي و نزلت فريده من الطياره و خلصت اجراءتها بسرعه عشان معاها جواز سفر الماني وراحت تستنى شنطتها وكان شكلها ملفت عشان كانت طويله وبشرتها بيضا وعينيها عسلي فاتح وشعرها بني وطويل وناعم وكانت عاملاه ضفيره عالجنب ولابسه جينز ازرق وتيشيرت ابيض واخدت شنطتها وخرجت من البوابه ووقفت تستنى عمتها عشان تاخدها
وكانت عينيها بتدور في كل الاتجاهات على عمتها, وفجأه سمعت صوت قوي بيقول من وراها :
الصوت:انتي فريده كامل؟؟؟؟؟؟؟
بصت فريده ومعرفتش ترد من كتر خوفها……




 
شاهد الحلقة الثانية : قصة حب وألم الحلقة الثانية


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohammed.mansy@yahoo.com
محمد منسى
المشرف العام
المشرف العام
avatar

عدد الرسائل : 18646
العمر : 39
الموقع : منتديات ابو ريوف
تاريخ التسجيل : 26/03/2008

مُساهمةموضوع: رد: قصة حب وألم   الخميس 29 مارس 2018 - 12:51

بصت فريده وراها لقيت شاب طويل وجسمه ضخم شعره اسود وعينيه بني غامق وعامل دقن دوجلاس وشكله مخيف ولابس بدله سودا وقميص اسود و حست فريده بالخوف وعينيها اتملت بالدموع بس مسكت نفسها و هزت راسها من فوق لتحت راح الشاب بصلها من فوق لتحت كأنه كان متوقع حد تاني وقالها بسرعه:
الشاب:انتي بتتكلمي عربي؟
فريده هزت راسها
الشاب:انا آدم ابن عمتك , انا هوصلك الفيلا عشان ماما مستنياكي
وخد منها الشنطه ومشي ادامها وهي مشيت وراه او جريت بمعنى اصح عشان هو كان خطوته واسعه وسريعه وكأنه في مهمه وعايز يخلصها بسرعه وخرجوا من 
المطار و فتحلها باب عربيه مرسيدس فخمه جدا وبعد ما قعدت حط الشنطه ورا و ركب وابتدى يسوق
وكانت فريده لازقه في الباب ومش عارفه تقول ايه فقررت تسكت خالص……..
آدم:عايز اقولك ان والدتي مريضه جدا و المرض زاد عليها بعد خبر وفاة والدك الله يرحمه وهي مستنياكي وكان نفسها تيجي تستناكي بس مقدرتش والدكتور طلب اننا نعاملها معامله خاصه و منعرضهاش أي ضغط خالص عشان قلبها تعبان.

فريده بصتله بعينيها الواسعه وفضلت ساكتها

بصلها آدم كأنها مش طبيعيه:انتي سامعاني؟؟

هزت راسها تاني

آدم:طيب كويس, انت هتروحي البيت تقعدي شويه مع ماما و تشوفي اوضتك وعايزك تنامي بدري عشان ان شاء الله بكره هقدملك اوراقك في الجامعه الألمانيه عشان تكملي دراستك.





 

فضلت فريده ساكته لغاية ما العربيه دخلت من بوابه سودا عاليه لفيلا كبيره و واسعه جدا وفيها جنينه واسعه مليانه اشجار وورود وفيها حمام سباحه كبير جدا و جواها جراش واسع فيه كذا عربيه , ووقفت العربيه ادام باب الفيلا و نزل آدم فتح لفريده باب العربيه واول ما وقفوا ادام الباب اتفتح وظهرت شغاله فلبينيه طلب منها آدم تجيب الشنطه من العربيه وبعد كده بص لفريده:

آدم: اتفضلي ماما مستنياكي

دخلت فريده ورا آدم ولقيت الفيلا من جوه فخمه وكلها تحف وفيها نافوره جميله في النص ولقيت من بعيد واحده جسمها طويل وشعرها ابيض قصير وناعم ولابسه بنطالون اسود وبلوزه بيضا جايه ناحيتها:

سلوى:فريده حبيبتي حمدلله على السلامه

بصت فريده ومدت ايديها تسلم عليها

سلوى: انا عمتك يا حبيبتي

فريده بصوت هادي بيترعش:ازي حضرتك؟

آدم بسخريه:انتي بتتكلمي بجد ؟؟؟؟؟؟؟؟

سلوي: آدم براحه عليها ده لسه مصدومه

آدم:انا وصلتهالك وعن اذنك بقى انا اتأخرت عالشغل

ومشي آدم وساب فريده مع سلوى اللي قربت من فريده وخدتها فحضنها وحست فريده بالأمان تاني وراحت حضنت عمتها ودفنت وشها في صدرها:

سلوى:عيطي يا حبيبتي … عيطي

و زي ما تكون فريده كانت مستنيه الأذن انها تعيط فابتدت دموعها تنزل وكأنها كانت مستنيه تنزل في حضن حد……………



بعد ساعه كانت فريده قاعده في الانتريه على كنبه وعمتها حاضناها وطلبتلها كاكاو سخن عشان تهدى وفضلت معاها لغاية ما خلصت الكاكاو وخدتها توريها اوضتها, طلعوا سوا الدور الاول وفتحت عمتها باب لاوضه واسعه لونها بينك كلها وفيها دولاب كبير وتسريحه كبيره وسرير واسع مدور وفيها حمام كبير لونه ابيض في بينك وفيه جاكوزي ومرايات كتير و رفوف مليانه كريمات وبيرفيومز وشامبوهات واي حاجه ممكن تستعملها بنت في سن فريده:

سلوى:انا اشترتلك الحاجات اللي ممكن تحتاجيها

وفتحت سلوى الدولاب:وكمان اشترتلك شوية هدوم مؤقتا لغاية ما ننزل سوا نشتري حاجات على ذوقك

فريده:متشكره بس ده كتير اوي

سلوى:مش كتير على بنت اغلى و احن انسان في حياتي الله يرحمك يا كامل

فريده:كان بيحبك اوي

سلوى:انا عارفه يا حبيبتي, هسيبك بقى ترتاحي وهخليهم يطلعولك العشا هنا وبعدين نامي عشان بكره ورانا حاجات كتير نعملها سوا

فريده:حاضر

سلوى:اسيبك بقى لو احتجتي اي حاجه انا اوضتي جنب اوضتك

فريده:حاضر

و خرجت سلوى وسابت فريده لوحدها , قعدت فريده على السرير وهي مش عارفه تعمل ايه ؟ فقررت تدخل تاخد شاور عشان تنام .



الحلقة التالية من حب وألم : الي  الحلقة الثالثة



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohammed.mansy@yahoo.com
محمد منسى
المشرف العام
المشرف العام
avatar

عدد الرسائل : 18646
العمر : 39
الموقع : منتديات ابو ريوف
تاريخ التسجيل : 26/03/2008

مُساهمةموضوع: رد: قصة حب وألم   الخميس 29 مارس 2018 - 12:59

قصة حب وألم الحلقة الثالثة
لمن فاتته الحلقة السابقة اليك : قصة حب وألم الحلقة الثانية


صحيت فريده من النوم وبصت حواليها وهي مستغربه وبعدين افتكرت انها رجعت مصر وموجوده عند عمتها سلوى وقامت من السرير وراحت تبص من البلكونه وكانت لابسه بيجاما بينك نص كوم وشورت قصير ولقيت اشجار ياسمين تحت بلكونتها وريحتها جميله اوي
وسمعت صوت حد في البيسين بصت لقيت آدم بيعوم بسرعه ومن غير ما يشوفها دخلت عشان تلبس وتنزل عند عمتها ووقفت ادام الدولاب محتاره تلبس ايه واخيرا اختارت فستان جينز قصير نص كوم ولبست شوز ابيض ونزلت لقيت عمتها قاعده على السفره لوحدها مستنياها:
سلوى:صباح الخير يا حبيبتي , نمتي كويس؟
فريده بصوت رقيق:صباح الخير, الحمد لله نمت كويس
سلوى:انا مرضتش افطر من غيرك انت و آدم اصله بيحب يعوم شويه قبل ما يروح الشركه
فريده:هو كان قالي انه هيقدملي في الجامعه الالمانيه
سلوى:ايوه يا حبيبتي بعد الفطار هتروحوا علطول




 


 
دخل آدم عليهم وباس مامته في خدها وقال:
آدم:صباح الخير يا ماما, صباح الخير يا فريده
سلوى:صباح الخير يا حبيبي
فريده:صباح الخير
آدم: هنروح نقدم اوراقك في الجامعه
فريده هزت راسها
آدم: هتختاري كلية ايه ؟
فريده:ادارة اعمال
آدم:اشمعنى ادارة اعمال؟
فريده:كان بابا عايزني ادرس كده
آدم:طيب يلا نفطر عشان نروح




 


 
بعد الفطار سلمت فريده على عمتها وركبت مع آدم العربيه وكان لابس بنطالون جينز وقميص ابيض نص كوم وفضلت فريده ساكته طول الطريق وآدم كان بيتكلم في الموبايل مع سكرتيرته فالشغل لغاية ما وصلوا للجامعه ودخلوا وقدمت فريده اوراقها وكتبت استمارة كلية ادارة الاعمال والموظفه قالت ان التنسيق هيظهر كمان اسبوع .


آدم وصل فريده البيت وراح شغله وفضلت فريده طول اليوم مع عمتها في الجنينه يتكلموا عن مصر والاماكن اللي لازم فريده تزورها و الحاجات اللي هينزلوا يشتروها عشان الجامعه , وفي وقت الغدا اتصل آدم اعتذر لمامته انه مش هيقدر يجي يتغدى معاهم :
سلوى:تعرفي يا فريده آدم بيشتغل في شركة باباه من ساعة ما كان طالب في الجامعه ومن يوم باباه ما اتوفى وهو كل وقته للشغل تخيلي شاب عمره 29 سنه كل وقته مشغول ومش بيرتاح ابدا.
فريده:شكله بيحب شغله
سلوى:اوي اوي بيفكرني بباباكي الله يرحمه
فريده:فعلا
سلوى:تعرفي لما كان عندك ست سنين قبل ما تسافري المانيا مع باباكي كان آدم عمره 19 سنه يوميها لقيته زعلان اوي بقوله مالك قالي
خالي وفريده هيوحشوني اوي.
فريده:انا مش فاكره خالص اننا كنا في مصر زمان
سلوى:انتي كنتي صغيره ساعتها
فريده بصت لعمتها بحب وقالت:انا مش عارفه من غيرك كنت هعمل ايه؟
سلوى وهي بتضحك:الحمد لله ان ربنا طول في عمري عشان آخد بالي منك ومن آدم
فريده قامت وحضنت عمتها جامد وفضلوا سهرانين والساعه 9 سلوى قالت:
سلوى:فريده انا هقوم عشان معاد نومي جه خليكي براحتك
فريده:لا انا هطلع انام
سلوى:تنامي ايه ده انتي لسه شباب روحي انزلي البيسن او اتفرجي عالتليفزيون
فريده:طيب انا هنزل البيسين شويه
سلوى:هتلاقي كذا مايوه في الدولاب بس يا رب زوقي يعجبك




 
وطلعت سلوى عشان تنام وفريده راحت لقيت تلات مايوهات واحد اسود وواحد اصفر وواحد احمر بيكيني بس هي اختارت الاسود عشان كان قطعه واحده وخدت فوطه ونزلت الجنينه وسابت الفوطه عالكرسي ولبست البونيه ونزلت الميه وفضلت تحت الميه كتير كأنها محتاجه تريح اعصابها من الايام الصعبه اللي فاتت وطلعت راسها وابتدت تعوم وهي مسترخيه بس حست ان في حد بيبص عليها راحت خرجت من الميه ولفت الفوطه حوالين جسمها وراحت عشان تدخل الفيلا بس لقيت آدم ادامها:
آدم:فين ماما
فريده:طلعت تنام
آدم: انتي لازم تنامي بدري عشان الدراسه قربت
فريده ادايقت انه بيعاملها على انها طفله فبصتله وسكتت
آدم:يلا اطلعي اوضتك تصبحي على خير
وسابها آدم لوحدها ودخل اوضة المكتب بتاعته عشان يكمل شغل وهي طلع اوضتها خدت شاور و نامت نوم عميق….


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohammed.mansy@yahoo.com
محمد منسى
المشرف العام
المشرف العام
avatar

عدد الرسائل : 18646
العمر : 39
الموقع : منتديات ابو ريوف
تاريخ التسجيل : 26/03/2008

مُساهمةموضوع: رد: قصة حب وألم   الخميس 29 مارس 2018 - 13:02

صة حب وألم الحلقة الرابعة
الحلقة السابقة : قصة حب وألم الحلقة الثالثة


الايام اللي بعد كده قضتها فريده مع عمتها يشتروا حاجات جديده لفريده قبل بداية السنه الدراسيه وكانت فريده فرحانه اوي وخصوصا انها بقت متعلقه بعمتها كأنها مامتها بالضبط وكانت اغلب اليوم بيقضوه سوا أما آدم كان بيجي البيت قليل اوي عشان مشغول جدا بس كانت فريده ساعات تلاقيه بيعوم في البيسين بالليل او الصبح بدري و و قبل الدراسه بيوم جت الشغاله تقول لفريده ان آدم عايزها في مكتبه
خبطت فريده على باب المكتب وفتحت الباب:
آدم:تعالي اقعدي يا فريده
فريده:نعم
آدم :افتحي العلبه اللي ادامك ده
فتجت فريده العلبه لقيت لاب توب لونه فوشيا فبصت لآدم باستغراب
آدم:انا جبتهولك عشان اكيد هتحتاجيه في دراستك
فريده:متشكره اوي
آدم: اهم حاجه عايزه تكوني متفوقه في دراستك
فريده:ان شاء الله
آدم:تقدري تروحي اوضتك عشان بكره السواق هيوصلك الجامعه الصبح
فريده:عن اذنك
آدم من غير ما يبصلها كان بيشتغل عاللاب توب بتاعه:اتفضلي




 
طلعت فريده اوضتها وهي مش عارفه تفهم آدم هو طيب ولا قاسي ؟ وليه بيعمل معاها كل ده ؟ عشان بنت خاله؟؟؟
واسئله كتير بتدور جوه فريده مش عارفه تلاقيلها اجابه ونامت فريده وهي لسه بتفكر في آدم…………………..




 
الصبح صحيت فريده بدري ولبست جينز ازرق وعليه بلوزه صفرا وكوتشي ابيض وعملت شعرها ضفيره لورا وحطت ميك اب خفيف
و نزلت لقيت عمتها وآدم مستنينها على الفطار:
سلوى:صباح الخير يا حبيبتي, ها مستعده للدراسه؟
فريده:ان شاء الله
آدم:خلي بالك من نفسك السواق مستنيكي فالعربيه وهيستناكي لما تخلصي
فريده بصتله وقالت:حاضر
وبعد الفطار قام آدم وفريده وخرجوا من باب الفيلا سوا و فتحلها باب العربيه اللي ورا واداها فلوس:
فريده:ايه ده؟
آدم:ده مصروف ليكي عشان لو احتجتي حاجه
فريده:انا مش عايزه
آدم:وبعدين اسمعي الكلام
وقفل آدم باب العربيه والسواق اتحرك وفضلت فريده تبص على آدم لغاية ما اختفى عن عينيها, وصلت عند باب الجامعه و نزلت ودخلت الكليه بتاعتها وعرفت المكان اللي هتدرس فيه اول ماده وهتاك اتعرفت على بنتين هنا و ليان وقضوا اول يوم مع بعض والبنتين كانوا بيدرسوا في مدرسه المانيه في مصر وفريده ارتاحت لهم اوي وآخر اليوم لقيت فريده السواق مستنيها ورجعت البيت لقيت آدم موجود في الجنينه:
فريده:مساء الخير
آدم:مساء النور, ها عملتي ايه انهارده؟
فريده:الحمد لله
آدم:طيب كويس
فريده كانت عايزه تحكيله عن صاحباتها بس هو مكنش باصصلها وكان بيقرا ورق شغل فاستأذنت ودخلت الفيلا وقابلت عمتها وحكتلها كل اللي حصل في اول يوم دراسه .
وعدى التيرم الاول وكانت فريده مستنيه النتيجه على نار ولقيت موبايلها بيرن:
فريده:الو
ليان:الو يا فري
فريده:ها عندك اخبار؟
ليان:تدفعي كام؟
فريده: قولي بقى
ليان:مبروك طلعتي التانيه عالدفعه
فريده:بجد
ليان:ايوه يا بنتي النتيجه عالنت
فريده:وانتي وهنا عملتوا ايه؟
ليان:الحمد لله نجحنا
فريده:مبروك
ليان:لازم نخرج انهارده نحتفل
فريده:مش عارفه آدم هيوافق ولالأ؟
ليان:قولي لعمتك تقوله
فريده:هحاول واتصل بيكي
ليان:هستناكي
فريده:اوكيه باي
ليان:باي


نزلت فريده لقيت عمتها موجوده في الانتريه:
فريده:طنط
سلوى:نعم يا حبيبتي
فريده:انا طلعت التانيه عالدفعه
سلوى:مبروك يا حبيبتي , روحي فرحي آدم هو موجود فالمكتب
فريده:اوكيه




 
وقفت فريده على باب المكتب متردده وبعدين خدت نفس وهي مش عارفه ايه سر الرهبه اللي بتحسها ناحية آدم:
فريده:آدم
آدم:تعالي يا فريده, عايزه حاجه؟
فريده:النتيجه ظهرت
آدم بصلها وساب الورق اللي في ايده:عملتي ايه؟
فريده:طلعت التانيه عالدفعه
آدم ابتسم:مبروك الف مبروك
بصتله فريده جامد عشان كان اول مره تشوفه بيضحك: الله يبارك فيك
آدم:اختاري اي هديه
فريده بصوت متردد:ممكن اخرج مع صاحباتي انهارده
آدم بصلها اوي:هتروحوا فين؟
فريده:مش عارفه لسه
آدم:اوكيه يا فريده بس السواق هيوصلك ويستناكي عشان يرجعك
فريده وهي مش مصدقه انه وافق:متشكره يا آدم
آدم وهو شايف الفرحه فعينيها :روحي جهزي نفسك بقى


و جريت فريده عشان تكلم ليان ويتفقوا على المكان اللي هيسهروا فيه وبعد ما كلمت ليان وقفت ادام الدولاب واختارت فستان ابيض قصير وشوز فلات بيضا شنطه صغيره وحطت حزام رفيع دهبي ولبست حلق لونه دهبي وحطت ميك اب رقيق و فردت شعرها ونزلت لقيت آدم واقف عند الباب حاطط ايده في جيبه وكان بيبصلها وهي نازله من فوق وده كان اول مره يشوفها حاطه ميك اب و شعرها مفرود ولما وصلت فريده لآخر السلم خرجت عمتها من الانتريه وقالت:
سلوى:شايف يا آدم فريده كبرت ازاي؟
آدم:آه فعلا , فريده متتأخريش عن الساعه 9
فريده:حاضر




 
وخرجت فريده وركبت العربيه وفضل آدم باصص عليها وهو قلقان عليها عشان اول مره تخرج لوحدها في مصر……


الحلقة التالية : قصة حب وألم الحلقة الخامسة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohammed.mansy@yahoo.com
محمد منسى
المشرف العام
المشرف العام
avatar

عدد الرسائل : 18646
العمر : 39
الموقع : منتديات ابو ريوف
تاريخ التسجيل : 26/03/2008

مُساهمةموضوع: رد: قصة حب وألم   الخميس 29 مارس 2018 - 13:05

قصة حب وألم الحلقة السادسة
الحلقة السابقة : قصة حب وألم الحلقة الخامسة


ابتدت السنه الدراسيه وكانت فريده بتروح كل يوم الجامعه وبقت بتقعد مع ليان وهنا ومراد واصحابه و حست فريده ان مراد معجب بيها بس هي مش حاسه ناحيته بأي حاجه كان بالنسبه ليها صديق واخ لغاية ما جه آخر يوم في امتحانات التيرم الاول وجالها مراد عند الكليه:
مراد:ازيك يا فري
فريده:ازيك يا مراد عملت ايه في الامتحانات؟
مراد:الحمد لله, ايه رأيك نتعشى سوا انهارده
فريده:لوحدنا؟؟
مراد:انا عايز اكلمك في موضوع مهم
فريده:بس آدم مش هيوافق
مراد:انا هكلمه
فريده:بس………
مراد:ارجوكي مترفضيش
فريده حست بالاحراج واضطرت توافق بس كان اكتر حاجه قالقاها آدم هيقول ايه؟؟؟؟؟؟؟؟؟؟




 
رجعت فريده البيت لقيت عمتها مستنياها عشان تطمن عليها عملت ايه في الامتحان وبعد ما طمنتها طلعت اوضتها تغير وبعد شويه طلعت الشغاله تخبط عليها وتقولها ان آدم مستنيها في المكتب:
خبطت فريده عالباب وهي خايفه وفتحت الباب ودخلت على آدم:
فريده:مساء الخير
آدم كان واقف وظهره ليها:اقعدي يا فريده
قعدت فريده وهي خايفه اوي
آدم:تعرفي ان مراد كلمني انهارده
فريده:ايوه هو قالي
آدم:طلب مني تتعشوا سوا بره انهارده
فريده: هو قالي بس انا موافقتش غير لما يستأذنك
آدم بصلها وقالها:انت عايزه تخرجي معاه؟
فريده:هو قالي انه عايز يكلمني في موضوع مهم
آدم وتعبيرات وشه ثابته: عايزه تروحي ؟
فريده:لو انت وافقت
آدم:اوكيه روحي يا فريده
فريده:طيب عن اذنك
آدم:اتفضلي
طلعت فريده اوضتها وهي مدايقه ان آدم وافق ومش عارفه ليه مع انها المفروض تفرح انه سايبها براحتها بس برده حست انه المفروض كان يرفض …………………..




 
الساعه سبعه بالضبط نزلت فريده من اوضتها وكانت لابسه جيب طويله لونها نبيتي في بيج وعليها بلوزه كات بيج وشوز نبيتي وشنطه نبيتي وكانت فارده شعرها وحاطه ميك اب هادي ولقيت آدم قاعد في مكتبه:
فريده:آدم
آدم :ها جاهزه
فريده:ايوه مراد هيجي كمان ربع ساعه
آدم:طيب كويس
فريده:لو مش عاوزني اروح انا ممكن اعتذرله
آدم بصلها وفي عينيه ابتسامه :روحي يا فريده بس تكوني في البيت الساعه تسعه
اتغاظت فريده انه بيضحك ومش مدايق انها هتخرج مع مراد وسابته وراحت عشان تستنى مراد في الجنينه ولقيت عمتها قاعده:
فريده:انا جاهزه
سلوى:مالك مدايقه ليه؟
فريده:ابدا
سلوى:آدم قالك حاجه زعلتك؟
فريده بصت لعمتها والدموع في عينيها:لأ…. مقلش حاجه
سلوى حست ان فريده مش عايزه تخرج مع مراد بس هي كانت فاكراها معجبه بيه ومعرفتش هي زعلانه ليه….


الحلقة التالية : قصة حب وألم الحلقة السابعة


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohammed.mansy@yahoo.com
محمد منسى
المشرف العام
المشرف العام
avatar

عدد الرسائل : 18646
العمر : 39
الموقع : منتديات ابو ريوف
تاريخ التسجيل : 26/03/2008

مُساهمةموضوع: رد: قصة حب وألم   الخميس 29 مارس 2018 - 13:08

قصة حب وألم الحلقة الثامنة
الحلقة السابقة : قصة حب وألم الحلقة السابعة


بعد اليوم ده ابتدت فريده تتجنب تشوف آدم وبقت اغلب وقتها في الجامعه وفي الاجازات في النادي مع عمتها وليان وهنا صاحباتها وفضلت تسأل عنه عمتها بطريقه غير مباشره وعرفت انه هيسافر ايطاليا في شغل و قالت لنفسها انها لازم تسلم عليه قبل ما يسافرده ابن عمتها برده………………


و قبل السفر بيوم نزلت فريده عشان تتعشى مع عمتها خصوصا ان آدم بقاله فتره بياكل بره البيت وبعد ما ابتدوا يتعشوا دخل آدم من باب الفيلا وكان بقاله كتير ما شافش فريده فقالها:
آدم: مساء الخير يا ماما, مساء الخير يا فريده
بصتله فريده نظره رقيقه و قالت:مساء النور
سلوى:مساء النور يا حبيبي, كىيس ان جيت عشان تتعشى معانا
وقعد آدم عالسفره وقال: حد فيكم محتاج حاجه من ايطاليا؟
سلوى:ميرسي يا حبيبي
فريده:شكرا
آدم:انا هسافر بكره الصبح ان شاء الله
فريده من غير ما تفكر:هترجع امتى؟
آدم:اسبوع او اتنين حسب ما اخلص شغلي
سلوى:كان نفسي اسافر معاك
آدم:اوعدكم ملره تانيه نسافر سوا نغير جو وكمان عشا ارتاح من ضغط الشغل
فريده:هتنزل فين في ايطاليا؟
آدم:هنزل الاول على روما




 
وقامت سلوى عشان تنام وسابت فريده مع ادهم اللي كان بيشرب قهوه في الانتريه وفضلت فريده ساكته وآدم اتكلم فجأه:
آدم:عامله ايه في دراستك؟
فريده:الحمد لله
آدم:واخبار مراد ايه؟
فريده:كويس
آدم:كلمك تاني في موضوع الخطوبه؟
فريده:لا ابدا
آدم:انا هتصل بيكم كل يوم عشان اطمن عليكم ومش هوصيكي على ماما
فريده:متقلقش
آدم:مش هتنامي
كانت فريده عايزه تقوله انا عايزه اقعد معاك ده انا هفضل اسبوعين ما شوفكش
فريده:خلاص انا هطلع
آدم بصلها نظره غريبه وعينيه بتلمع:تصبحي على خير
فريده:تصبح على خير




 
صحيت فريده بدري عشان تسلم على آدم قبل ما يسافر ولبست بنطالون جينز و تيشيرت احمر وعملت شعرها ضفيره عالجنب ونزلت بسرعه لقيت عمتها و آدم صاحين:
فريده:صباح الخير
آدم:صباح الخير
سلوى:ايه اللي صحاكي بدري يا حبيتي
فريده: عادي صحيت وقلت انزل اقعد معامكم
سلوى:طيب روحي عشان تفطري
فريده مكنتش عايزه تسيب آدم فقالت: انا مش جعانه


وفضلوا قاعدين يتكلموا عن ايطاليا والاماكن السياحيه اللي فيها و قام آدم وقالهم:
آدم:اسيبكم انا بقى وهكلمكوا لما اوصل ان شاء الله
سلوى:مع السلامه يا حبيبي
فريده وعينيها فيها دموع:مع السلامه
آدم:خلي بالكم من بعض
وخرج من الباب وسمعت فريده صوت العربيه وهي بتبعد وحست ان قلبها راح مع آدم………………..


فاتوا الاسبوعين على فريده كأنهم سنه وكانت بتروح الكليه ومش بتركز في اي حاجه ومبقتش تروح النادي ودايما قاعده في الجنينه او بتعوم في البيسين وكل يوم تستنى آدم لما يكلم مامته عشان تطمن عليه وساعات كانت سلوى تقوله خد فريده هتسلم عليك وكان صوتها بيبقى فرحان لما تسمع صوته وحدد آدم يوم الوصول وكان هيوصل بالليل خالص وفضلت فريده مستنياه هي وسلوى بس سلوى نامت وهي قاعده ففريده قالتلها:
فريده:اطلعي انت يا طنط ارتاحي وانا هستناه
سلوى:طيب يا حبيبتي انا هقوم عشان تعبت خالص
فريده:تصبحي على خير
سلوى:وانت من اهله


وفضلت فريده قاعده فالجنينه مستنيه آدم و جابت شال اتغطت بيه عشان الجو كان برد شويه ونامت وهي قاعده عالكنبه وكان شكلها برئ اوي


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohammed.mansy@yahoo.com
 
قصة حب وألم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
موقع ومنتدبات ابو ريوف  :: المنــتديــات العامه :: منتدى همسات وخواطر-
انتقل الى: